|
|
 |
 |
 |
|||||||||
|
|||||||||||
 |
 |
 |
|||||||||
| منتدى الشعر وهمس القوافي الشعر المتميز؛ الشعر الحسيني |
 |
|
|
أدوات الموضوع | انواع عرض الموضوع |
07-25-2013, 08:11 PM
|
رقم المشاركة : 1 |
الموشحات في رثاء اهل بيت النجاة ديوان قصائد للشاعر حيدرالخفاجي الرميثي
بسمه تعالى قصيدة للرسول صلى الله عليه واله وسلم) بغيبت المختار دم يجري الــــــــدمــــــــــع وشبت ابكل كلب نيـــــــــران الضلــــــــــــــــع بغيبت المختار تبجي الانبياء وتبجي سكان الارض واهل السماء خانـــــــــــــوالقران كوم الاشقياء بكل كلب نيران جــــــــرحك ترتفــــــــــــــــــــع شبه البسمارماصاب المــــــــــسيح لاخرق جفه ولادمه اليســــــــــــيح ليش يابسمار بمصابك تطــــــــــيح فاطمه وبالصدردم جرحك نـــــــــــــــــــــــــــــبع عجب ياباب الوصي وباب الرسول شلون تقبل تعصر اضلوع البـــتول والسياط شبيك عنهن ماتحـــــــــول شلون ياهلباب تقبل تنـــــــــــــدفـــــــــــــــــــــــــع والعجيبه النار قبلت تنـــــــــــــوكد وعلنبي ابراهيم تتحول بـــــــــــرد ليش يانار وعليمن هالحـــــــــــــقد صبتي كلب الزهره ماصرتي شمـــــــــــــــــــــــــــــع 1 ---------------------------------------------تمت بعون الله ------------------- الشاعر\حيدرالخفاجي الرميثي قصيدة الى الزهراءع نبجـــــــــي دوم اعليج ياام الحســــــــــــــــــين ناربابج والظـــــــــلع وي الجنـــــــــــــــــــــين عليج تبجي الانبياء وي الزمـــــــــــن ويبجي الحسيـــــن بحزن يبجي الحسن ياضلوع الزهـــــره ليش اتهـــــــــشمن عصروضلـــــوعج حقد هالظالمــــــــــــــــــــــين تنسطرعينج يبت اشرف رســــــول من الصدر مولاتي ظل دمعج همول صوب البسمار صدرج يالبــــــــتول صحتي يافضه ولتني الضالمــــــــــــــــــــــــــــين دفعوالباب اعله ضلعج فاطــــــمه طحتي من صدرج يصب نار الدمه ليش ابو الحسنين ماسل صــــارمه مجتف بحبل الوصيه وعالمــــــــــــــــــــــــــين زينب بنار المصيبه تنفــــــــــجع الم عصرالباب والام الضلـــــــــع تصيح يايمه ويصب منهه الدمـــع زينب المفجوعه من ذيج السنــــــــــــــــــين 2--------------------------------------------------------------------- الشاعر\حيدرالخفاجي الرميثي قصيدة الى الامام علي ع زينب اتنادي ابكلبهه المنفـــــــــــــــــــــــــــجع لاتعوف ايتامك اتسيل الدمـــــــــــــــــــــــــــــــــع انعادت اعله الحره قصت فاطمه الزهره وي بسمارهه الينزف دمه مصاب حيدر والضلوع مهشمه مصيبة الكرار وي كسر الضلـــــــــــــــــــــــــــــع علي بالمحراب ضل دمه يسيح يبجي لمصابه ابالم عيسى المسيح ينحب المختار ياحيدر يصيح كلب الحسين ابمصابك ينفجــــــــــــــــــــــــــــع ياعلي انت الليث لوصار الحرب عيونك اعله الفقره ياحيدر تصب لله ساجد ياعلي انت وتنضرب كلوب هاي الفقره لجلك تنصــــــــــــــــــــــدع لاتعوف ايتامك اتصب الدموع وزينب اعله افراكك ابعبره تلــــــــــــــــــــــــــوع ياعلي ومصابك ايكسرالضلوع سابح ابدمك يحيدر تنصـــــــــــــــــــــــــــــرع ابن ملجم طبر احلام اليتيم وفزو من الضربه اصحاب الرقيم بطبرتك مصيوب ضل موسى الكليم ياعلي اعله مصابك اينوح الشرع ------------------تمت بعون الله---------الشاعرحيدرالخفاجي الرميثي------------------------------------- 3 قصيدة الى الامام الحسين ع ننحب أعلة حسين دوم بكل زمن حتى يوم الثار يا ابن الحسن نبقى نضرب عالصدور بكل وكت تواسي دمعة زينب الدمعه التكت هاك يالمهدي مناحر لو ردت عالصدر شوف الادين تحزمن وننحب بكل وكت لمصاب الظلوع خل تذوب عيونه ومثل الشموع نهدي للزهراء اقداح الدموع حتى يوم الحشر باجر يشفعن ابد يالمهدي فلا ننسه الرضيع نذكر المذبوح والنحر القطيع بحضن الحسين أ لطفل طايح صريع يا لثارات الرضيع بكل شجن تجرح الاحساس ياجرح الحجر تذبح الانفاس ياذبح النحر تصوب العباس وجفوفه وذر والكمر لحسين جفينه بجن بطيحة الاكبر تطيح الكائنات نزف دمع الباقيات الصالحات باكيات ناعيات نادبات سورة الاحزاب بالهم رتلن طاحت الأفلاك من طاح الحسين مطرت الدنية بدموع المرسلين تنحب أعلة حسين يم الشاطي عين عين عباس التسيل عله الضعن نشوف راس حسين دوم عله الرمح نعيش دوم بليل مذبوح الصبح كل صدر حزنان لاما ينشرح الذاريات وي الحشر يتألمن ***4***************تمت بعون الله* الشاعر\حيدرالخفاجي الرميثي قصيدة الى علي الاكبروزينب والعائلة ع على الاكبر دمعتي اتهل وتسيل وعلى زينب انتحب واعله العليل كطعت قلبي مصيبة كربله والخيام الشبت اعله العايله وتاهت اطفال الرسول ابهلفله ابجي عل اطفال ماعدهم دليل القاسم امخضب يصب منه الدمه وليش عبدالله السهام اتالمه نحره ينزف تبجي ضلت فاطمه عله حسين وطفله ظل دمعي يهيل عين ابو فاضل يصوبهه السهم صابو العباس والعز والشيم ابجي عالعباس وجفوف الكرم مايعوف حسين ومصابه الدليل سلبو خير البشر بعد الذبح وراسه يتعلك على راس الرمح الخيل رضت صدره وترض عالجرح ماسمعنه بلادفن يبقى القتيل بلادفن ضل الحسين اعله الارض والعده بخيولهه ابصدره ترض مادرو بحسين عدنه اعظم فرض باب صارحسين للباري الجليل --------------------5-----تمت بعون الله---------------- الشاعر\حيدرالخفاجي الرميثي قصيدة الى الامام السجاد ع تجري دمعات العباده اعله الخدود ياعلي اعله امصابك اينوح السجود تلطم الايام ويون الصـــــــــبر ابكلبك انشوف الخيم تسعر جمر انت شايل كربله اشعندك صبر وي مصابك نزفت اعيون القيود راس الحسين ابدليلك منرسم وطفل بالنبله ذبيح ومبتسم والبطل عباس راسه المنهشم عسكرابصدرك نشوف احنه وجنود جبدك المسموم وضح ماجره ياعلــــي وسهم المثلث فسره وعين ابو فاضل جرت دم عالثره دولة امصابك فلا الهه حدود يا علي ابكلبك سبي وسوط وطفال وزينب الحره تجتفهه الحبال وراس ابوك ابرمح تنظرله العيال يا علي وتسبيكم اذناب اليهود تسجب ادموع الصحيفه ابكل دعاء عليك نحر حسين ضل ينزف دماء يا علي السجاد تبجي الانبياء الكبرك ايات الحزن يبقن شهود 7--------تمت بعون الله-------------------------------------------------------------------- الشاعر\حيدرالخفاجي الرميثي -------------قصيدة الى ابي الفضل العباس ع) تنسبي اعيالك يسبع الكنطره راس اخوك اعله الرمح ما تنظر تقـــــــبل السجاد مجتوف ابحبل وزينب المفجوعه تصعد عالهزل وعلى ظهري ابسوط يظربني النذل لاتخليني وتظل فوك الثره أعله الجثث مرينه شفنه حسينك شلــون تفزع ونت ماهي ايمنك شلون تنظرله وسهم صك عينك ننظر المظلوم كطعو منحره ننظرالراس الغريب المنذ بح رتل ايات الكهف فوك الرمح بقلب زينب جم رمح وجم جرح ضربوالاطفال وانه ميسره وعذبـــو رقيه كوم الحاقدين اطوهه راس حسين مصيوب الجبين ماتت الطفله على راس الحسين خيل تسحكنه وخيام اموجره مجتفين ودخلونه اعله القصر تقبل الاطفال يسحلهم شمر ويضرب ابراس الحسين ويفتخره جنت اتمنه تجي ويح يدره ----------------8----تمت بعون الله------ الشاعر\حيدرالخفاجي الرميثي قصيدة اى الامام السجاد ع اليوم كله الكون يصرخ بالائنين ياامامي ياعلي يبن الحسين اليوم غاب النوروالبدرانخسف غاب نورالشمس ياحسره انكسف سمموا أعظم امام وللاسف على حسين العمركضيته حزيــــــــن باخر انفاسه وتصور كربلاء يذكراخيام الي سعرت بالبـــــــلاء ينضرعياله تضل بلاخباء نبقى نبجي اعليك كل هاي السنين قبل اجفوف الكمر يم الفرات ماشرب عباس من ماي الفــــرات نضرعينه ابسهم صابتهه الطغات عمك العباس مكطوع اليمين شلون عبدالله تشوفه بيا قلب يجري نحره وجسمه بالدم منخضب ماشرب ماي بسهم من ينضرب -تنحب املاك السمه وهالعالمين الحره زينب جتفوهه وتنســـــبي وانت باطفالك يسوك الاجنـــــبي وعالرمح مرفوع راس ابن النبي عليه رقيه اتموت يذبحهه الحنين يودعك الباقرعلي اباخرسلام وسفه عنه اتروح يا اخر امام تنحب اعليك العباده والصيام ابد ماننساك زين العابدين --------------9-----تمت بعون الله----------------------الشاعر\حيدرالخفاجي الرميثي قصيدة الى الحوراء ع) زينب الخلص عمرهه بالحزن بالدمع والحــــــــــــسره مهضومه وتون قلب زينب من زغرهه منفجع شافـــــــــت امهه تنوح من كسرالضلع ومحسن اباب المصيبه ينــــــــــــــــــصرع نارهه ونارالضلع يتوجرن شافت الكرار طبرو هامته مخضب ابفيض الدمه من شيــــــــــــــــــبته شبيك ياحيدر يبويه اتلكـــــــــــــــــــته مانشف مدمعهه نيرانه جـــــــــرن عاينت نعش الحسن كله سهام والطغات السممو جبد الامـــــــــــــــام خلو عيون العقيله ماتنام بالمصايب عاشت وضيم المـــــــــــــــــــحن والمصاب السده اعليهه ابكربله راس ابوالسجاد عالرمح اعــــــــتله تكطع الدلال نبلة حرمله وتنضر اجفوف الكمر يتكطـــــــــــــــــعن ياسبيه وراس اخوهه اعله الرمح عالـــــتراب حسين ضامي وينذبح مثل راس اخوهه بيه اجم جرح جروح ابـــــوالسجاد عنهه ما غفن تيسرت ياحيف بيد الناصبي تجرعت جم سوط وهموم وسبــــــي تذبحو جدامهه اولاد النبي لن بنات المصطفى يتحـــــــــــــسرن طبت اعله ايزيد هزت دولته رعبت الطاغوت هو وسلطتـــــــه نصرت الاسلام رفعت رايته والمصيبتهه دموع الحق همـــــــن -------------------------10-----تمت بعون الله-----الشاعر\حيدرالخفاجي الرميثي قصيدة دفن الاجساد) وين عني ياعلي زينب تصيح صاح رحت لكربلة دفنت الذبيح ********** وين عني يابقية كل هلي وين عني تريد تمشي ياعلي تدري غيرك مابكه عندي ولي وانت بالهم والمرض تمشي وتطيح ******* عمه رحت الكربلة وشفت الحسين من الكفه مذبوح جسمه مطبرين بالشمس مطروح ضامي بلا معين مابكاله ظلع ياعمه صحيح *********** طحت يم حسين اشتم منحرة بيا ذنب من جفه كطعو خنصرة ضل ثلث تيام جسمه على الثرة لهل مصيبه الكلب ماضن يستريح شفت جسام وشفت جسم الرضيع ليش عبد الله بسهم نحرة كطيع وشلت بيدي الاكبر وجسمه صريع لقصت الاكبر دمع عيني يسيح ********* وعله صدر حسين وسدت الطفل مصاب عبد الله ابد ماينحمل من مصاب حسين مثله ماحصل لاذبح يحيى ولا صلب المسيح ********* عل نهر مطروح ياعمه الكفيل والجفوف مكطعه ودمهن يسيل شلون اشيلن عمي يدريني عليل ويدري بيه بالهظم كلبي جريح ********* حسين ضل مطروح متوسد الرمال جسمه من كل كتر طعنات ونبال صعبه اشيله وجسمه متكطع وصال ضاكت الدنيه بعيوني وكل فسيح -----------11------------تمت بعون الله----الشاعر\حيدرالخفاجي الرميثي قصيدة الى ابي الفضل العباس ع) يابطل عباس ياسبع الطفوف بالشدايد غير شخصك مانشوف يا كفيل العايله وحامي الخيام يالواء حسين ياليث الهمام ردفقار المرتضى ابجفك حسام يزيح بيده ارجال ويكسرالسيوف ياكريم وما ترد الينخه دوم تنجلي عباس يمك كل هموم انت باب الحاجه خل بابك يدوم تبقى جفينك ترحب بالضيوف ابد يا عباس مترد اليجيك تكرم المحتاج عباس باديك واليطيح ابشده اصبح يعتنيك يصيح يا عباس ماتجلي الخسوف ياكمرنوره يشع طول الشهر- بس كمر عباس ضل طول الشهر صار دكتور ويعلج بالبشر- كبره مستشفى ويعالج بالالوف ********************* ما اضن اتعوف خدامك تحير انت دنيا واخره اعليهم امير سند تصبح لويمر موقف خطير تعتني ابخدامك ابكل الضروف دوم ما ننسه مصابك والالم نذكرالعين الي صوبهه السهم بالعمد راسك يبوالغيره انهشم ---------12----------تمت بعون الله ----الشاعر\حيدرالخفاجي الرميثي قصيدة الى الامام الحسين ع) ياسلام الله على خيرالانام حسين واصحابه واهل بيته الكرام ياهويه اتعلكت فوك الصدور وياشعار اليرتفع باعلى النحور من نصيح حسين كل دمنه يثور -لكربلاء انوجه ابلهفه السلام خدمتك مولاي هي اعظم فخر لشيعتك يحسين مصباح النضر خالده الخدمه تظل طول الدهر نبقى يامظلوم نهتف باحترام ياسلام اعله الرضيع وقصته وياجرح صاب الدليل بذبحته جمره بحشانه وتالم عطشته دوم بسمك سيدي يطيب الكلام ياحبيب ابن مظاهر نذكرك بينه يذبح ذاك سيف الطبرك نبجي لمصابك ننوح المنحرك لودت اصل الصلاة واصل الصيام عليك دمعات البجي اتغرك الجفون عليك يابو اليمه دم تجري العيون لجل حبك سيدي كلشي يهون وي مصابك نبجي من دم ياامام نار ضلت تسعر وتجوي الدليل حسين من ضهره انكسر يم الكفيل اجفوفه فوك الكاع وعيونه تسيل يبجي لمصابك يمضلوم الغمام -----13-----تمت بعون الله --------الشاعر\حيدرالخفاجي الرميثي قصيدة العباس والوطن ) جفوف هذا الوطن تعلم ياجفوف اجفوف سبع الكنطره وسبع الطفوف لوصحت عباس تهتزالدماء صرت ياعباس مدرسة الفـــــــــــــــــداء راية العباس رفت بالسماء وتبقى جفينه ترحب بالضـــــــــــــــــيوف شلت بيمنك علم هذا البلاد راية العباس معناهه الــــــــــــــــــــــجهاد رايتك ضلت ترف فوك العباد ثورة الدم صاحت ابوجه الســـــــــيوف ليش تلكه الغيره عداهل العراق المصدرالعبـــــــــاس منه الانطلا ق الوطن صابر رغم ضيق الخناق وطن عباس وبحر مابي جروف هالشعب شعب الحسين وما يحيد مايبيـــــــــــع الوطن عباس ال يزيد انت سنيت الدرب دم الوريد مـــــــــــــاجرفنه السيل وامواج الحتوف مانطخ الراس يابو المعضله رايتك فوك وتقود القافلــــــــــــــــــــــه الصولت العباس تشهد كربله والعراقين ضحولك صفــــــــــــــوف -----14---تمت بعون الله----------الشاعر\حيدرالخفاجي الرميثي قصيدة الى الامام الحسين ع بكل ألم دمعاتي طاحت علحـــــــــسين. وعلـــــرضيع اعيوني صبن بلحنين ياصريع ألدمعه ياجرح ألزمان لوعة مصابك ألمهه بكل مكان بظلوع وبالكلب ذاك ألســـــــنان ألفوكة راس حسين بجة ألخافقين ذبح روحي ألسهم من صاب ألرضيع ماشرب ماي ألطفل دمه ألفجـــــــــيع .بحضن أبوألسجادعبدألله صريـــــــع وزينب تشوفة وتندبة بكل حنين أه من سهم ألمثلث وألغـــــــــــــــــدر شمايجي أبالي ادك أعلة ألصــــــــدر أواسي صدرك وألمدامع تنهمـــــــــر بصدري أنصب مجلسك يبن ألأمين شنهوصدري و ماألطمه وي النياح وفوك صدرك لطمت خيول ورماح تموت ضامي ونشرب ألماي ألقراح شمانقدملك نضل مقصرين فدوة دمي وفدوة دمــــعي يالغريب ردنة نغسل بالـــــدمع جسم السليب وسفة راسك عرمح أصبح خضيب والله ماأنساك يابوألثائرين هم مصيبة زينب وجرح ألرباب بكلبي نارألخيم تســـــعروألعذاب بعبرت ألسجـــــاد يزدادألمصاب تنوح ساعات ألسبي وألفرقدين ----------15----تمت بعون الله----------الشاعر\حيدرالخفاجي الرميثي قصيدة الى الامام الحسين وهلال محرم) اه يحسين ومصابه --- لجله العين سجابه ياسهم عاشورصوبت العــــــــيون لسه تجري دموع تجرح بالجفــون وعين ابو فاظل جرت دم ماتهــون مصاب حسين واصحابه--- لجله العين سجابه اه يزينب والله بجيتي الحجــــــر تغسل ادموعج جفوف اعله النهر ماطفت دمعاتج خـيام القـــــــــهر والعباس وصوابه ---------لجله العين سجابه اه يعبدالله وجرح نار الســــــــهم صاب كلب حسين بدمومك رسـم لسه دمك بالسمه ينادي بألـــــــــم تهل دمعات لهابه ------لجله العين سجابه اه يـدمعــة سكــــنه بمصاب الحسين تـــدري سيف اليتــــم يذبح مايلــــين وعمهه راعي الجود كطعوله الاديـن اعله المنحور وخضابه ----لجله العين سجابه يا مصاب القاسم وجـــرح الشباب وي جروح الاكبر اتسيل السحاب يادمع رمله ومعـــــــانات الرباب هاي دموع احبابه -------لجله العين سجابه --------16-----تمت بعون الله ---------الشاعر\حيدرالخفاجي الرميثي قصيدة رجوع زينب من الشام الى كربلاء) اجت زينـــب اجت زينب يـــــبوفاضل اجت زينب رجعت من الشام تبجي الكربله اجت مهضومه وتجـــربالعايله اتدوراعليك ودمعهه اتهــــامله بهظم تنحب اجت زينب يبو فاظــــل اجت زينب تريد تحجي وياك سبع الكنطـــره تشجي لوعات السبي وكل ماجره راس الحسين الكلبهه ايفـــــــطره دمع ينصب اجت زينب يـــــبوفاضل اجت زينب بالخرابه كعــــــــدوهه يالكفـيل والسلاسل تصب دم من العـليل زينب اختك ما تـذل لا مستحيل بكلب يلهب اجت زينب يـــــبوفاضل اجت زينب زينب المظلومه طاحت عالحسين تكله يا خويه بعـد ذيج السنـــــــين عذبــــــونه ولــــوعونه الظالميـن للمخـــــظب اجت زينب يـــــبوفاضل اجت زينب رمله عالقاسم تـــــــــدور بالدموع وليله وين الاكـــــــبرتنادي وتلوع وين عمي اتصيح سكنه بالــرجوع للمصـــــوب اجت زينب يـــــبوفاضل اجت زينب اجـت زينب واجت وياهه الرباب وين كبرك يالرضيع اردن جواب اندفـن وي حسين وزداد المصاب الجرح يصعب اجت زينب يـــــبوفاضـــل اجت زينب ------17-----تمت بعون الله ---الشاعر\حيدرالخفاجي الرميثي قصيدة عن الموت قصرت وي أخوتي أوي ديني. شما أتــــوبن دنــيتي تغـــويني لحظه لن ألموت دك بابي وصحت أطيني مهله شكــــثربيه أتوســـلت كال أيس روحــــــك ألساعه ردت وكمـــت أحـــاجي ذنوبـــي وتحاجيني شما أتــــوبن دنــيتي تغـــويني أنشلت ألرجــــلين بعظائي ألعجز بروحي ملج ألموت عذبني ويحز ألك ماظل رزق ماي ولاخـــــــبز قبــــض روحي او وضح كلشي بعيني شما أتــــوبن دنــيتي تغـــويني أولادي تبجي أعليه وانه بيا وضـع بعالي صوتي أصرخ أنه وماأنسمع أسمـــع أجنـــازه يسمـــوني ألــربع وبـــــــعـــدبـــسمي محـــــــدأيسمـــــيني من وره ألتغسيل لفــــوني بجــــفـن غيـــرهالــــوصله فـــلاأخـــذثـــمن وحفرتي شبرين تصبحلي وطــــــن حفــره ظلمه وضـــيجه مـــن يلــفــــــني شما أتــــوبن دنــيتي تغـــويني أه يادنــيا ألــــغــــدر وام ألغـــــــرور .شكثربيج أطمع جنت واهوه ألقـصور تالـــي يـــم ألــــدود اسكــــــن بالقـبور ظلــــــوعي مـــن ظـــــك ألكـــــبرتاذيني شما أتــــوبن دنــيتي تغـــويني بالـــصلاه ماملـــــــتزم لابالــــــصيام غيـــرحب حسيـــن ماأمــــلك وســــام يكــــــدرأيـــنجيني مـــــن ذاك ألظلام علـــيه دمـــوعي مــــن ألجمـــرتحمــــيني شما أتــــوبن دنــيتي تغـــويني -------18------تمت بعون الله--------الشاعر\حيدرالخفاجي الرميثي قصيدة الى المشاية افرش عيوني اعله دربــــــــك ياحسين حتى تسحكهن حـــــــــشود الزائــــرين حكي افدي الروح لو انـزف دمــــــه اجو مشايه علـــــــي وي فاطمـــــــه واليزورالهادي بيــــــــده يسالمــــــه افرش بـــــــــدرب المشو روح واديــن بكربله العباس يتلـكه الضيــــــــــوف شايل الرايه ويمدلنه الجفــــــــــــوف ايوزع امراد ويصافح بالالـــــــــوف تفتخرارضك عـــــــــراق الرافديـــــن يقره جابر كل مقامـــــــــات المصاب وعين زينب تجري جن عين السحاب واليصورتره ابراهيــــــــم المــــجاب تقبل الاقدام عــــــــــــــــــندي الشفـتين راح حتى حسيـــــــــن مشايه الحسـين وزينب اتواسي العقيـــــــله ابكل انـين وابوفاظل كصد عبـــــــــــاس الاميـن والشمس تهوه ونجــوم الفرقــــــــــــدين جون يقره اعله السبط شعر الفصـــــيح وكف عابس علدرب اهلن يصــــــــــيح المهدي مشاي واجه وياه المســــــــــيح الجنــــه تنـــثر ورد تحـــــــــت القدمين الاكبر وجســـــــام صاحو ياهـــــــــــله كلهه موكب صارت الهم كربـــــــــــــله حســــــــين كـام ايرحب ابكل قافـــــــله والـــــــــــــصفا والمروه با تـــن طائعين ----------------19----تمت بعون الله----الشاعر\حيدرالخفاجي الرميثي قصيدة جرح الحسين) دمعه زينب تجري من جرح ألحسين .وي مصيبتهه جرت عيــــــن ألسنين .بجفي طاحت تندب دموع ألقلم .تحترك أوراقي من أكتب خيم ..وينجرح أحساس دلالي بسهم .عليهه تبجي جفوف عباس ألأمين .. وعله زينب تنحب جروح ألرظيع ويحزن ألعباس وألجف ألكطيع .ويبجي ظلع ألزهره وألمحسن صريع وي مصيبة زينب أينوح ألجنين زينب اجروح ألسبي ودمع ألرباب وزينب ألأسلأم معناهه ألحجاب .ماتذل زينب رغم كل ألمصاب .طبرت ألعباس صبرأم ألبنين. زينب ألأكبروكع برض ألطفوف ..وطبرت جسمه ألخناجروألسيوف وطاح فوكه حسين وألحره ألتشوف .وحجرصاب حسين دم صب ألجبين عطش كلب سكينه بمصابج يون ويبجي ليل ألسبي وساعات ألحزن وفاطمه ألمظلومه بالهم تمتحن تنحب ألزهره أعله زينب بالأنين ----20---تمت بعون الله ------------------الشاعر\حيدرالخفاجي الرميثي قصيدة الى اولادمسلم ع) يبجي عالاطفال ياشيعة الحسين *** بالعراق اليوم ذبحو شمعتين حسين يبجي بكربلاء *** والوطن يذرف دماء فوك رمحة الراس يبجي علة الطفال *** تسال علة الراس جي يبجي العيال ماجرة باولاد مسلم والحبال *** يدري بيه حسين ودموعةتهال تصيح زينب والدمع من دم يسيل تخاطب الاطفال دمعات العليل صاحت افلاك الفظاء *** والوطن يذرف دماء تنشد العباس زينب بالدموع *** جن اجاهة بطيف بالعبرة يلوع يختي هذا اليوم طفوهة الشموع *** اولاد مسلم ذبحوهم كاليسوع هاليتامة اشلون ذبحوهم عجيب ذولة مثل حسين واحدهم غريب ينطفي ليش الضياء *** والوطن يذرف دماء *************** مابقت رحمة بقلوب اهل الطمع *** اطفال مسلم ياذنب منهم طلع بحسرة يبجي الموت بيهم من سمع *** كطع راس الرحمة ذابحهم كطع اليوم بالمحراب حيدر ينطبر ــــــ وعلة صدر المصطفى يصعد شمر ناحو اصحاب الكساء *** والوطن يذرف دماء الزهرة نزلت شافت الدم والنحور *** بياذنب ذبحو براءة هالزهور صاحن الزهرة عليمن هالبدور *** سابحين بدمهم ودمهم يفور يامصاب الضلع ياجرح السنين ــــــ بي انصابت فاطمة وطاح الجنين تمطر ادموم السماء *** والوطن يذرف دماء نعم يااولاد مسلم بالعراق *** جم طفل ذبحوه اصحاب النفاق بالمدارس فجروهة وبالسواق *** وذبحو البسمة كبل ذبح العناق في ذبحهم هاجت اجروح الرظيع وجف ابو فاضل لجلهم ضل كطيع علة اطفال الابرياء *** والوطن يذرف دماء ذبحو الشيعي لئن رايح يزور *** كفرونة وفجرو اشرف قبور فجرونة وفيظو دم النحور *** نبقة نبجي عليكم ونلطم صدور على خدود الوطن دمعة الرافدين تبجي وتعزي بحزن طه الامين علة الذبيح من القفاء *** والوطن يذرف دماء *******21**تمت بعون الله****** الشاعر\حيدرالخفاجي الرميثي قصيدة هلاليه) ياشهرعاشـــــــــــــــــــور بجيت العيون بيك زينب والفـــــــــــــــــــواطم ينسبون بيك ابو السجاد عطشان انذبح ضامي عبدالله وغدر نحره انجرح والكمرمصيوب عالشاطي انطرح بالخيم نارالتشب يتسلبون سحكت الخيل اعله صدرابن الرسول وبجوالكرار وي امــــــــــــــه البتول ليش راسه اعله الرمح صار ويجول بالسياط اطفال زينب ينولون بيا ذنب سكنه تنوح وي الحرم تنتظرموعدهه وي راعي العلم بالكلب نارالحزن تصلي الخيم وسفه اهل بيت النبي يتعذبون علي الاكبر ماشرب ماي وضماه يبس كلبه من العطش والحر ولاه تشرب سيوف الغدر من صب دماه شلون شاف حسين جسمه يكطعون تودع حسين العقيله بيا صبر تشم منحر ضامي وتقبل الصدر جنهه تدري ابمنحرالحق ينحر وبالرمال الذاريه يتغسلون صدك زينب شافت حسين انصرع وصدك تنظرجسم اخيهه من وكع طاح وبسيف الشمرراسه انكطع عكبه اطفال وحرم يتيسرون --------------------22------تمت بعون الله----------- الشاعر\حيدرالخفاجي الرميثي قصيدة الى الامام الكاظم ع) وسفه ياباب الحـــــــــوائج تنغدر ونعشك ايخلونه وحده اعله الجسر انت باب الله ومفاتيح الجنان ضنوالحريه يحبسهه المكان مادرو بالعز على راس السنان والكم اوشاح الحديد اعظم نصر مات غيب الشمس بحجاب الغيوم وجان مات الليل من غير النجوم حبسوابسجن الظلم باب العلوم ياشعاع الحق ابد ماتندثر ندري حكام ازمن باطل تسير وندري بالظالم يسمونه الامير المثل ابن جعفرعجب يصبح اسير وجه موسى صار للدنيا فجر بالرطب ماصارت اتموت الحيات وبالرطب ضنو يسمون الصلات يبقى باب الكاظم ايدلي التقات يبقى بابك جبل حق ماينكسر خل كل مسجون حر شاف العذاب ينظرالكاظم تجرع بالغياب امصيبة الكاظم تهونه المصاب ماتغيب النورطامورة جحر ---------23-- تمت بعون الله--------- قصيدة الى باب الحوائج معانات السجون)* موسى ابن جعفرتعذب بالسجون مات مسموم وعليه تبجي العيون نفس سوط الضرب زينب صوبه وعذب السجاد كيدالعذبه ليش ياهارون موسى اتحاربه الطلعته الشيعه باملهم يندعون يبجي جف عباس وي راس الحسين على الكاظم يبجي عبدالله بانــــــــين يبجي حتى الليل وعيون السنــــــين حتى الاملاك بحزن يتعذبون من السلاسل جفه ظل يجري دمه والرطب بسمار صوب فاطمـــه سمم الكاظم عليه متالـــــــــــمه وي مصابه الشيعه بالهم يبتلون سيدي مسجون ولهم صــــــوبك ضالم السندي بقساته ايعذبــــــك بالحقدسم المنيه شــــــــــــــربك اعله الجسراحبابك اليتنطرون تنتظر احبابك اتهل عالجســـــر مادرونعشك يجيهم يابــــــــــدر مادروجبدكيوالي الينفــــــــــطر طلعوا اصحابك يموسى يشيعون ----------24----- تمت بعون الله--------- الشاعر\حيدرالخفاجي الرميثي قصيدة الى الامام الباقرع) يالباقر سيدي يالباقر اروي قصت كربله والرضيع وحرمله شلون شفت حسين طاح من المهر ضامي من صاعد على صدره الشمر الخيل يالباقر ترض اشرف صدر والظلوع الطاهره من تنكسر هلمصيبه القاتله والرضيع وحرمله بنبله ذبحو نحر عبدالله الرضيع انذبح عطشان الطفل بالهم فجيع بيد ابوالسجاد عبدالله صريع وزينب اتلكته والمنضر فضيع والمصايب حامله والرضيع وحرمله بياذنب سموك احفاد الغدر بالعلم يالباقرانت المنتصر مثل جبد حسين جبدك ينفطر مانسيت السهم من صاب الصدر والجروح السايله والرضيع وحرمله ثلث تيام الحسين ابلا كبر وانت والايتام بحبال الاسر كلب زينب بالمصايب ينكسر والعليل الضيم نازع والصبر هاي اصعب مسأله والرضيع وحرمله هم شفت راس الحسين اعله الرمح ارده اسئلك جان بيه اجم جرح وفوك راسه يارقيه التنذبح وانتم بهلحال ليل بلا صبح نبلة الهم قاتله والرضيع وحرمله -------25------ تمت بعون الله------ الشاعر\حيدرالخفاجي الرميثي قصيدة الى الامام علي الهادي ع) يا علي الهادي مصابك بينه ظل طول السنين بينه مثل مصاب أمك فاطمه وجرح ألحسين جبدك ألمسموم راوانه ألعذاب .مثل جف عباس وجروح ألرباب .كافي عصراتك تألمنه يباب. خيام زينب تستعرنارألعتاب. ذبح عبدألله ومصابة وانعصرأطهرجنين. تبجي سامره وحزن عم ألمله. .مرت أعله ألهادي قصة كربله. . وأنسبت أهاته مثل ألعايله. .تسولف ألامه ألجروح ألسايله جبده بالسم من تفطرجرح كلب ام البنين. تهيج مصيبة رقيه وكل ألم ..ألهادي بالسم حيف دلاله أنفطم. .أليوم ظلع ألزهره بلوعه أنهشم.. ونحرعبدألله يصوبونه بسهم.. أليوم كلب ألهادي أحمدياعلي بجرحك حزين. شيعتك جينه نوسي يالولي. .أبنك ألمهدي ونكلك ياعلي. .نارجبدك بينه لامابنجلي. .وأحنه بالهم ياولينه نبتلي. يبجي عباس ابمصابك تبجي هم ألفرقدين. . جبدك يوذرونه بسم ألغدر غاب نورك سيدي وغاب ألفجر نلطم أعله ألراس وندك ألصدر .يبجي كام ألعرش بمصاب ألبدر .نشيعك ودمعتنه تحدي وره نعشك يالامين -----------------------26----------- تمت بعون الله-------------الشاعر\حيدرالخفاجي الرميثي قصيدة الى اولاد مسلم)ع اثنين أطفالك كظو يم الفرات ذبحو آوياهم يمسلم هالحيات ******************** بياذنب أطفال طاحو بالنهر ويصب من عدهم يضل دم النحر كل ذنب منهم يمسلم ماصدر عاشو بسجن الظلم والمعضلات ******************** فرو من السجن ماعدهم دليل يندعون بكل صبر رب الجليل و مصيبتهم بجت عين الخليل تبجي ايات الفتح والمرسلات ******************** حركو خام الحسين اهل الغدر تسحك اطفال النبي خول الشمر ون تشرد هالعيال المن تفر تاهو اطفالك يمسلم الفلات ******************** كلوب ذيج الناس صارت كالحديد لا رحم عدهم ولا عقل السديد باعو الاولاد ياحسرة ليزيد مثل اقمار الفجر بيد الطغات بالحبل سحبوهم اصحاب الطمع والحبل من شافهم الهم جزع والصخرم لمصابهم ون ونصدع راد يحرمهم يناس من الصلاة ******************** والعجب ذبحهوهم بلاية ذنب والهم ملاك السمة دم تنتحب بياذنب جعفر يعالم نضرب وليش عبد الله يراونه الممات -------------------27------ تمت بعون الله------- الشاعر\حيدرالخفاجي الرميثي قصيدة انصار الحسين ع) احنة تربية الحسين مانذل للظالمين تبقى ثورة كربلاء لالحكم الطلقاء ----------------- تبقى ثورتنه شمس ضد الظلام ودوم نرفع راية الحق والسلام جوزو ياضلام من حرك الخيام الحره زينب صوتهه يوعي الانام بالمنامة الحق يثور تضحية بكطع النحور تنطق اصوات الدماء لالحكم الطلقاء صاحت البحرين لا للغاصبين ويهزم اسرائيل حزب الله بيقــين والعراقين صاحو ياحســـين ماتهمنه القاعدة ولافاسقـــين احنة ربانه علي هالبطوله من الولي مانهاب الاعتداء لالحكم الطلقاء جون علمنه وحبيب اعلة الصمود ماتهمنه امريكا واذناب اليهود جفوف عباس البطل ضلن شهود مانخاف من السجن لامن قيود الكاظم اطانه الدرس بالسجن ضحة النفس لالحكم الادعياء لالحكم الطلقاء أنسمع احكام الشمر زمرت يزيد ابد مانترك علي لاياعبيد احنه بايعنه الوصي بدم الوريد ياحسين اينادي ضل نحر الشهيد دمنه يامهدي يصيح ويالثارات الذبيح كلمة نرسم بالسماء لالحكم الطلقاء أمرءه وجم شاب ذبحو جم رضيع جم نحر عبدالله بالنبله كطيع اسمعو يالظلام دمنه مايضيع وغير ابو السجاد حاكم مانطيع مثل الاكبر بالحرب نفدي لحسين الكلب نرفع بدمنه النداء لالحكم الطلقاء -------------------------------------------28-------------------- تمت بعون الله--------الشاعر\حيدرالخفاجي الرميثي قصيدة الى باب الحوائج موسى ابن جعفر ع) كعبة الحاجات ياباب النجات شيعتك عدهم طلب يبن التقات ----------------------------- انت تكظي الحاجة لمن نعتنيك مايرد خايب نعرفه الي يجيك هسه جيناك بطلب بي نـرتجيك نريدمهدينه يهل يمحي الطغات شيعتك عدهم طلب يبن التقات هواية جربناك ياباب الفرج جم مرض شافيت يابن الحجج ابد ماخاب اليكصد ك يانهج عليك يالكاظم نصلي بكل صلات شيعتك عدهم طلب يبن التقات واليكصدك يبن جعفرمايخيب انت للمحتاج للحاير طبيب نحلفك احنه سيدي بجاه السليب تكظي كلمن عنده حاجة من الحيات شيعتك عدهم طلب يبن التقات ندعي الله يوفراعلينه اﻻمان نحي مجلسكم يموسى بكل مكان بجاه راس المرتفع فوك السنان يطلع المهدي بنشردين التقات شيعتك عدهم طلب يبن التقات ننخه تحرس كبر زينب ياسجين لسه مظلومه واسيره اخت الحسين اشروهه اذناب امية الفاسقين انت يالكاظم تحل المعضلات شيعتك عدهم طلب يبن التقات --29-------------------- تمت بعون الله-------- الشاعر\حيدرالخفاجي الرميثي قصيدة الى زينب الفداء ع) للحسين انتي الوزير مثل طه ويه الامير انتي هارون الحسين انتي الكليم انتي سرالكهف ﻻصحاب الرقيم ----------------------------------- انتي اسمج راية بعيون الزمان كعبة الثوار صرتي بكل مكان انتي قران ومفاتيح الجنان نور ياسين الكتاب انتي للعصمة حجاب انتي سرالله باﻻسم العظيم انتي سرالكهف ﻻصحاب الرقيم زينب القران في طف كربلاء قبر زينب مصحف وايت اباء ياهو يكدر يهدم اركان السماء انتي قرأن الضمير انتي انجيل الفقير منهو يصعد للنجم فوكه النعيم انتي سرالكهف ﻻصحاب الرقيم زينب بكل دولة عالباطل تثور للحسين تريدنه انقدم نحور كلنه يازينب الج فدوة ونذور انتي شام المعظلات ياعراق التضحيات اسم زينب يطفي نيران الجحيم انتي سرالكهف ﻻصحاب الرقيم زينب العباس وجفوف الصمود زينب اﻻنجيل تورات الخلود زينب الدوله العظيمة ابلاحدود اخت الحسين الذبيح انتي ياروح المسيح اسم زينب صورة بلوح القديم انتي سرالكهف ﻻصحاب الرقيم مرقد الحوراء ميناء الجهاد باب زينب قبله اسرارالعباد زينب اﻻسراء معراج السداد يافلك نوح الامين يحفظ اعيال الحسين زينب التوحيد والعدل المقيم الشاعر\حيدرالخفاجي الرميثي |
|
|
|
|
|
08-03-2013, 11:41 PM
|
رقم المشاركة : 2 |
|
رد: الموشحات في رثاء اهل بيت النجاة ديوان قصائد للشاعر حيدرالخفاجي الرميثي
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
العرض العادي
