|
|||||||||||
منتدى الشعر وهمس القوافي الشعر المتميز؛ الشعر الحسيني |
|
أدوات الموضوع | انواع عرض الموضوع |
05-27-2010, 07:35 AM | رقم المشاركة : 1 |
لفااك الليل والسهر حد ضرسه
لفاك الليل لفاك الليل و انت بغربتك . .و السهر حد ضرسه يلهبن ذكرياتك مثل موگد نار و تصرخ و بس ردت تنسى تدخن؟! تنثلم روحك ويه التدخين و من اسم الصبر اعصابك مفلسه لفاك الليل ينعب مثل صوت غراب و طيور الافراح محنّطه و خرسه مبحر بالهموم و لا شراع وياك لا شاطي اليلوح و لا شبح مرسى صحن ظيمك الاكبر من سكون الليل يا فرحه التكفّي وياه و اتّرسه؟؟! لفااك الليل و انت و وحشتك عشرة عضد و سوار بس تهمل دموع و لاشفت ونسه مثل شمعه و لفتها الريح بيها تدور و لا تگدر تلاوي رياحها الشرسه لفااك الليل مدرع بي حقد عدوان و شد على المواكح رايته و فرسه وحيد و وحدتك هيمه و ملكها الذيب يعوي الذيب ترس اذنك وصل حسّه زعلان الفرج سافر بعيد ... بعید ما يقبل يجيك و غرّبت شمسه تمد الشوف اله و تنخاه مثل غرگان و يجيك الصوت هسّا... و تخلص الهسّا يچذب عليك و يأملك سحابة صيف ما مرها الكرم عاشت عمر نحسه لفااك الليل و انت عليك ثوب مطرّز بآلام و هذا الثوب نفسه تنزعه و..... تلبسه اشكر ربك وحمده على هذا الثوب . .. بعض الناس كل ثيابهم ...خسّه يراويك العسل صافي و يگّلك ضوگ و سم وسط العسل من تغفل يدسّه ** يجسّك مستحاك و تحط بأذنك طين بخيت المستحاه بكلفته يجسّه ظل انت مثل ما عل وفه تربّيت و فرق الناس كلمن منبعه و رسّه لفااك الليل مسرع مهتم و يعنيك و كل اوصاف شكله بوجهك معبسه خمس وجوه اله وحشه و سهر و هموم ..حسرات و أذيه و هجمن الخمسه خذت منهن درس بي تجربه و برهان و الدارس الفاهم يستغل درسه يمر الليل يلعب بيك سبع اشواط وي غيرك نجيب و محترم نفسه ****** علي إبراهيم //////////// 2004 |
|
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|