موال زنجيل لأمير المؤمنين (ع)

[السادن]

موال زنجيل للامام علي بن ابي طالب (ع)
*********************************

حاز الفضايل علي متروس كله إبه .
لو نزل للمعركة مو سيف شايل وبه .
عن إبن عمه النبي مارضه غيره أو أبه .

إيصير سيف ودرع فشلة أوأنه حيدر .
يابيت هذا الذي حاويك من حي دار .
حي فاطمة الرضعت صافي اللبن حي در .

بعد النبي بالعلم مكتوب ثاني صطـر .
عـِد العلم مرجلة وبكيفك إنت صـطـّر .
ومخوف الابطال يصطر عدووه صطر .

بالعلم خو حيدرة رافع شعار وعلم .
آلاف الدروس من إبن عمه العلم .
من للمدينة تطب دگ باب وانطي علم .

بالباب أكو لافتة مكتوب بيهه علي .
طبعا يكرهوه چيفن مقامه علي .
اشبعد يا مأثرة للراد حجة علي .

ياهو اللي يوفيك ياسيدي أمن الجمل .
والحاربك سيدي وحده إيكف ويمل .
بالبصرة إنت الفزت وخسرت أم الجمل .

الفقار ماشالته أي إيد بس كفه .
كافي علي ويالنبي وموازن الكفة .
مجلي المعسرات عن وجه النبي وكفه .

باب الشرك حيدرة هو الذي صـكـّه .
ضربته ماتنثني للعدو لو صـكـّه .
للجنة شيطببك إلا ّ علي صـكـّه .

أموقعه بيده علي يله تطب جنة .
كل الهوه حيدرة عگله صدگ جنة .
موبس إنس أسلمت من خوفهه أو جنة .

وآني أگلك بعد أسلم سنا المارج .
يل ماتحبه إلعلي عگلك بعد ما راج .
أصحاب عنده النبي حط منخل وبي رج .

يبقى علي ما يگع وأغلبهه تصبح تبن .
إلفروسية إلعلي وعوانهه بي تبن .
فارس بدر يا علي وانت الگلت تبا ً.

انهزم وآني اهزمت مرحبهم وعامري .
وآنه بشجاعة علي مسمعت كل عمري .
ومن سيفه الاسلام لي هسه ظل عامري .

ويهون عنده الصعب حت لو صعب خطبه .
بالكوفة تحچي حكم من تلقي الخطبة .
إلهذا السبب سيدي گلبي القلم خطبة .

ماغيرك انت علي بالدنيا لا اي ولي .
يلي شربت الكره ليغاد عني ولي .
إمأكد بيوم الحشر موإلك يفزع إلي .

إلمو إمامه علي محسوب إي منهم .
يازلم شبهوك بعد النبي من هم ؟
طب حضرته وندعي ينزال لو من هم .

إمخوّل بعد حيدره يكفي أبو طالب أبه .
تحياتي

[حيدر الشيرازي]

بارك الله فيكم وجعلها الله في ميزان اعمالكم

[السادن]

شاكرا مرورك الكريم أخ حيدر الشيرازي المحترم تحياتي

[شاعرة المرتضى]

جزاك الله خير الجزاء
لاتنسانا مــن الدعاء
شفعت لـك الزهراء
في يـــــــوم الجزاء

[السادن]

شاكرا لك المرور الكريم اخت شاعرة المرتضى تحياتي

[ولــــد ناس]

سيدي
الســــــــادن
حُرُوْف فَآَتِنَه
يَتَرَدَّد صَدَاهَا بِدَاخِلِي
ومَسِآحِآت طُهْر بَآَذَّخَه
وَهَمَسَآت مَشَآعُر خَجُوْلَه
تِبُوْح بِمَآ يَجُوْل فِي الْخآطِر
مِن عُنْفُوْآن يَصِآَفَح أَرُوقِه
آَل سِنِيْن ب طُهْر !
لِلّه دُرّك

[السادن]

لله درك أخي العزيز على المديح الذي لاأستحق وما أنا سوى خادم لخدمة أمير المؤمنين عليه السلام تقبل تحياتي العطره لمرورك الكريم0