[ام جعفر محمد]

مرحبا بجميع الاعضاء
اريد ان تساعدوني في حل مشكلتي فأنا اشوفها صعبة ومحيرة
انا عندي طفلين صغيرين واضطريت اجيب خادمة تساعدني في شغل البيت اول ماجات عندي الخادمة كان الوضع عادي جدا
لكن بعد اشهر حملت وتعبت شوي في الشهرين الأوليين وصرت اميل للراحة وبديت اطلب من الخدامة تساعدني في امور الاطفال مثل تلبسهم او تنوم واحد وانا انوم الثاني وتجلس معاهم في غرفة الالعاب في الفترة الي اطبخ فيها
المشكلة هي بعد مرور هالشهرين ان ولدي الي عمره سنتين يبغى الخدامة دايما يسأل عنها اذا كنت انومه او اذا طلعنا بدون الخدامة يعني متعلق فيها
والغريب في الموضوع اني خلال الشهرين الي راحو يوم تساعدني الخدامة مو في كل شي يخصهم كانت تساعدني احيانا والى الآن مو لاقيه سبب يخليه يتعلق فيها هي لا تأكله ولا تلبسه ولا حتى تنفذ اي شي يبغاه مثل لو بغى لعبة من فوق او بغى يشرب شي او ياكل شي دايما ترفض طلباته واذا كنت اطبخ وخليتهم في غرفة الالعاب معاها اراغبهم والاحظ انها ماتعطيهم وجه ولا حتى تنتبه لهم دايما تشاهد التلفزيون والعيال يبكون او يتشاجرون على لعبة وهي ولا كأنها تشوفهم
قمت ألوم نفسي على شان كذا قمت اراغب الخدامة شتسوي وياهم قلت يمكن تلاطفهم واجد ومالو لها لكن ما اشوف الا عكس الي توقعت
المهم اني كارهه تعلقهم فيها ومتضايقة من الموضوع شورو علي ايش اسوي تتوقعون ليش ممكن يبغونها وما يبغوني
والي شايله همه اني على ولادة واكيد بانشغل بالمولود والعيال بيتعلقون بالخدامة اكثر
ارجوكم فيدوني
وجزاكم الله خير جميعا