|
|||||||||||
منتدى الحوار والنقاشات الجادة نقاشات جدية و عقلانية في المواضيع الإجتماعية |
|
أدوات الموضوع | انواع عرض الموضوع |
04-01-2011, 05:54 PM | رقم المشاركة : 1 |
مشكلة الزوجه الدلوعهـ المليغه بزيآدهـ
.طبعا الموضوع فيه لمحة غير مباشرة للبنات الدلوعات ومااي دلع دلع ملاغه وماله اي طعمه.. في الليلة القمرا للعروستنا الدلع التي تنتظرها كل بنوته حبوبه .. كان في احدى قاعات مسقط الكبيرة جاء المعازيم والأهل والى اخره من الطقوس الأعراس .. باختصار شديد ما راح اطول الى ان جاء وقت دخول الزوج وبعدها وقت تصويرهم مع بعض وصوروا وغيره لين آخر شي جات أم الزوج وجات المصورة عشان تصورها مع المعاريس مع ولدها وزوجته .. فبكل رقه مصطنعه ودلع بايخ وبكل وقاحه قالت العروس : مااريدها تصور معنا اخجل يشوفوا صديقاتي صورتها معنا >> ليش بيضيع ستايلها دلوعه الماما .. * السؤال هنا لشبابنا لو واحد منكم كان المعرس وصار له هذا الموقف من زوجته مع امه وامام الجميع .. كيف بيعالج الموقف ويرضي الطرفين .. كيف بينقذ الوضع بدون ماتصير حساسيات للطرفين ؟ * والسؤال الثاني للبنات .. لو انتي دلوعه بزياده حبتين وماتبين تضيعي ستايلك بوجود وحده عجوز بالصورة وش بتسوي ؟؟ >> ولو اشوف انه السؤال ماراكب .. ليش العجايز مالهن رب ..ولأن هذي مااي عجوز .. بس بنمشيها لدلع هاليومين اللي طالع. لين هنا ونبي مناقشاتكم .. بس اكيد تبون تعرفون وش رده فعل معرسنا وكيف عالج الموقف !! ........ ...... ..... .... ... .. . الله يسلمكم المعرس من شاف وسمع كلام زوجته في امه .. راح واخذ بيد أمه وحبها على راسها وجلسها بالكرسي وراح لديجيه الى عند المكروفون وقال بأعلى صوته لكل الحاضرين انا فلان بن فلان الفلاني اقول لفلانه بنت فلان (اسم زوجته) والكل حاضر وشاهد وسامع .. أنتي طــــــــــــــــــــــالق .. وسلامتكم .. والسؤال الثالث لعيونكم وش رايكم في موقف المعرس ؟؟ |
|
|
04-01-2011, 07:35 PM | رقم المشاركة : 2 |
رد: مشكلة الزوجه الدلوعهـ المليغه بزيآدهـ
صراحه المعرس متهور والعروس غبيه وماتستحي بعد لو فيها ذرة حيا ماقالت هالكلام |
|
|
04-01-2011, 10:09 PM | رقم المشاركة : 3 |
رد: مشكلة الزوجه الدلوعهـ المليغه بزيآدهـ
أحسى البنت فيها من قلة الأدب وسوء الأخلاق الكثير الكثير وبعدين ام زوجها راح تكون في مقام أمها وش له هالحركات اللى مالها اي داعي ابدا!!! ان شاء الله مايجود مثل هذا النموذج في واقعنا ^_^ مشكوره غناتي ويعطيك العافيه دمتِ بود..~ |
|
|
04-01-2011, 10:15 PM | رقم المشاركة : 4 |
رد: مشكلة الزوجه الدلوعهـ المليغه بزيآدهـ
الي سواء عين العقل وقليل في حقه دلعها وسخفتها بيت اهله يلا خلي الحين دلعك ينفع يعطيك العافيه |
|
|
04-01-2011, 11:36 PM | رقم المشاركة : 5 |
رد: مشكلة الزوجه الدلوعهـ المليغه بزيآدهـ
الي سواه المعرس اثبت انه رجل ويستحق الاحترام مشكوره على الموضوع |
|
|
04-02-2011, 12:55 AM | رقم المشاركة : 6 |
رد: مشكلة الزوجه الدلوعهـ المليغه بزيآدهـ
منوريـــــــــــــن يا احلى اعضاء..~ اكتمل جمال موضوعي بطلتكم الجميله.. لكم مني اجممل تحيه و شكر. |
|
|
04-02-2011, 01:50 AM | رقم المشاركة : 7 |
|
رد: مشكلة الزوجه الدلوعهـ المليغه بزيآدهـ
و رد المعرس شي قوي يطلقها مابقول شي الغلط من الطرفين يسلمووووووو يالغلا |
|
04-02-2011, 08:18 AM | رقم المشاركة : 8 |
رد: مشكلة الزوجه الدلوعهـ المليغه بزيآدهـ
زيـــن يسوووي فيها... |
|
|
04-02-2011, 07:12 PM | رقم المشاركة : 9 |
رد: مشكلة الزوجه الدلوعهـ المليغه بزيآدهـ
اشكرلكم هذا المرورالكريم..~ نورتوا يالغالين بطلتكم.. عافاكم ربي.ْ |
|
|
04-02-2011, 07:25 PM | رقم المشاركة : 10 |
رد: مشكلة الزوجه الدلوعهـ المليغه بزيآدهـ
وللاسف ماعرفت إن تصرفها مايق وقلة تربيه بس موقف المعرس عجبني بقوه فركش الموضوع من اول ليله افضل مايبقى طول عمره مع بنت عقلها صغير |
|
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|