|
|||||||||||
منتدى الشعر وهمس القوافي الشعر المتميز؛ الشعر الحسيني |
|
أدوات الموضوع | انواع عرض الموضوع |
|
08-23-2013, 10:01 AM | رقم المشاركة : 1 |
شيخ الأئمه عليهم السلام
عظم الله اجوركم بذكرى استشهاد الامام الصادق عليه السلام والتي ستحلُ علينا قريبا ولا تنسونا بالدعاء أحير منين أبدي وياعباره تلوك * وكل وزن الشعر مايوصل الحدك جعفر بن محمد مدرسه الهالدين * صادق هاللقب صاغاه الك جدك ياشيخ الأيمه وسـادس الأقمـــــــــــار * سر ختم العلم ياسـيدي بزندك يانور العقيده الأسس الدستور * يشع ويلالي نور المصطفه بخدك من صغرك يبو الكاظم حويت أعلوم * واسرار العقيده اللي تهز مهدك ياحجة الاه وبيهه سر مكنون * ضكنه أحله الطعم ياسيدي بشهدك يارمز العقيده ومنبع الأيات * من هاذي الشريعه أنشم عطر وردك ياأصل الأصل يمفند الأفكار * عزم طوفــــــــــــــان محد يكدر يصدك فجت كل البحور وأسست منهاج * وفيض بها لشرايع كله من مدك ياسر الرساله وسر علم الأكتاب * بمسله حمورابي أول بند بندك يلسان الرساله الما نطق بالزيف * متعفنه الضماير كلهه لتضدك ياحوزه محمد شرعت تشريع * العلم وأهله يلوذ ويحتمي بسدك أسست المدارس خرجت الفحول * ياهو الغاص ببحور العلم كدك زرع بيكم نبينه للفضيله أغصان * مامره أغضبت لو بنيت حقدك شفت الضيم كله وعاشرت الاحزان * ماكدرت ابد عن نهجك اتبعدك افكار الرذيله وكل بني العباس * وكل أهل الجهل ياسيدي أتحسدك بضمايرهم تعشعش بالحقد الافكار * ظنهم هالحقد عن دربك يردك رغم كل الحقد رغم الظلم والجور * ارتفع بيرغ كرامه ايرفرف بمجدك ومثل باب الزجيه ابدارك اتشب نار * نفيس ذيجه الجريمه اتكررت ضدك ظليت بطريقك تمشـــــــي بالايمان * نار احقادهم ماكــــــــــــــدرت اتصدك بصحون الغدر قدمو حقد ملفوف * واسموم البغض وسفه امردن جبـــــدك رادوهه العقيده تنتهي وتذوب * كل ظنهم تطيـــــــــــــــح وتنمحي بفكدك شرع المصطفه ظنهم تحجبه اغيوم * واهلال الرساله ايغيـــــب من بعدك يظنونه ايتلاشه لو يصير اوهام * وبزغ نور الوصي وهّـــــــاج من وجدك وردت سيدي اهل البُدع والجور * تحارب هالنهــــج جي اصله من رشدك جم مهزوم اجانه اليوم مومنصور * يريد ابعــــــــــيد بينه يروح ويبعدك يزرع بالفتن بس ماله محصول * كل ظنــــــــــــهه تحجبك عنّه وتصدك انته سنبله تلالي وتفوح اعطور * ومناجلــــــــــهم ابد ماكدرت اتحصدك انته العاهدت ربك تصون الدين * مثل اسمك وفيــــــــــــت وصادق بعهدك شرف للجعفري صار الاسم مولاي * نظــــــــــل طول العمر نهواك ونودك تظل ارواحنه لارض البقيــــــــع اهيم * تتمنه تـــــــــــــشم اتراب من لحدك تظل شمسك دليل ايدلي المتـــــــــيهين * كل غيــــــــم النواصب فنّه لو حدك ونكل لابن الحسن ياســـــيدي جم دوب *تره بشوك ومحنّه ننتظر وعــــــــــدك |
|
|
08-23-2013, 03:32 PM | رقم المشاركة : 2 |
رد: شيخ الأئمه عليهم السلام
تحياتي ... |
|
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|