هل تخجل بأن يكون لك صديق أو حبيب معاق ؟؟؟

[ـأم ع ـــلآوووووي]

هل تخجل بأن يكون لك صديق أو حبيب معاق ؟؟؟

صباحكم / مساءكم خير ...
الموضوع باين من عنوانه
سؤال للجميع
هل تقبلـ/ ـي أن يكون لديك صديقـ/ ـه أو حبيبـ / ـه معاااقـ/ ـه ؟؟؟
صراحه سؤال تبادر إلى ذهني لقيت أشياء حاصله كثيره
وشفت بعيني أشياء خلتني أحس إنه ماصرنا مسلمين
أتمنى الإجابات تكون واضحه
أنا من ناحيتي أحترم كثير طيب كلنا من آدم وحواء وكلنا لنا رب واحد
ويمكن هم يكونون أحسن مننا بأشياء مو معناه إنهم معاقين صرنا إحنا فوقهم دائمآ.
ومو ذنبهم إنهم معاقين هذا خلق الله اللهم لا إعتراض
أحس أننا لازم نوقف معاهم مو ضدهم
أكيد كلكم راح تقولوا طبعآً حنا معاهم
بس أنا قصدي إنه مو نوقف معاهم من ناحيه ماديه نتبرع لهم أو شي زي كذا
لالا
نوقف معاهم نحس أنهم أصحابنا قراب مننا ومانعاملهم معامله مختلفه
نحسسهم إنهم مثلنا مافيهم شي مختلف عننا
نعاملهم بإسلوووب راقي بعضهم تلقاه محبط من الإعاقه حببه في الحياه نسيه الأعاقه
وبس ....

[الكوثـر]

صحيح كلامج اختـــــــي
انا صراحة ما اخجل بـ العكس لي الشرف وإذا تبيني بعيوني اخدمها..
بعدين هي مالها ذنب بإعاقتها ربي يحبها لهذا انقصها شئ واعطاها شئ اخر
بعدين شينقصهم عنا..ياما ناس كاملين خلقا وعندهم ايدين ورجول بسس مايستغلونه بخيـر ابدا بل للـحرامـ وانا ماشملت..
مشكوورةحبيبتي

[سر القلوب]

نعم أختي كلامكــ صواااب العقل

و أنا أقوول أنهم لا يحتاجوون الى المساعدة الماديه بل يحتاجوون الى المسااعدة المعنويه

فياليت من جميع الاخوة او الاخوات الكراام اللذين يستحيوا من أصدقهم أو أحبابهم أو أخواتهم أو أخوانهم أو ........... لا يفعلوا ذلك فأن الله لا يرى شكل الانسان بل يرى أعمالهم و قلوبهم من داخل و ليس من الظاهر

[$فروحـهـ$]

خيتي دوع الايام

ما راح تلقين وحدة تقولج انا استحي امشي مع معاق صدقيني

لكن الواقع غير

تشوفين الاوادم يطلعون اعذار واهية بس عشان ما يطلعون معاه و يفتشلون من شكله !!

للاسف هالكلام محزن و جارح لكنها الحقيقة

و الحقيقة مرة جدا

ولا المعاقين .. وايد ليش ما نشوفهم برا الا ما ندر

؟؟

محبوسين ببيوتهم مساكين

مع ان مثل ما قلتي اهم ما لهم ذنب

[عاشقة الفاقده شباب]

الصراحه لاوالله ماخجل انا تكون عندي صديقه معاقه
بالعكس الابساعده في الشي الي ماتقدر تسويه
يمكن تكون لك المعاقه اوف من العدله
يعطيك العافيه

[خادمة قمر بني هاشم]

صحيح كلامك خيتوووو
انا اختي معاقه
عادي كلااساعدها
في البيت وكلا
اصير معها
ويسلمو على الموضوع

[خادمة الرضا]

يعتمد على حسب الاعاقة فإن كانت عقلية فهذا يحتاج إلى جهد وصبر أما اذا كانت الاعاقة جسدية فلا أعتقد انه يوجد مانع عندي

وليش اخجل ليش هو باايده وصار معاق او انخلق معاق بالعكس راح احترمه واحبه واساعده على قدر امكاني

شكرا على الفكره والسؤال الوجيه

[دعاء الحزين]

والله التجربه خير دليل وبرهان

لذلك لا استطيع الحكم الا بعد التجربة!!!!

وفقكم الله لفعل الخير

[ورود ايامي]

كلامكم عين العقل
بالنسبه لي لا امانع في صداقة المعاقه
فهي انسانه
والدنيا لسا بخير و الحمد لله
كذا مواقف وصدف اواجها بحياتي كثيره منها
في الحدائق العامه عدد من الشباب برفقتهم شاب معاق على كرسي متحرك
واعرف شابه بين فتره واخرى تاخذ صديقتها المعاقه تتمشا معاها وتسليها
الحمد لله وجزاهم الله الف خير
وغيرهم الكثير الله العالم بحالهم
واكره شي عندي ان الانسان السليم يشوف نفسه هو احسن من المعاق
مع العلم ان بعض الناس اذا شافو المعاق يبتعدون عنه ولا يقربون جنبه
ويسبب الاحراج للمعاق
فالمعاق يحتاج للصداقه والكلمه الطيبه والحنان والعطف
يحتاج للمشاعر اكثر من الماده
تسلمين على الموضوع الرائع