..شايب على نياته يفكر أنه ميت ..

[مُجرد مشاآعر]

..شايب على نياته يفكر أنه ميت ..


احد الشياب الي كانو ساكنين بالبر صكه مرض شديد..

وكانت مبينه عليه آثار المرض

وكل مايقولون له عياله..

يايبه..

يابعد حالي..

تكفا خل نوديك للطبيب..

يقول لا انا ما اتعالج بغير الكوي..

او اموت اشرف لي يعني "اغسلوا ايدكم اجي وياكم"

فلما اشتد عليه المرض وما قام يحس بنفسه ((أغمي عليه)) ودوه للمستشفى وتعالج وهو مايدري..

فلما قعد وشاف كل شي حوله بياض السرير..

السستر"الممرضه"..

الستاير.. حتى الجدران.. والأرضيه بعد..

قال الظاهر اني بالجنه الحين.. ولما شاف الممرضه

قال ياحوريه"على باله الحور العين" تعالي هنيا..

لما جت له قال لها وين ابو فلان.. هو متوفي من مبطي"من زمان"

شوفيه قولي له ابو فلان يبي يعرف وش اخبارك ويسلم عليك...

ابو الشباب راهي على باله انه دخل الجنه خلاص..

راحت على نياتها اتدور بالسجلات ومالقت هالاسم..
يمين , يسار
فوق , تحت

مافيه شخص بهالاسم..!!

قالت له والله مالقينا صاحبك..

ضحك وقال ايييييه والله اني خابر انه قليل صلاة...!