العودة   منتديات أبو الفضل العباس عليه السلام > ¤©§][§©¤][ المنتديات الأدبيه ][¤©§][§©¤ > منتدى عذب الكلام والخواطر
 
 

منتدى عذب الكلام والخواطر الأحاسيس والخواطر الأدبية

إضافة رد
 
أدوات الموضوع انواع عرض الموضوع
قديم 01-27-2017, 12:15 PM   رقم المشاركة : 1
عشاق المفيد
( عضو جديد )
الملف الشخصي




الحالة
عشاق المفيد غير متواجد حالياً
الحالات الاضافية

 


 

Post قصيده الى ام البنين. . للشاعر حيدرموسى الرميثي

،،،،،،،،،،،،،،
زينب تجين – لوماتجين
مشتاك الج – كلبي الحنين
وين حسيني – وين بنيني – وين - يزينب
***************1************
اخذو عمري – عمري كله الكم ابيعه بنظره وحده
فقط نظره – اشري بيهه حسين مو عذبني فكده
وين زينب - عليه مانشدت يوادم صار مده
والكفلهه - گمت للعباس اشتاك شيرده
لا اجه محبوب منهم لا رساله
والله مشتاكة لبو اليمة وعياله
نار هجرهم – نار سفرهم – نار- تعذب
********************2****************
البيت خالي – والمدينة ابلا كمر ضلمه المدينة
ام الاحزان – من بعدكم يمه سموني الحزينه
وين الاحنان – بعد شو من الاهل محد يجينة
وي ليلي – كلكم ترجعون يمه اشكد دعينه

الكمر مشتاكة اشمن بس جفوفه
ياهو يتلاكاهه لومرت ضيوفه
راح – شملهم – راح – كمرهم – راح تصوب
*******************3****************
نذر انذر – لو اجيتو وتمر ريحتكم واشمهه
هالمدينة – بيدي احني ابوابها وكل دمعه اظمهه
فوك اثركم - اطش دمعاتي ورد وردود المهه
ارتاحوا اكلكم – زينب ادري بالمشي تعب جدمهه

جنه نملي الدنيا من نلتم سويه
ونختم الكعده بحديث اعله الزجية
ضاع – املنه – ضاع – حلمنه – ضاع – تسلب
**************4**************
بنتي زينب – لمج اشتاكيتي لو بعدج ييمه
مري بيه – يمه زينب من وراج الدنيا ضلمة
انجوم ليلي – عليج اسألهن يزينب نجمه نجمه
يالحنينة – من البواجي ام البنين عليج تعمه

اني ام الحزن وانتي ام المصايب
انسبي حاني وياج تسبيح النوايب
خيام – سليبة – خيام – مصيبة – خيام- انه الهب
******************5****************
بعالم الطيف – بعيني شفت الكمر طايح عالشريعة
بعينه نبله – عينه مصيوبه بسهم والجف كطيعه
يمه الحسين – انكسر ظهري يصيح من هاي الفجيعه
تشيل جفه – من دمعهه غسلت جفوفه الشفيعه

فاطمة يمه وتصيح الله اكبر
راسه مطبور بعمد حسبالي حيدر
ماي شربتو – ماي – عطشتوا – ماي – الي اشرب
****************6**************
الناعي اجاني – كتله وين حسين كال حسين ذبحوه
كبله ضحوا – كل بنينج بالمناحر يمه وفوه
انذبح عباس – طاح عطشان الكمر والجود بدوه
لاتنشدين – حتى عبدالله الطفل عطشان صابوه

كلت ماتوا هلي لو ولدي نسوني
كلت مامعقوله كلهم ضيعوني
عاد ضعنكم – عاد – حزنكم – عاد – تخضب






رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة



جميع الأوقات بتوقيت GMT +3. الساعة الآن 03:18 PM.


منتديات أبو الفضل العباس
جميع الحقوق محفوظة لمنتديات أبو الفضل العباس عليه السلام