|
|
 |
 |
 |
|||||||||
|
|||||||||||
 |
 |
 |
|||||||||
| منتدى الحياة الزوجية [القسم للمتزوجين فقط] طريقة التعامل بين الزوجين؛ نصائح للحياة الزوجية |
 |
|
|
أدوات الموضوع | انواع عرض الموضوع |
05-26-2010, 11:35 AM
|
رقم المشاركة : 1 |
ديوانيه المتزوجين ((للرجال فقط )) حياكم الله...
السلام عليكم ورحمة الله وبركاته شلونكم حبايبي شخباركم أن شاء الله طيبين .. وانا قاعد افتر بقسم المتزوجين قريت موضوع لأختي محبه الاطهار للمتزوجات فقط وبصراحه طقت عندي الغيره الرجوليه ..!! أني اطرح موضوع نفس الفكره لكن للرجال فقط أناقش فيه ونستفيد من خبرات بعض بالنسبه للحياه الزوجيه في منتدى الراقي بعضائه الطيبين يدشون علينا المتزوجين ويفيدونا أحنا العزابيه المساكين  ويعطيونا نصايح حلوه نستفيد منها خااصه للمقبلين على الزواج .. ويقولون لنا تجربتهم دخول القفص الذهبي المذهوب  من طق طق لسلام عليكم وبصرااحه اول احسن ولا الحين احسن وخااصه وانت عندك ولد صغيرون وبنوته صغيرونه.. وبما أني عزوبي عندي كم سؤال أوجه للمتزوجين بالديوانيه هل الزواج مثل ما يقولون رااحه ولا ضيم وضلايم ؟؟؟ هل الزواج المبكر يصون الشاب ويحفظه عن الوقوع بالخطاً ولا قرار مصيري مستعجل ؟؟؟ هل فعلاً الزواج يفرض عليك قيود كثيرة تحول بينك وبين أهدافك ولا يكون عنصر وعامل أساسي مساعد لتحقيق طموحك وأهدافك؟؟ هل تفضل الزواج من برا برا وتكون منقيها على ايدك ولا زواج عرب امك شافت البنت اوكي سمك ببحر ؟؟ الأقارب كالعقارب هل تفضل زواج وحده قريبه لك ولا غريبه من بعيد لا تعرفكم ولا تعرفونها؟؟ هل تتزوج شيعيه مواليه تعرف اهل البيت عدل وأن كانت بعيده ولا مذهب اخر وأن كانت قريبه وبخاطرك فيها ؟؟ أسأله كثيرة أدور في بالي لكن ودي ما أمسك دفة الحوار بروحي ودي الكل يشارك العزوبيه والمتزوجين حياكم الله بالديوانيه وأتمنى تكون ديوانيه كلها خير وبركه بوجود الوجيه الطيبه والمعطائه ... وياليت كل واحد اييب وياه الحلو ويروح يصب حق نفسه قهوه لأنه الديوانيه عامه وبيني وبينكم مالي خلق أتزحزح من مكاني >>>>خوش مضياف والله ليه تزوجت ودي الله يرزقني بنت واسميها كبرياء الله وناسه >>>> والصلاة والسلام على محمد وال محمد الطيبين الطاهرين أخوكم روحي علي |
|
|
|
|
|
05-26-2010, 04:04 PM
|
رقم المشاركة : 2 |
|
رد: ديوانيه المتزوجين ((للرجال فقط )) حياكم الله...
مرحبا أخوي (روحي علي) حبيت أكون أول شخص متزوج يرد على الموضوع الحلو وأنا بعد مثلك صارت عندي غيرة من موضوع قهوة للمتزوجات - على طول دخلت من دون ما أطالع كامل العنوان بس بعدين ألتفت زين للعنوان خخخخخخخخخ أنا الحمد لله صار لي تسع سنوات متزوج والله يرزقنا الولد الصالح (دعواتكم) أجي الحين أجاوب على الأسلئة اللي طرحتها هل الزواج مثل ما يقولون رااحه ولا ضيم وضلايم ؟؟؟ صراحة يعتمد بشكل رئيسي على التفاهم بينك وبين زوجتك - كل ما كان الفكر تقريبا واحد راح تكون في راحة وحب - صحيح يصير أختلاف في وجهات النظر لبعض الأمور بس أهم شي ما تؤثر على العلاقة الروحية والعاطفية. هل الزواج المبكر يصون الشاب ويحفظه عن الوقوع بالخطاً ولا قرار مصيري مستعجل ؟؟؟ شوف أنا تزوجت وعمري 24 سنة يعني سن كويس للزواج وكنت أعمل وزوجتي هم كانت تعمل ولله الحمد - وحنا الأثنين جامعيين وفاهمين للحياة الزوجية لأن سبق لنا قراءة الكتب الخاصة بالحياة الزوجية مع حضور جيد لبعض المحاضرات الخاصة - من وجهي نظري الزواج المبكر صون للشباب بس لآزم قبل الزواج مثل ما ذكرت قراءة كتب - حضور محاضرات تربوية - هذه حياة وعشرة عمر مو لعبة. هل فعلاً الزواج يفرض عليك قيود كثيرة تحول بينك وبين أهدافك ولا يكون عنصر وعامل أساسي مساعد لتحقيق طموحك وأهدافك؟؟ يعتمد على الشخص هل تفضل الزواج من برا برا وتكون منقيها على ايدك ولا زواج عرب امك شافت البنت اوكي سمك ببحر ؟؟ شوف بصراحة في مجتمعنا شي أسمه منقي بنت على كيفك وتريد تخطبها صعب التقبل – أنا ما أقول كليا مافي هالشي – لا – تصير وأنا أعرف أشخاص تزوجوا عن طريق النت من وجهة نظري – الزواج عن طريق الأهل شي جيد وأفضل لأن الأهل عارفيين البنات من خلال الأعراس أو حفلات الموالد الأقارب كالعقارب هل تفضل زواج وحده قريبه لك ولا غريبه من بعيد لا تعرفكم ولا تعرفونها؟؟ بصراحة ومن خلال خبرة وتجربة حقيقة سابقة فعلا كلامك صحيح مية بالمية (الأقارب كالعقارب) أهلي لأسف الشديد خطبوا لي بنت عمتي بعد ما فجروا راسي بالكلام عنها لمدة سنة كاملة وانا ما كنت اريدها ولما تقدمت رسمي طلبت بنت عمتي شروط تعجيزية وأنا رفضت معظم الشروط فقلت لأهلي أخطبوا لي وحدة ثانية وفعلا حصلوا لي من أقاربي البعيدين وتمت الخطبة والزواج هل تتزوج شيعيه مواليه تعرف اهل البيت عدل وأن كانت بعيده ولا مذهب اخر وأن كانت قريبه وبخاطرك فيها ؟؟ أكيد شيعية لي عودة مرة أخرى للموضوع |
|
|
|
|
|
05-27-2010, 10:35 PM
|
رقم المشاركة : 3 |
|
رد: ديوانيه المتزوجين ((للرجال فقط )) حياكم الله...
نورت والله يااخوي حبي الله يرزقك الولد الصالح المنذور للأمام بحق محمد وال محمد يااارب العالمين والله ياخي الزواج راحه من وجهة نظري وايظاً مسؤليه لازم تكون قدها بس المشكله من شريكة حياتك الي بتكون وياك يااعون ياافرعون ..!! ياتعينك على دنياك ومحيطك ياتعين محيطك ودنياك عليك عندي واحد من الشباب متزوج وعنده اولاد المهم كنا قاعدين مجموعه شباب اغلبنه متزوجين بس انا المعثور ههههههههههه ومعاي واحد ايظاً مغبور فا هذا كله يتكلم عن الحريم وفيهم وملافيهم وجذي وجذاك الخ والاخات الحريم كلهم مايون الا بالعين الحمرا الحريم كلهم اطقها تشمي سنع وعدل ادللها تعوكس وياك الحريم ماينفع وياهم الا ريايل حمشين الخ سوالف سوالف واحد قاله ياخي حرام عليك مو الكل وبسك كاافي قالي هدني يمعود مانقدر نتكلم جدامهم وهم من وراهم محرومين ههههههههههههههههههههههه يوم قال جذي الكل مااات من الضحك ... |
|
|
|
|
|
05-30-2010, 09:12 PM
|
رقم المشاركة : 6 |
|
رد: ديوانيه المتزوجين ((للرجال فقط )) حياكم الله...
والغيره باينه عليكم احم احم وبالتوفيق للجميع تحياتي القلبيه لكم |
|
|
|
|
|
05-31-2010, 09:22 AM
|
رقم المشاركة : 8 |
|
رد: ديوانيه المتزوجين ((للرجال فقط )) حياكم الله...
مرحبا أخوي روحي علي أنا أشوف ديوانية المتزوجات الكل يشارك وهني محد يشارك وش صاير - لا يكون الأخوان هني بالمنتدى أكثرهم عزوبية خخخخخخخخخخخخخخخ أو أكثرهم يبى يحط مشاركة بس خايف من وزارة الداخلية خخخخخخخخخخخخخخ حبيت أقول أن أحلى الأيام في هذا الأرتباط المقدس هي أيام الخطوبة - على فكرة أيام الخطوبة زمن أول أحلى بكثير من أيام خطوبة الحين - يمكن الواحد يسال ليش؟؟؟؟ أيام خطوبة أول ما تشوف خطيبتك كل يوم ولا تتصل كل يوم ولا تقدر تطلع معاها كل يوم لأن هذا يخلق جو حلو من العشق لكلا الطريفين شي ثاني قبل يوم الدخلة بحوالي شهر أقل أو أكثر يصير أنقطاع جزئي عشان مرة ثانية يشتاق كلا الطرفين لبعض عن نفسي كنت وزوجتي مسويين جدول أيام خطوبتنا حق الزيارة والأتصالات ،،، كانت الزيارة ثلاث مرات في الأسبوع والأتصالات مثلها وفعلا كان يخلق هذا جو رومنسي بيننا. يمكن واحد يقول ثلاث مرات مو كفاية عشان طلعات تجهيزات الشقة والزواج – صراحة عن نفسي من ثاني أسبوع بالخطوبة كنت أطلع وأبحث عن كامل التجهيزات عشان ما أضيق على نفسي قريب ليلة الدخلة لأن ترتيبات هالليلة لوحدها محتاج وقت خاص من جانب الزوجة. أيام خطوبة الحين بصراحة ولا حد يزعل علينا حاجة خراط مررررررة وراح أذكر كثير من الأسباب والدليل تزايد نسبة الطلاق بشكل مخيف مرررررررة – بصراحة ومن مصدر موثوق عندنا بمنطقة القطيف معدل حالات الطلاق اليومية 40 حالة!!!!!!!!!!!!!! وين قاعدين حنا – وش الأسباب؟؟؟ من وجهة نظر وأعيد وأكرر لا حد يزعل علينا أيام خطوبة الحين – الخطيب والخطيبة من بعد العقد مباشرة كل يوم مع بعض في البيت أو في الطلعات – أتصالات ليل ونهار – أحد الطرفين ينام مع الثاني مما يؤدي إلى العلاقة الخاصة قبل موعدها المحدد في ليلة الدخلة حنا ما نقول أن هالشي حرام – بالعكس حلال الله ورسوله ومافي أحد في العالم كله يقدر يقول العكس – بس خل تصير عندكم شوي رزانة – تقول ما عمركم شفتوا خير أنقل لكم هذه القصص الواقعية التي رايتها بنفسي ومنقولة من زوجتي ليلة زواجي نقلت لي زوجتي أنها شافت عروس بأستديو التصوير وهي حامل!!!! وعروس ثانية معاها رضيع!!!!! أيضا قيل ثلاث سنوات أحد أبناء عمي تزوج في حفل حلو وبهيج وبعدها باسبوعين كنت مار من جنب بيت عمي – فشفت رجال وحريم طالعين داخلين البيت – قلت في نفسي لحد الحين صايرة تبريكات من الناس – خبري المبارك يوم أو يوم مو أسبوعين!!! المهم شفت ولد عمي الثاني – أخو المعرس – فسالته وش صاير – فقال لي تعال أدخل لولد عمك وبارك اله (جاه توأم) قلت وشو؟؟؟؟ جلست أضحك من قلب وقلت في الظاهر مجهز الولد مع البيت ولد العم مع بعض – بس بعدين وقفت شوي وقلت في نفسي بعد – والله حالة الله يرحم عادات وتقاليد أول. هذه مو كلام وهم – هذا واقع نعيشه في مجتمعا لي عودة مرة أخرى موفقين لكل خير |
|
|
|
|
|
06-01-2010, 04:26 AM
|
رقم المشاركة : 9 |
|
رد: ديوانيه المتزوجين ((للرجال فقط )) حياكم الله...
ذكرتني بنكته يقولك صعيدي راح بقريه غير القريه الي ساكن فيها بالصعيد راح يخطب يوم الخطبه سأل جم تبون مهر قالوله نبي خمسة الاف رد عليهم ايه عندنا العروس بالف جنيه وحامل كمان .!!!! ههههههههههههههههههههههههههههه بالنسبه لشباب المنتدى انا اقولك ليش مايشاركون 1- اما انه يكون متزوج وخايف من السلطه العليه 2-او انه ماعنده جرأه انه يناقش مواضيع اكبر منه ..!! هههههههههههههههههه غشمرا 3- او انه على قولتك عزوبيه الربع طلعوا كلهم والي فيهم كافيهم من ناار العزوبيه ..1 نرجع لمحور حديثنا ياخي انت خاطب ولا مالج خو انطر شوي انتي ويااه شنو هالفجاعه هذي حلات تستلم المرا بيوم عيد ميلاد زواجك بقراطيسها ..!!! مو قبل عيد الميلاد تروح تفتح الهديه بعدها بعيد ميلادك تصير الهديه مالها طعم ..!! او طعمها مو ذاك الزود .!!>>>العن ام التشبيه ههههههههههههه لا عمي وين قاعدين اخطب احترم نفسك وااحترم عادات العرب عدل شنو قوترا ولا خبط لزق..!! انا عن نفسي لا شفت خطوبه قبل ولا شي بس لحقت عليها خطبه ملجه ماتشوف المرا الا يوم العرس وتااكل تبن اذا بتطلع معاها ..!! أما الحين والله ياخي شقولك صارت زيطه وزمبليطه ..! ذاك اليوم اقول حق الوالده الله يحفظها يمه اذا بغيت اتزوج لازم اقعد مع البنت واسولف وياها واشوفها واشوف منطقها بالحياه تقولي خوش والله صورة يمكن مانييب لك .!!! اوووخ صدمة حياتي شنو وين قاعدين اذا امي اقرب الناس لي تسوي وياي جذي ياربييييييي بالنسبه لحالات الطلاق يمعود شقاعد تقول وربي بلاااوي تدري عندنا بالخليج أعلى نسبه بالوطن العربي ..!! سايبه الدنيا وربي..!! |
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
العرض العادي
