هوسات عراقية بمناسبة ولادة قمر بني هاشم ع للشاعر ايار الحلفي

السلام عليكم اخوتي
ابارك لكم جميعا بمناسبة ولادة ابو الفضل العباس ع واهدي لكم هذه الهوسات الولائية من قلم الشاعر ايار الحلفي ارجو ان تنال اعجابكم ...

شعبان الورد طشـّه اعله روس الناس
اوغده ايبشـّر الأمـّة ابمولد العبـّاس
اولمـّن صار راعي الشرف والنوماس
( شاله الكرّار اوباس ايده )


سئلو فاطمة عن راعي الجفـّين
كالت من زغر عاينت بيه امرين
ما يقبل ينام الا اعله طاري احسين
(اوكلما اكمطه ايكطع اكماطه)


حيدر الكرار من راد الرحيل
وصـّه عبــّاس ابأمر غالي اوثجيل
لا حجه اولا كال بس قدّم دليل
(شال ايد اخته اوحطهه ابأيده)


يا تاريخ سولف وحجي جلمة حك
عن راعي الزم عبـّاس يوم الطك
كلهه اتكول عن الكمر يوم اشرك
( جن حيدر طب من طب ليهه )


من طب كربله اوشاف الجمع ملتم
عبـّاس البطل للواجب اتحزّم
اولمـّن شاف زينب حاط بيهه الهم
(عبـّاس اختاض اوجر سيفه )


آنه عبـّاس الرجف منـّي الخوف
اليوم احج ابكربله وحرم وطوف
آنه يوم اولادتي يوم الطفوف
( اوحيدر بحسين اموصيني )


قوانين الحرب من برز غيـّرهه
فزع فزعة علي والزلم طشـّرهه
وكل ثاية عجيد ابسيفه دمـّرهه
( وسوه الرايه حمره امن الدم )

[أم الحسن و الشهيد]

جزااااااااااك الله كل خيرررررررررر

[almuhajer]

موفقين لكل خير