راية وترفرف بجـف الكمر راية
ومنصوبة يم شاطي النهر راية
وبيهه انعـقـد ستـر الخـدر راية
راية الطف عـد كفيلي من حملهه جـان اصلهه عـلم حيدر
راية جانت بالمعارك تسجدلهه جيوش كلهه وحصن خيبر
جـف عـلي بس الرفعهه غـيـر محد يعـرفـلهه وياهو يكدر
بالحرب سيف بيمينه وبيدة راية بيه يرسم احـلى منضر
راية الاسلام هـاي المثلته وبيه غاية للبـراية ومن نبينه
الله خـص بيهه محمد مـن البداية وللهـداية وخـصه بينه
نـزل جـبريـل بوصيـتة وبـيـده ايـة للـولاية بجـف عـلينه
احـنه اسـسنه الـقـواعـد للـعـبادة ونـوح وادم والسـفـينه
احـنه للحـق العـلامه احنه
نرفـع بيـوم القـيـامه راية
حامل الـواء العـقيدة ابو فـاضل بالارادة والـقيادة العـلويه
وارث فنونه الوحيدة من يقاتل ابجهادة والعمادة الحيدريه
غايته حيدر يريدة يبقه كافل بالسعادة وللشهادة الهاشميه
تـشهـد الـراية بـوجـودة يملي جـودة منه رجـفـت ال اميه
مـن سمع الاطـفـال تبجي مـن ضماها اعـتـناها يسمعـلهه
اخـذ جود وللشريعة بغيرة يمشي من اجاها دموعه هلهه
بالعـطـش يا سكنه تشكي وبدعاها الماي جـودة يترسلهه
عـمي العباس صاحت هاليـتـامه وسكـنه رادت ترجعـلهه
عالنهر زينب تشاهد راية لاحت عمه صـاحت جاكم الماي
ارجـع اطـفـالك ضماية وكـل فـكـرهم ترجعـلهم انته وفـاي
كلهه يازينب عيوني ونتي تدرين ارخصلهم هاي وي هاي
وانزع اجفوفي لاجلهم من اطيحن هاذي راية طاحت وياي
زينـب تـلـوذ برايتـك زينب