|
|||||||||||
منتدى الشعر وهمس القوافي الشعر المتميز؛ الشعر الحسيني |
|
أدوات الموضوع | انواع عرض الموضوع |
04-19-2012, 05:11 PM | رقم المشاركة : 1 |
لمولاتي العقيله وكعبة الصبر قصيدةبعنوان ((انا ام الحزن من زغري سموني))
اللهم صل على محمد وعلى آله وصحبه أجمعين السلام عليكم ورحمة الله وبركاته انا ام الحزن .................................................. ............................................... انا ام الحزن من زغري سموني ....... بكماط المصايب أهلي كمطوني __ انا ام الحزن والحسره بت حيدر ....... حملت اشكد مصايب كد فسيح البر من جدي ومصابه لساعة المحشر ..... مرار ايامي رافك رمشة اجفوفي بكماط المصايب أهلي كمطوني __ مرار شمااوصفه تصعب اوصافي ...... حزن عمري يتجدد والفرح خافي أحس هم المصايب ثكــَّل اجتافي ..... وحزانـــي ودمعتي بيــــها غذوني بكماط المصايب أهلي كمطوني __ غذوني ابدمعتي وحيرتي وهمي ..... وشلت ظيمي وحملته من فكد أمي مصيبتها جبيره وكل كلب تدمي ..... عليها من الزغــرياناس فطموني بكماط المصايب أهلي كمطوني __ فطموني ابمصيبه وأمي وصتني ...... اصبر والصبرمن جفها غذتني أم الحزن زينب بسمي سمتني ...... وبهذا الأســم وبحزني عرفوني بكماط المصايب أهلي كمطوني __ معروفه بعذابي ولوعة أمصابي ...... دك اوتاد حزني وواكف اببابي كل يوم انا اموتن موته لحبابي .......والاسود خيالي المنه فصلوني بكماط المصايب أهلي كمطوني __ والاسود صبحلي واصبحت منه ..... كل فرحي نسيته وما اذكرنه من يوم الزجيه انكطعت الظنه .... لاشفت الفرح لافرح شوفوني بكماط المصايب أهلي كمطوني __ لاشفت الفرح واندفنت اعيادي .....ويـــــه امي دفنته والحزن زادي ربيت ويه الدمع والدمع ميعادي ..... كبرت وزاد همي وزادت اظنوني بكماط المصايب أهلي كمطوني __ رد الدهر بيه بعودي صوبني ..... على وجهي سطرني وللحزن ذبني نحل حيلي وهظمني وهدَّم اشأبني ..... بمصابه انحنيت وراحت عيوني بكماط المصايب أهلي كمطوني __ بمصابه انحيت ورد علي دهري .... شهر سيفه وذبحني ونكسر ظهري بابو محمد فجعني زهرتي بعمري .... انكطع كلبي ابمصابه ابسـِمَّه سموني بكماط المصايب أهلي كمطوني __ تشاركت المصايب ويه ابن عودي ..... عزيز الروح اخيي ونفحة اجدودي يعيش بكل كياني وروحي ووجودي ..... امانه من الزجيه وبيها وصوني بكماط المصايب أهلي كمطوني __ صرت لحسيني ابره وصرت انا اخياله ..... مثل عين الزجيه بلهفه تبراله ويلي اشكال كلبي وحمل اعيـــاله ..... اهل كوفان كلي خويه يردوني بكماط المصايب أهلي كمطوني __ مشه ظعنه ومشيت وحالتي حاله ..... ودموعي اعله خدي تجري هماله وعباس الكفلني ظعني يبراله ..... ومن ارض المدينه بحسره طلعوني بكماط المصايب أهلي كمطوني __ وبعاشر محرم زادت احزانــي ..... زاد الهم عليه وزادت اشجاني والاعظم مصيبه فكدت اخواني ..... ومن بعد الخدر ياناس يسبوني بكماط المصايب أهلي كمطوني __ شكفت اسياط اميه بمتني وزنودي .... وبجيت لحد تفطر جفني وخدودي شيهود الروح وانا فاكده حيودي ..... واسياط آل اميه تلسع امتوني بكماط المصايب أهلي كمطوني __ ردت للموت لكن مارأف بيه .... كطعت ادروب كبلي الماهي ممشيه انا الجنت ابذرى عباس محميه .... اموتن واندفن والغربه دفنوني بكماط المصايب أهلي كمطوني آخر تعديل الامبراطوره ملاك يوم 04-20-2012 في 07:17 PM.
|
|
|
04-20-2012, 07:18 PM | رقم المشاركة : 2 |
|
رد: لمولاتي العقيله وكعبة الصبر قصيدةبعنوان ((انا ام الحزن من زغري سموني))
اااللهم صلى على محمد واال محم ووعجل فررجهم ااالشررريف يااالله تسلميي يااخييه على االنقل ااالرراااائع تحياااتيي ااااسااااالكم ااالددددعاااااءءءء ملالالالالالاك |
|
04-21-2012, 08:28 AM | رقم المشاركة : 3 |
رد: لمولاتي العقيله وكعبة الصبر قصيدةبعنوان ((انا ام الحزن من زغري سموني))
|
|
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|