|
|||||||||||
منتدى السفر والسياحة خاص بالسفر والسياحة والمناطق الأثرية حول العالم |
|
أدوات الموضوع | انواع عرض الموضوع |
|
04-28-2014, 02:38 AM | رقم المشاركة : 1 |
بيستر فيلج اوت لت .. قريه تسوق
Bicester Village ! ------------------- بيستر فلج عباره عن اوت لت .. قريهتسوق للمحلات باسعارتنافسيه و مخفضه .. غالبا البضائع اللي تكون كلاسيك او للمواسم السابقه .. ستوكات .. ماركات عالميه و محليه .. البعض يسأل تسوى العنوه او ما تسوى؟ سؤال صعبه اجابته .. كل واحد و ذوقه و احتياجاته .. يمكن عقب ما تقرون الموجود و غيره بيقدر الواحد يقرر اذا تسوى بالنسبه له او لا .. شخصيا كل سفره لندن ثاني او ثالث يوم نروح بيسترفيلج .. متى الوقت المناسب لزياره بيسترفيلج ؟ اولا افضل وقت ان الواحد يروح ثاني او ثالث يوم من سفرته ... قبل بدايه التسوق الفعلي بلندن .. ليش؟ لان ممكن تحصل اشياء تبيها بسعر اقل ببيستر فيلج او اشياء بديله بنص السعر ! ثانيا وقت الزياره باليوم يفضل يكون الصبح مبجر .. يعني 9 10 طالعين عشان تخلصون مبجر و عن الزحمه و تستغلون باقي اليوم في لندن .. يفضل الذهاب بايام الاسبوع العاديه .. بالويكند ما تلقا حتى كرسي بالقطار من الزحمه ! شلون نروح بيستر فيلج؟ محطه مارلبون ! .. محطه مارلبون قريبه من الاجور رود و الاوكسفورد .. قريبه جدا من بيكر ستريت .. الباصات اللي تروح مارلبورن 435 و 74 و 2 .. تروحون المحطه تقولون لمال التذاكر تبون تذاكر لبيستر فيلج مع الباص (اللي يوديكم من المحطه لما توصلون للقريه) .. و المحطه اللي تنزلون فيها اسمها Bicester North اخذو التذاكر و سالو او شيكو بالجدول الساعه جم القطار و رقم اللاين اللي فيه .. و لا تنسون تاخذون لكم من المحطه بيقل ---------------------------- بيستر فيلج اوت لت .. قريه تسوق |
|
|
04-28-2014, 02:44 AM | رقم المشاركة : 2 |
رد: بيستر فيلج اوت لت .. قريه تسوق
او من مارك سبنسر تسليات للطريق .. او شوربه عجيبه .. الطريج ساعه و شويه .. سعر التذكره يختلف حسب وقت السفر و اليوم و الوقت .. غالبا تذكره الفاملي تطلع 13-16 باوندز الشخص .. اذا الواحد حجز منفرد عادي تكون 30-35 باوندز ! السعر شامل الباص .. الحين بالصيف تفتح من 10 الصبح الي 9 بالليل ! و العاده لي 7-8 .. ما عدا الاحد الي 6 .. شنو المحلات اللي في بيسترفيلج ؟ هذي لستة المحلات الموجوده في بيستر فيلج: Bicester Village - Bicester Village وايد نسمع مافيها شي و كل شي قديم و ما يسوا .. لا والله احيانا في و احيانا مافي .. يعني مثلا اللي يبي التيشيرتات العمليه و اللي يبون اشياء رجال و حق الصبيان و الاطفال في بولو رالف لورين مال الكبار و في مال اليهال .. مال اليهال يشوق جدا ! و مال الكبار اشياء كلاسيك ما تروح موديلاتها و اشياء ثانيه بنص سعر اللي بالبوند او سلفرجز .. و الحين فتحو رالف لورين هوم بعد .. في مثلا UGGS .. اللي تبي بوتات حق الشتا .. الموديلات وحده ما تروح باقز .. و بسعر اقل .. نفس الشي جوسي كوتيور حق التريننقات .. قوتشي البواكه و الاشياء الاكسسيزوريز جدا رخيصه و حلوه هاكت حلو للرجالي و الاولاد الصغار |
|
|
04-28-2014, 02:55 AM | رقم المشاركة : 3 |
رد: بيستر فيلج اوت لت .. قريه تسوق
هاكت حلو للرجالي و الاولاد الصغار نفس الشي دولشي اند قبانا و تلقون جناط و اشياء حسب المواسم .. DKNY .. مايكل كورس .. بربري .. سلفادور .. تومز .. وايد اشياء تلقطونها للي بمود التسوق .. و عقب ما تخلصون تسوقكم الواحد يريح بستاربكس او بنص التسوق للشوط الثاني .. طبعا الكريب هذا is a MUST ! لذيييذ .. حتى الايسكريم هذا .. و في هناك مكان للعب الاطفال الصغار .. و في جمعيه تسكو قريبه باختصار .. بيستر فيلج مو وجهه نظر شخصيه تسوى الروحه .. و لا راح تضيع يوم و لا شي .. اذا وقتكم جدا محدود روحو الصبح و ردو الظهر او العصر و يصير عندكم نص اليوم باقي للندن .. |
|
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|