|
|||||||||||
منتدى الشعر وهمس القوافي الشعر المتميز؛ الشعر الحسيني |
|
أدوات الموضوع | انواع عرض الموضوع |
03-14-2014, 02:46 PM | رقم المشاركة : 1 |
زينب والزهراء عليهما السلام
ييمه اخذيني وياچ * عمـــــري مااريده شمعتي بعدچ تذوب * وآنه ابقه وحيده يبقه بس نحيب ** جرحي مايطيب ******** ادري جدي اثر اعليـــچ بغيابه وادري ماتطفه ابد جمرة مصابه گلبي لچچ منچوي بلوعة عذابه شحال عمري لو حصل يوم اغترابه مصابچ يچوي بالروح ** ذكرچ مااعوفه صعب يالزهره فرگاچ * باســـراره وظروفه لو صار المغيب ** جرحي مايطيب ******* بعدي يازينب تشوفين الظلامه ابد ماتلـــــــــــــــگين يايُمه سلامه هالزمن لوجـــــــار ويجرد حسامه صبرچ بكل المحن يصبح علامه اسمعي ياضوه العين ** يحبيبه كلمتي هذا الزمن لو دار** تذليـــــه لو صبرتي ادري بيه عجيب ** جرحي مايطيب ********** انتي ماشفتي الفرح يوم بحياتچ يمه بچيتي الملك من نايــــــــــــباتچ چنت اشوف بليل دمعات بصلاتچ شلون انسه طيبتچ وي ذكرياتچ ماينوصف هالحال ** والمحنه عجيبه ييمه زين تدرين ** زيــــــــنبكم غريبه مايبقه حبيب ** جرحي ما يطيب ********* يُمه يازينب اسمعي هالوصيه لو يمر بيچ الهضم بالغاضريه ولو تشوفينه وحيد ابن الزجيه خلي يكشف صدره فخر الهاشميه لو وحده تشوفيه ** ما واحد ينصره من نحره تحبيه ** من ينكشف صدره يُمه الخد تريب ** جرحي مايطيب ******** وسفه كسروچ بحقد اهل الگباحه ماتظــــــــــــــل بعدچ ألي بس النياحه تبقه تصرخ بالگلب وتون جراحه يُمه احلفچ بالنبي احچي بصراحه شنهي العمر لولاچ ** مايسوه ييـــــــمُه يحنينه شتگولين ** حزني وين اضمه عمري اشگد كئيب ** جرحي مايطيب ********* انتي صح طفله يزينب بس چبيره يجي يوم بلا اهل وبلا عــــــــــــــشيره عالمحن ادري ييمُه انـــــــتي جديره محنتچ اصعب يزينب چي اسيره هموم انتي تشوفين ** واخوانچ صريعه لو غابت هالاقمار ** تظلم هالوســــيعه على حسين الخضيب ** جرحي مايطيب ********* |
|
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|