حفل ~ فرحة ارتسمت و عين أدمعت ~ تخرجي

[حفيدة الرسول الأعظم]

بسم العلي القدير
و من بيده تيسير الأمور و التدبير
و الصلاة و السلام على سيدالأنبياء و المرسلين
قائد الغر المحجلين

هكذا جرت بي الأيام منذ نعومة أظافري و أبحرت تدريجيا بين مرافئ العلم الأغر لسنوات عديدة
و ها أنا ذا اليوم أحط رحالي و أرسو على آخر مرفأ .. مرفأ الدراسة الجامعية
بعدما أثقلت سفينتي ببضائع العلم و المعرفة
و لن أكتفي بهذا القدر فطموحاتي أكبر و تحقيق ذاتي يظل أسمى أمنياتي
فلقد عشقت من الجبال سموها ..لو لم تقف دون الفضاء حجابا
,,,,,,,,,,,,,..-دوما أردد مقولة أميري علي عليه السلام -
قيمة ُالمرء ماقد كان يـ ح ـسنه .. والـ ج ـاهلون لأهل الـ ع ـلم أعداء ُ
فقم بـ ع ـلم ٍ ولا تطلب به بدلا .. فالناس موتى و أهل الـ ع ـلم أح ـياء ُ

و هنا أيها الأعضاء الكرام
أضع لكم تغطية مصورة لحفل تخرجي و ميلادي
الذي أعداه لي والداي الكريمان
أطال الله في عمريهما و حفظهما لنا من كل سوء

فلتتابعوا و لتعيشوا معي أجمل اللحظات
كان بـتاريخ -I 30\4\1433-23\3\2012
جمعت معاه ميلادي الي كان بــ 21\4

للما كنت أجهز بغرفتي

البالونات الحلوات

لما وصلنا هونيك << القاعة
عطونا قاعة غير الي حجزناها عشان نجهز فيها ع ماينظفون القاعة حقتنا
و هنا بدأو الحلوين ينفخون البالونات
أنا حجزت بالونات هليوم من محل

و بعد النفخ

وهنا حمودي يوريكم ايش عمل
و بعها خليتهم ورحت للمشغل عشان أتجهز
و طبعا صممت لي فستان خاص فيني << لااحد يدور في السوق
و بعدها رحت للاستديو

و هنا الأخ صوره لما دخلت أصور
و بعدها خلصت و رحنا محل البالونات ناخذ بالونات الهليوم
و أنصدم قفل !!!!!!!!!!!!<< تو الناس
كنت راسمة لهم مخطط للترتيب جونااان بس اخترب كل شي ><
و بعدها رحت للقاعة ووصلت و شفت العالم
و سلمت و بالاحضان مع صديقاتي الصقوقات
ومن ضمنهم الغالية عقووولة
و صورت لكم أجزاء ماقرت أصور كل شي

يعطيك العافية خيي ع الترتيب الحلو حتى السقف حط فيه << الطول عز حتى لو على طاولة
و أولاد خالي لأنكم نفختوهم خخخ

طاولة الحلا و القهوة << مالحقت ع الأطباق الي عليها عشان اصورها
بس قهروني ع الدلال < وين الفضيات > ماحبيتهم بس قالوا عشان ماتبرد القهوة
\\
لا أحد يرد
BRB

[حفيدة الرسول الأعظم]

و طبعا بما اني نسيت قبعة التخرج في الاستديو
و هنا صورتها ع الدبدوب حقي

فأنا مضطرة أبتدي الحفل << لأن اخوي بيتأخر لو بيجيبها خخ
فبديت بالمسيرة
على شعر أُعد خصيصا لي
و كنت ماسكة في إيدي
هاااي

هذي أنا أصلا مسويتها لأمي بس لعبت عليها وقلت لها بمشي فيها حركة
و بالفعل كنت ماسكتها و هي بنفس لون فستاني
و أول موصلت لبداية الجسر
كان هذا موجود

فتحته و طلعت منه عباة التخرج و تأملتها << ايوا تخرجت
و لبستها
و أخذت منه شهادة تخرج << ورقة أنا لافتها وفيها كلام و شريطة وردية

و هاي عباة التخرج << صورتها بعدين
و من ثم مشيييييييت ع الشعر
و وصلت للكرسي الي فووق المسرح وجلست
و فتحت الاوتو غراف أكتب

و خلص الشعر و قفلت الاوتوغراف
و مسكت المايك و ألقيت كلمة و بعدها شعر
إهداء للماما و البابا
على هذا الرابط
[COLOR=****0000]http://www.al-kafeel.info/vb/showthr...87#post1534287[/COLOR]
و بعدها صعدت الماما لي و حضنتها و بست راسها و إيدها
و لبستني هديتها
خاتم ألماس و هي عندي أغلى من الماس
و هذي صورته

و كانت العبرة خانقتني خلاص راح أبكي
صعدوا صديقاتي و قالوا حفودة لا -لا - لاتصيحين يخترب الكحل
و الي تقول مادري ايش و ضحكوني هههههههه
و سلموا علي وحضنوني
و عطوني الهدايا << ماقصرتوا حبيبات ألبي
و من ضمنهم عقووولةالغالية
لبستني عقد ورد و ضمتني بقوووة و أنا كذلك
و هاي صورته


طبعا كان كله قبعات تخرج بس طاحوا كثير منها
على ماصورتها
و بعدها خلينا العالم تتفضل ع العشا


وهذا البوفيه و ماقدرت أصوره كله عشان الجلوس
يطلعون في الصورة
\\
و هاي طاولتنا أنا وصديقاتي الحلوات


أنا سوت لي الماما طبق و عطتني اياه ولا كلت منه
بع التهزيء من صديقاتي أكلت الميني بيتزا بث
مااقدر آكل في هاليوم الجميل ^^
---
لا أحد يرد
BRB

[حفيدة الرسول الأعظم]

و بعدها وزعت ع صديقاتي هذووول

و سوينا مسيرة جماعية أنا قدامهم وهم وراي

ع أنشودة على طاري الفرح

و بعدها خلوني في الوسط وهم حوالي فراشات
و بعدين قررنا نعلن مراسيم عيد الميلاد و التخرج مع الكيكة
على أنغام happy birth day
أنا أشرت لبنات عمتي و باقي بنات العيلة يصعددون
و ماشفت الا الكل كبار و صغار حوالي
يرددون happy birth day و يصفقون
و هاي الكيكة

بدون شي عشان تقرون عدل خخخ
و الله شعور روووعة ماينوصف أبدا أبدا
كنت مبتسمة مو قادرة أعبر أضحك
قالوا طفي الشمعة
قلت لهم لحظة أتمنى و طفيتها

و هنا بديت أقصها بسيفي الملكي هههه

و صورت معاي عقووول

و بعدها صورت معاي وحدة م صديقاتي
\\
و بعهدا سحبوني بنات عم أمي << مررة يعزوني فديتهم طبعا مو بعمري أمهات هم وبناتهم كبري
و وقفوني قالوا أمهم بتكب علي حلويات وفلوس
و تطايرت الفلوس السعودية حوالي و الناس هبت تجمع
\\
و بعدها خيتي الغالية أخذتني بالاحضان
و هاي هديتها

و بعد ماخف الحضور
كان أخوي آخر العنقود مقرر يدخل
و أمي مارضت حلف و قال والله لأطفي أنوار الاستراحة عليكم
لا وسايق لكزس صديقه ورايح البيت يسبح و يتجهز <<من ورانا ها
يعرف يسوق بس لسى ماعتمدناه رسمي وحيد أمه ^^
هههههه شفتوا المعزة لخيته الي هي أنا فديتني
فدخلناه في النهاية فديت شكله كان يجنن طالع علي ههههههه
دخل و بإيده الهدية وبوكيه ورد و رافع الراس شامخ << اكشخ
دايم يردد ع نفسه واثق الخطى يمشي ملكا ً

لاحضوا حاط صورته
حضنته و استلمت الهدية وصورت معاه
طبعا صديقاتي يطالعون مستانسين عليه << ترى مو كبير كلها 16 سنة
يقولون اخوك جنتل << استحو عاد أدري تعرفونه من صغره
و بنظركم لسى صغير لأن انا بعد أشوفه كذا
و تعليقات بس احتفظ فيها هههههههه
و ختمناها بصورة جماعية عائلية
\\
كانت الفرحة مو سايعتني
فرحة لمت أحبابي حوالي و أهلي وكل من يعز علي
سعادتهم و ابتسامتهم و فرحتهم تغمرني
شعووور لايـــــــــوصف أبدا ً
و بعدها انتهى اليوم الجميل و ياليته مانتهى آه
رجعت البيت واختي تقول فتحي هداياك يلا بشوف
قلت لها نو أصورهم أول
هذول الهدايا من أهلي و صديقاتي كل أحبابي

وصورت معاهم تبعا ^^

هاي الورد
و هدية الوالد الغالي
أعطاني كم ألف للحفلة
وكان المفترض عقد ذهب معاهم بس ماكفى الوقت نروح نشتري
<< لازم أنا اختاره
أيضا ُ
كان يحزنني شيء ألا وهو عدم حضور أعز الناس على قلبي
وهي خالتي المقربة مني كثيرا<< حتى اني ماناديها الا باسمها وبس
لحفلتي والسبب ذهابها للمدينة <<طبعا فرحانة لها لكونها عند الرسول
لكني انصدمت لما تقدمت بنت خالي الصغيرة
و قدمت لي بوكيه ورد و قالت من عميمة فلانة
؛؛ الي هي خالتي الغالية حتى وهي مسافرة وصلت تهنئتها
هالموقف ابكاني لما تذكرته في البيت
\\

عقد الورد الي من الغالية عقولة

و بعد ماقريت الكلام المكتوب حطيت الكروت كلهم في بوكس واحد

هاي البوكسات لوحدهم

و للأسف تعرضت للسرقة لــ 3 هدايا لأن خليناهم لليوم الثاني

بوكسين كبــار و حلويات من سعد الدين خخخ
لأن اللكزس يقول اخوي حاولت أسوي مكان للباقي مافيش فايدة
و خلاهم و لما كلمناهم قالوا موجودين ورحنا ماشفنا شي
مقهورة عليهم >< << ع الاقل عرفت وشو فيهم خخخخ
\\\
و مسك الكلام ابتسامة حفيدة العدنان

التي ملأها الفرح بمن حضر حفلها الجونان

و قلبها بحمل لهم كل عبارات الشكر و الامتنان

و الشكر قبل الكل لله و من ثم موصول لوالديها الكريمان

[سَيّدْ عَلِيَّ]

صووور جميله جدا
والله يوفقكم في حياتكم العملية ان شاء الله
واهنئكم على تخركم
الله يعطيكم الف عافية

[حفيدة الرسول الأعظم]

المشاركة الأصلية كتبت بواسطة علي أميري

صووور جميله جدا
والله يوفقكم في حياتكم العملية ان شاء الله
واهنئكم على تخركم
الله يعطيكم الف عافية

الله يسمع منكم
و شكرا لكم جميل التهنئة وكريم الحضور
والله يوفقكم في الدراسة

[فدوه لعيونك أني ياعمي]

كنـا معاش بفرحتش بنت رسول الله ..
ربي يتمم عليش الفرح و لا يغير عليش
عمرش طويل بطاعه الله ..
وشهادتك بعلم أكبر شهاده

موفقه لكل خير

[حفيدة الرسول الأعظم]

المشاركة الأصلية كتبت بواسطة فدوه لعيونك أني ياعمي

كنـا معاش بفرحتش بنت رسول الله ..

ربي يتمم عليش الفرح و لا يغير عليش


عمرش طويل بطاعه الله ..
وشهادتك بعلم أكبر شهاده


موفقه لكل خير

تسلمين يالغلا

و الله يسمع منك و يعمر دياري و ديارك بالفرح
تحت طاعته و رضاه
أسعدني تعقيبك و جميل الدعاء
شكرا لك ِ

[ولاية الامير]

مبروووك علتخرج حبي حفودة^^
ربي يسعدك ويحفظلك كل احبابك
مع الاسف ماطلعتلي الصور
بس اهمشي فرحج وسعادتش يلغالية
تحياتي^^

[حفيدة الرسول الأعظم]

المشاركة الأصلية كتبت بواسطة ولاية الامير

مبروووك علتخرج حبي حفودة^^
ربي يسعدك ويحفظلك كل احبابك
مع الاسف ماطلعتلي الصور
بس اهمشي فرحج وسعادتش يلغالية
تحياتي^^

الله يبارك فيك يالغلا
و يارب يسمع منك جميل دعائك
يؤؤؤ مايصير رجعي حدثي الصفحة
تشكري على هالمشاعر الطيبة
ربي يوفقك دنيا و آخرة
سعيدة بتواجدك

أممممممم أفكر حفلة زواج !!!!!
المهم الله يوفقك في الدنيا والاخرة