|
|
05-17-2009, 07:38 PM
|
رقم المشاركة : 1 |
||~ واما بنعمة ربك فحدث~
ترن ترن نوال : الوو حصه : هلا نوال نوال: هلا حصه شخبارك وين لا حس ولا خبر حصه : الحمد الله بخير وش نسوي الدنيا اشغلتنا كل يوم بدق عليكم ابارك بالمولد الجديد انشغل الين تاخرت وطاح وجهي اباركلكم عقبه هاالمده نوال : ايه ياحصه الدنيا تغيرت ماعاد مثل اول اجل زوجة عمك ما تجين تشوفينها تعبت حتى بالعيد تباركين بالتلفون حصه : الله يهديك يانوال انا والله قليلة طلعات وحتى اهلي قليل ازورهم نوال غريبه مع انه كل ما يجي مشعل يقول نوال عند اهلها [ مشعل هذا زوج حصه بنت عمه طبعآ ٍ] حصه يوه تسمعين كلام مشعل ينسى كثيرر وانا مااطلع تعرفقين البزران واحضر الدروس وماافضى احك راسي نوال طيب طيب مقبوله منك التهنئه لوانها متاخره بس عاذرينك حصه المهم نوال انا داقه بقولك اني ارسلت البطاقات مع مشعل ولازم تحضرون زواج اختي ساره نوال الف مبروك ومتى الزواج ؟ حصه ان شاالله بكرى نوال تغير وجهها حصه والله خبرك الخطبه والملكه صارو بسرعه وجهزنا سريع سريع نوال طيب متى تملكت ساره حصه قبل اسبوعين نوال : اسبوعين ياحصه وماتعطونا خبر ليه بس حصه : الله يهداك يانوال ظروف المهم لا تتإخرون علينا بالحضور نوال : يصير خير حصه : فمان الله نوال : وانتي بحفظه نوال راحت ركض لااهلها يمه بنات تخيلو بكرى زواج ساره بنت عمي البنات الام صادزه انتي ؟ نوال والله يمه ماامزح البنات ههههههه دايم زي كذا والله ما نحضر زواجهم ليه ما يعلمونا الا قبل بليله الام : لا يابنات لازم نحضر هذولي بنات عمكم البنات يمه ما جهزنا عمرنا الكوافير والفساتين .. آلخ الام : امرنا لله لازم نروح البنات : يمه تكفين خلينا نطنشهم الام : مافيه مجال للنقاش لازم نحضر البنات يمه معقوله ابوي مادرى يعني بنت اخوه معقوله ما عنده خبر الام : مااظن لو عنده خبر كان قال الاب : وش فيكم يابنات صوتكم عالي الام : لا ابد متفأجآت زواج ساره بنت اخوك بكرى وتونا ندري الاب : هاه من تبي تاخذ الام :علمي علمك الاب : هاه ايه وين القهوه < يصرف مايبي اهله يحسون ان مادرى عن شي البنات وآلآم: يناظرون الاب نظرة الي فاهم وساكت الاب : يالله يانوال القهوه وانا ابوك البنات يتحلطمن ياعمري ابوي ما يبي يبين ان اخوه ما يعلمه بشي والله رحمناه الله يهدا عمي بس المهم السالفه الطويله ذي بس عشان اخليكم تعيشون الجو شوي وسؤالي ليه الاقارب صارو يتجنبون بعض ؟ ويحاولون كتم اخبارهم عن بعض يعني ما يقولون لبعض اخبارهم مثلا الموقف الي صار مع نوال واهلها يعني كل هذا خوف من العين ليه ما حطو في الحسبان قوله تعالى [ واما بنعمة ربك فحدثٍ] يعني بنتي او اختي او اخوي يبي يتزوج هاذا نعمه من ربي وش يمنع اخبر اقاربي ليه اجحد نعمة ربي؟ طيب اخوك ما تقوله عن اخبارك واخبار عيالك ليه الجحده ليه ؟؟ يعني مااعتقد يخفى عليهم ان هذا قطع رحم ومعقوله اتزوج واهلي واقاربي ما يدرون الا ليلة الزواج الحمد الله والشكر الله لا يبلانا س- بعرف رآيكم في الاقارب الي اقرب ما يكونون لبعض وبنفس الوقت بعيدين كل البعد واحيانا يفضلون الاغراب على اهلهم دمهم ولحمهم ~ ليه ماعاد تعني لنا القرابه شي مثل اول ؟ وش السبب برايكم ؟ المعذره ع الاطاله واتمنى اكون وصلت المعلومه لكم وحابه اسمع ارائكم لو تكرمتو يالغالين |
|
|
|
|
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
العرض العادي
