ضرب الزوج لزوجته

[روحي فداك يا "ابا الفضل" ع]

مشكورين عالطرح المهم لاهنتم

بالنسبة لضرب الزوج لزوجته هذي ابدا مو من الرجوولة بالعكس هذي مع احترامي الشديد من - الحيونه - اجلكم الله

بل اني ظلمت الحيوانات لان هالكائنات فيها رحمة اما الزوج .. فلا انسانية ولا رحمة فيه ان كان من هالنوع

وفي شي اسمه دين + قانون

ما شي يوقف مع الرجال ان طق .. لو عساه يطلق او يعلقها لو هي كانت مو اوكي لكن انه يطلقها لاا والف لا

والزوجة عشان تتفادى لازم تقتدي بالزهراء ع وكيف تتثقف وتكون زوجة وحبيبة وام وصديقة وكل شي لزوجها

كيف تعيشه بحب وتصحيه على حنان وترقده على احترام ومشاعر

تكون زوجة ذكية وبكذا الرجال مايسوي لها شي .. ان مانفعها مابيضرها

وسبحان الله لكل قاعدة شواذ .. ان مد ايده فلا ينسى سند وظهر العروس

وان ماكان لها فرب العالمين اولا واخيرا هو شديد الانتقام

والدين والقانون مايسكتون

وشكرا

خيتك- روورو

[عشق العباس اجنني]

يعطيك العافيه
بس في بعض الرجال
يتناقش مع زوجته لما تصارحه
عن بعض الاشياء
ما يقدر يسكتها يقوم يضربها

[روحي فداك يا "ابا الفضل" ع]

مو هذا ياقلبوو يببيله دكتور نفسي والزوجة لازم تلحق عمرها ولاتسكت لان في فرق بين تنازل وبين اهانة وهي لو تبي بيتها يستمر ماتبنيه على اساس غلط وهو سكوتها عن ضرب زوجها

صحيح ان الاهل لازم مايعرفون او يتدخلون بشي الا الضرب عاد ترى هذي زوجة ولها كيانها

[عشق العباس اجنني]

اي صحيح بس ما تعرفي بعض الزوجات
يتحملو عشان اولادهم وانا شفت كثير من الزوجات
اللي متعذبين مع ازواجهم بس الاولاد يقيدوهم
وممكن الضرب مع مرور السنين
يحول المرأه تكون قويه ولا تخاف من الزوج
وتشوف الزوج صار ضعيف لان المرأه اللي كان
يضربها صارت اقوى منه

[أمير المعرفه]

قال تعالى {وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ }الروم21
الله سبحانه وتعالى اراد من الزواج ان يقوم على المودة والرحمه لا ان يقوم على الضرب والاهانه
لان المرأة مثلها مثل الرجل في الانسانية
بل أنها تفوق الرجل في الخصائص النفسية والعاطفة
أما لماذا بعض الرجال يلجئون الى الضرب فذلك يرجع لطبيعة الرجل فالبعض لديه النزعة التسلطيه التي تضغط عليه او لضعف في الشخصية ويعتقد بان وجودة ورجولته لا تقوم الا على الضرب

شكراً لصاحبة الموضوع
وفقك الله

[عشق العباس اجنني]

العفو ومشكور
وكلامك صحيح بالنسبه للبعض
وكل رجل وله اسباب مختلفه عن الباقي
في الضرب
يسلمو

[روحي فداك يا "ابا الفضل" ع]

المشاركة الأصلية كتبت بواسطة عشق العباس اجنني

اي صحيح بس ما تعرفي بعض الزوجات

المشاركة الأصلية كتبت بواسطة عشق العباس اجنني

يتحملو عشان اولادهم وانا شفت كثير من الزوجات
اللي متعذبين مع ازواجهم بس الاولاد يقيدوهم
وممكن الضرب مع مرور السنين
يحول المرأه تكون قويه ولا تخاف من الزوج
وتشوف الزوج صار ضعيف لان المرأه اللي كان
يضربها صارت اقوى منه

المرأة ياقلبي تتحمل عشان عيالها اذا كانوا كبار او يفهمون لكن اذا كانوا اطفال فلازم الامر بتعالج بتدخل الاهل .. والاولاد بدورهم ان كانوا يفهمون لازم قدر الامكان يحوطون الوالدة .. صحيح انا اعرف وحدة تنطق من زوجها وعيالها ماشالله بعضهم متزوجين ! هذا الصبر ولاززم الخوال او اصحاب العقول والحكمة في التصرف من الاهل يتدخلون او لازم احد العلماء والاهانة تأثر في نفسية الام واللي بتدورها بتنعكس على البيت وواجبها اتجاه الزوج والاولاد بعد ! فلازم كل خطأ يتصلح قبل لا تصيير عادة في البيت وبالتالي يطلع الابن لابوه ! او قبل لا يكسب البيت روح ام قاسية او معقدة بدل ماتكون روح حنينة

خيتج - روروو

[روحي فداك يا "ابا الفضل" ع]

كفووو والله ياخوي امير كلامك عين العقل لكن هم ارجع واقول لكل خطأ علاج ولازم الامور تتعالج طال الزمن او قصر لان هذي الاسرة تطلع جيل وكيف نبيه جيل تمام والاساس كان غلط !

خيتك - رورووو

[عاشقه منبر الحسين]

الله يهديهم يارب
والتفاهم خير والعصبيه الزايده تعمي القلب والبصيره
الله يعين الحريم الي عايشه بهذا المجتمع

[عشق العباس اجنني]

المشاركة الأصلية كتبت بواسطة روحي فداك يا "ابا الفضل" ع

المرأة ياقلبي تتحمل عشان عيالها اذا كانوا كبار او يفهمون لكن اذا كانوا اطفال فلازم الامر بتعالج بتدخل الاهل .. والاولاد بدورهم ان كانوا يفهمون لازم قدر الامكان يحوطون الوالدة .. صحيح انا اعرف وحدة تنطق من زوجها وعيالها ماشالله بعضهم متزوجين ! هذا الصبر ولاززم الخوال او اصحاب العقول والحكمة في التصرف من الاهل يتدخلون او لازم احد العلماء والاهانة تأثر في نفسية الام واللي بتدورها بتنعكس على البيت وواجبها اتجاه الزوج والاولاد بعد ! فلازم كل خطأ يتصلح قبل لا تصيير عادة في البيت وبالتالي يطلع الابن لابوه ! او قبل لا يكسب البيت روح ام قاسية او معقدة بدل ماتكون روح حنينة

خيتج - روروو

غلاتي مو كل ام تقدر
مثلا وحده من اهلها ما يبغوها ترجع عندهم
ويرجعوها لزوجها
وممكن الاب والام ميتين
وفي اسباب كثيره
بس ربك يخلف ما يخلي كل شي على حاله
ومع مرور الايام الله يعوض الزوجه عن كل تحمل وصبر