منين الصبر اجيبه ......... يازينب الغريبه
دمعي ودمع عينج نزل
ياام الحزن وين الاهل
***********
كالتلي ظلوا على الثره وانه اجيت ميسره
وبن امي جثه موذره وكبالي كطعوا منحره
راسه اشوف على الرمح وعليه شابح ناظره
وبلايه يساره ويمنته خليته سبع الكنطره
يم النهر مصابي
ماينتهي عذابي
اسكت اذا شامت سئل.......... ياام الحزن وين الاهل
******************
نار الحزن ماتنطفي مهما اجود بدمعتي
انه الخدر وام الخدر بالغربه خلوني اخوتي
وحدي ولا من هاشمي يحضر اليه بغربتي
وين العشيره ماشفت ظليت اهيم بحسرتي
اصعب جرح عليه
نادوني يالسبيه
انه بنت خير العمل.......... ياام الحزن وين الاهل
**************
زينب انه وفوك الهزل حكي اعاتب ياهلي
بعد الكمر صار الشمر هو اليباري محملي
ينظرلي من فوك الرمح يعني اعتذرلي كافلي
بالكوفه ونيت وصحت احضرلي يابويه ياعلي
للكوفه من اجينه
واتفرجوا علينه
شوف الدهر بيه اشعمل......... ياام الحزن وين الاهل
*************
ما انسه بالشام اشجره انه ورقية اتصوبت
صاحت رقية وشبكة من شافت الراس بطشت
صاحت يابويه اتاخرت وانه على الطفله خفت
ماتت ياويلي من الحزن واتمنه وياهه متت
صاحت علي هضيمه
من ماتت اليتيمه
بالغربه وافاهه الاجل ........ ياام الحزن وين الاهل
يا حسين......... ياحسين......... ياحسين
منقول