[ام جعفر محمد]

جزاك الله الف خير على تعاونك
اختي العزيزة انا ما ذكرت كم اعمار اطفالي
الولد عمره سنتين والبنت ثلاث سنين
يادوب يفهمون القصص
والولد هو الي متعلق بشكل واضح
وانا ذكرت لك ان الفترة الي تجلس الخدامة معاهم هي فترة انشغالي اما بالطبخ لمدة ساعه تقريبا في النهار وساعة بالليل حتى الاستحمام صرت ما استحم الا اخر الليل علشان ما اخليهم معاها فترة اطول
والشي اللي مخوفني اكثر اني الاحظ غضب الخدامه في وجهها واضح اذا اخذت احد من عيالي انومه او ألعبه على الرغم انها مو مهتمه فيهم الا انها تبغاهم عندها
انا لاحظت هالشي هاليومين بس
حتى اني سمعتها تعاتب ولدي الصغير بصوت منخفض وتقوله ليش ما تسأل عني يوم اني اغسل الحوش الي بره ليش ما لحقتني ليش ما بحثت عني استغربت منها الولد واجد صغير ايش فهمه بهالسوالف
لما قلت لزوجي الموضوع قال عادي خلي الأمور على حالها ولا في داعي للقلق هي بيجي يوم وبتسافر وبينساها الولد صغير
وناس اقترحو علي اني ادخله روضه قبل ما تسافر على شان يخف تعلقه فيها
مادري واش رايك
وجزاك الله عني الف خير