|
|
02-03-2012, 07:10 PM
|
رقم المشاركة : 1 |
احتلالك
شلون أعارض احتلالك .. واحله شي بيه احتلالك يل أخذت اگليبي مني .. أخذه .. واعتبره حلالك أني ماريد انسحابك .. وارفض استقلالي عنك وآني ضد أي فكرة حتى .. لحظة لو تحرمني منك أحتكر أشواگي كلهه .. أحتكر أشعاري كلهه واستحل أجزائي كلهه .. وسوي بيه شما بدالك ما أعارض احتلالك ******************* إجتياحك كلشي بيه .. أحله شي صار بحياتي ولحظة احتليت گلبي .. أغله لحظة بذكرياتي أشجب ؟ .. أستنكر ؟ .. أندد ؟ .. ليش ؟ وأغتال بجنودك ؟؟ واطلع أتظاهر عليمن ؟ .. وآني محتاج لوجودك لا تتعب روحك انته .. آني أقيدلك أديه ولو ردت من عندي روحي .. بيدي أقدملك هدية إتخلل بذرات جسمي .. واحذف من الخارطة اسمي وامحي كل حدود رسمي .. وخلني متهني بظلالك ما أعارض احتلالك !!! *************** آني قبلك دولة حرة .. چنت لكن .. دولة منسية .. وبعيدة ومن أجيت انت لحدودي .. هيه فتحتلك طريقك .. چانت بجيتك سعيدة يلي خليت لحياتي .. نكهة استعمار حلوة كلمة الحرية روعة .. لكن بدونك متسوه اتعامل وياي .. بتعسف .. واضطهاد وعنصرية وأمر وأنهي اعله كيفك .. حلوة سيطرتك عليه وخلني بس لوحة عله حايط .. وابقه ظل يمي مرابط آني متهمني الخرائط .. آني كل همي وصالك وما أعارض احتلالك !!! *************** كافي يا أحبابي كافي .. تحاولون تحرروني كافي يا أصحابي كافي .. هالتدخل في شؤوني أي قرار تقررونه .. وحته إليفكر يعرضه أعلن بوجهه احتجاجي .. وارفع الفيتو وأنقضه !! وانت يا زهرة حياتي .. يا أعز وأغله امنياتي صادر أفكاري وهويتي .. وافرض أحكامك عليه وضمني إلك وأرفع علمنه .. حبي إلك هوه الهوية انت أخذ أرضي وحدودي .. وآني أقدملك ورودي آني مارايد وجودي .. لن وجودي .. من خلالك وما أعارض احتلالك |
|
|
|
|
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
العرض العادي
