نهر الصبر

[الشاعر ابو لقاء البهادلي]

قصيدة نهر الصبر على لحن يامحله الوداع بهالمسيه للمرحوم الخالد حمزه الزغير

بعض الكلمات الشعبيه حروفها غير موجوده وان وضعت الكاف بدل الجيم والقاف بدل

الكاف يفقد المعنى نغمته الحقيقيه

نهر الصبر عدنه فاض صبره ***** حيرت الصبر يالمهدي بأمره
*****************************
شحجيلك شسولف عدنه جم مصاب ** محنتنه اشد محنه

جم بدر وكمر من شيعتك هالغاب ** من دمه يتــــــــحنه

جم نحر اوريد وجم كلب ينصاب ** وظلينه بدربنــــــــه

كل ظن العده يلوينه هالارهاب ** ولوطول نزفنـــــــــه

كثره هالمصايب ** وشفناهه العجايب

اشد مصاب من فجرو الحضره
************************
كبل جان الشخص يرمونه بالنشاب ** ويفارق حياتــــــه

صبح عدنه الالف ماينحسبله حساب ** وفرحانه الشماته

تمثيل بجثث ميته وكطع الاركاب ** بيادين وصـــــــفاته

واليتبع نهج حيدر علي ينعاب** ويتوقع مماتــــــــــــه

صارت بالقنابل ** تكطع بالسنابل

كل ظنهم وردنه يموت عطره
******************************
جم نور الطفه وكثره طفت الشموع *** والحاله رهيبــــــه

جثيره اصدور عدنه مكسره وضلوع *** وقصتنه عجيـــبه

وجم حره انسبت ظلت تهل دموع *** بوطنهه وجن غريــبه

جم طفل ويتيم وصوته مامسموع *** واشكبر المــــــصيبه

مايوم الخضعنه ** بحبكم يجري دمنه

وكسرنه تدري غيرك مايجبر
*****************************
جم مجرم علينه اتسرفن وذباح *** من صلب آل اميه

اشكد سالت دماء اشكد وهبنه ارواح *** لجل ابن الزجيه

وظل عطر الدمه يزهي بعطر قداح *** دم الجــــــــعفريه

ومن شافو عزمنه وما تهمنه اجراح *** وهمــه حيدريه

فجرو اطهرقبور *** ناحت كل الاطيور

واملاك السمه تسجب العبره
************
لجلكم سالت دمانه وجرعنه سموم ** مامره جزعنـــــــــه

وحزنه اعله المصايب ينسي بجم يوم*** نداويهه بصبرنه

المصايبكم يظل هذا الحزن للدوم *** يظل يهمل دمـــــــعنه

ندري بالجره وصار بقدر محتوم *** رضينه بكل قدرنــــه

ميخوفنه اليصير *** مانخشه كل تفجير

اخذنه من دربكم الف عبره
************************************
فسم بالمصطفه سيد الملك والناس **** منعوف الولايه

وحق حيدرعلي وحسنين والعباس*** منهـــــــــــاب المنايه

يظل نهج الوصي وسط الظلم نبراس *** وترفرف الرايه

وابد مانخضع بيوم وندنج راس *** نتحه الرزايـــــــــه

حسين اصل الكرامه *** والكل حر علامه

خالد للأبد منهجه وفكره

[خادمة رقية]

احسنتم الابيات في قمة الروعة تحياتي وحترامي لكم