|
|||||||||||
منتدى الشعر وهمس القوافي الشعر المتميز؛ الشعر الحسيني |
|
أدوات الموضوع | انواع عرض الموضوع |
10-25-2012, 09:57 AM | رقم المشاركة : 1 |
عباس البطل محد وصل زوده
عباس البطل محد وصل زوده نقسم بالكفيل ونقسم بجوده دك فوك النهر رايه راية حيدر الثايه ضحه بهامته والعين وزنوده ................................................. عباس البطل حامل لواء الدين اله رايه عله شط العلكمي وجفين فدوه لخدر زينب والاخوه حسين من شاف الجمع صفت خيل رجال من حشدت هزهه لكربله وخله السمه سوده .................................................. ............. عباس البطل في يمنته البتار باليسره العلم من حيدر الكرار من طب الشريعه عينه تجدح نار طشرهه العده صوبين دافع عن امام ودين صال وحملته عله الجيش مشهوده .................................................. ................. عباس البطل كاصد يجيب الماي يروي كلب سكنه اه ينار حشاي ويروي الرضيع الي يصيح ضماي فتت هالعطش جبدي شنهو ويا ذنب عندي اتنطر ابو فاضل يجي وجوده .................................................. ............. عباس البطل ماهم جثيره سيوف تتراجف عداه وزرع بيهه الخوف خله النهر بيده العلكمي مجتوف بس ما ضاك من عنده يتذكر عطش جبده حسين اصبح لهاته بعطش ممروده .................................................. ..................... عباس البطل ثبت شعار الدين من حاطت عداه وسدت الصوبين ضحه بيسرته وفوكاهه انطه يمين من صاب العمد راسه منه خمدت انفاسه سهم العين صابه وخضب جعوده .................................................. ...................... عباس البطل لمن كثر نزفه اجاه حسين اخوه توسد بصفه من نحره يشمه ومن كطع جفه ينادي والظهر م**ور وفيت الوعد مشكور من مثلك بدمه يوفي بوعوده .................................................. ................ منقول قصيدة حسينية لخادم اهل البيت علي الاسدي الناصري |
|
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|