الامام علي والزهراء عليهما السلام

[الشاعر ابو لقاء البهادلي]

عني لو رحلتي ** تكثر جروحي
*****
عني لو غبتي يزهره ** يكثر نحــــيبي
ياهو من بعدچ يظلي ** منهو حبــــييبي
انتي لجروحي وهمومي ** چنتي طبيبي
تسعر ويحرگ جمرهه ** ناري ولهيبي
انتي سر حياتي ** فدوه الچ روحي
***********
عني لو غبتي ومشيتي** صعبه فرگتچ
روحي من بعدچ عليله ** تدري بمحنتچ
انــسه دنيـــايه وحياتي ** واذكر محنتچ
دمعه حمره اتهلهه لجلچ ** تنحب عترتچ
كل ساعه اگلهه ** ياروحي روحي
*********
چنتي نور يضوي دربي ** وبليلي شمعه
تصبح ايامي بغيابچ ** ونه اويـــــه دمعه
والله موهينه وقليله ** شخصــــچ انودعه
وهذا صوت گليبي ينحب ** ربنه ليـــسمعه
مصابچ بيه علامه ** للسبي توحي
*******
الليله كل احزاني والهم ** صارنلي ضيفي
والله لوما هالوصيه ** اطلع بــــــــــسيفي
تصير الصوله هالمره ** صولتي بكيفي
كله دابرهم اگطعه ** وآخذ بحــــــــيفي
الوصيه چتفتني ** كثـــــــــرت نوحي
*********
الدنيه بمصابچ يزهره ** عجبه ماساحت
من شفت حالة مصابچ ** مهجتي صاحت
ونة بونه خــــــــــفيه ** بالـــحرگه ناحت
چن جبل مال بمصابچ ** قمتــــــه طاحت
سفوحه بلايه شجره ** يبست اسفوحي
*********
هالعمر ماريده بعـــدچ ** شلي بــــــسنيني
يبقه ذكرچ ويه روحي ** رسمه اويه عيني
ربي يعلـــــــم باللي بيه ** يســـــــمع ونيني
سكتتي وكل هذا صبري ** خوفي اعله ديني
الجرالچ والجرالي ** بلوحچ ولوحي

شلون اوصف حالي بعدچ ** وبيا عباره
هاذي مودمعه اللي تجري ** دمي يتجاره
لو ظهر بآخر زمانه ** المهدي وانصاره
حزنچ وكسرة ضـــــلوعچ ** يآخذ بثاره
بعدله كلشي يبني ** ويشيد اصروحي