|
|
01-06-2013, 11:07 PM
|
رقم المشاركة : 1 |
شيعة علي
لونتبع مظاهر دنيه خلابــه البعض تيه طريقه وتيه الطيبين مثل طير اليتيه عشه واسرابه وتجاره بهالوكت صار القلت والقال وذاكه الماحجه جن تيه احسابه بعضنه يكول مامليتو من عاشور وبوجه المجالس ينغلك بابــــه يكول حسين صار ادهور من مات جم دوب اللطم والنوح لمصابه وعلينه اتشابجت وتخربطت الاوضاع وضدنه اجم لسان ايسيل بلعابه معقوله الحجي يغيرنه والاقوال ونسينه الذيب ذاكه الكشر انيابه ومعقوله الدمه ننساهه والارواح وننسه الناصبي واعوانه والجابه ومعقوله نسينه الفجر الزوار والسدد علينه بكوزه نشــــــــــابه صدكوني نضيع بلايه درب حسين ولو ضعنه ندم ميفيد واسبـــــابه والمهدي ابد ماغاب عنه بيوم احنه اللي صبحنه اليوم غيابـــــــه عليمن نعتمد لو شبت النيران واذا بعض التزامط ناس جذابــه وعليمن نعتمد لو هالعلم مخنوك واذا جان المعلم ناسي طلابــــه وعليمن نعتمد لوما نوحد اصفوف وكل واحد حليبه يجيبه واصلابــه على المذهب يشيعه تحوم هالعدوان وهجم بوم الظلام وينعك اغرابه يردونه بغدرهم ننسه نهج حسين وماتبقه عليه عيـــــــــون سجابه وتريدك تبتعد عن حيدر الكرار وتنسه امعاويه وافعاله والقابـــــه ويردونك ابد ماتذكر الاطهار وتنسه الي سكاهم سمه باعنابـــــه ويردون الخدم تنسه المواكب دوم وما تبقه خدم لحسين واحبــــــــابه والنسوان يردوهه تهيم بعيد ويضيع المستحه كل عفته واحجابه ويردون المجالس تنتهي وتذوب ونخضع للذبحنه ونرضه بارهابه اوصفه جن سلف كل مجلس نسويه وعليه ليل ونهار تحوم سلابه فكر ياموالي وشوف هالاوضاع زمانك لو عكس يندار دولابه انهض يامحب واتحزم حزامين ترانه بهالوكت كل ساعه بطلابه مو عركة تفك وتهد عليهه بساع ولا عركة صديج ايعارك اصحابه ولا عركة عشاير بالبخت وتفض ولا ثار واجاك اليوم طلابــــــه اهي عركة عقيده ومعركة افكار وعليك اعداك كلمن حضر احرابه وخل يوعه الغفه ويفكهه زين العين لو دار الزمن ما ينفعه اعتابـــــه تدرون الوعي اسلاح واشد اسلاح يظل الياوكت كلولي بكرابــــــــه تره بوعي العقول نحقق الاهداف واذا دربك صعب يفتحلك ابوابه ولا ينفع وعي من دون ابو السجاد وهنياله اليسجله حسين بكتابــــه واقسم بالبطل عباس راعي الجود من كلمة احسين اعداك مرتابه وبالوعي الحسيني وأيد ويه الايد كل ناصب عداوه انكطع اذنابه ويظل حسين رمز وشعلة الاحرار ونظل نهوه الحسين ونعشك اترابه |
|
|
|
|
|
01-07-2013, 11:00 PM
|
رقم المشاركة : 2 |
|
رد: شيعة علي
احسنتم اخي الابيات جميلة جدا في ميزان اعمالك تحياتي وودي لكم |
|
|
|
|
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
العرض العادي
