|
|
11-06-2011, 09:15 PM
|
رقم المشاركة : 1 |
قصيده الاب
جنه ازغار نكعد وكت الغروب ***اباب الدار نتظر جية ابونه يرجع مبتسم بس وجهه متعوب *** ومن ايشوفنه يضحكن عيونه يجي امحمل ابونه اشكال والوان ***وتظل اتلوب بيه امنه الحنونه تعبك هذه تعبك لا يابو فلان***تتعب والجهال ايضيعونه لكن يبتسم ودموعه بالعين***ويكل لمي التعب يستاهلونه هذوله احزام ظهري بساعة الضيج***والج بالشدة يام فلان عونه ابونه على جتافه ازغار وكبار***لعبنه اسنين ما تعبن امتونه يلبسنه حرير وهو محروم***وقميصه امن التعب مكلوب لونه واذكر لولعبنه الوالده اتصيح ***ابوكم نايم ولتفززونه الحدهاليوم صدك منك اتخاف ***ونجعل اسمك والدنه منصونه ياهنياله اليسعدك واليرضيك***ابرضاك الجنه ندخلها يابونه ابونه ابدنيته ما يوم مرتاح***الدنيا اوياه صعبه وما يملها تعب جاع وعطش ما دنك الراس ***ولا رخص ركبته ومره ذلها اصلب رجل بينه ابمحنته ايصير***وكل صعبه التمر بيده يحلها بس اضعف رجل بالعائله يصير*** اذا امي المرض مره وصلها امي اشكد تحبه اشكد تداريه*** امدللها الجبير وهو خلها بس لو غضب مره ولمي اندار***ترجف خوف من ايباوع الها ابونه امن المصايب يحمل اشكال***ولايحمل عتب امي وزعلها عنده المهم يتعب واحنه نرتاح***وابدمنيه احد ماحملها علمنه الولد عون اهله بالضيج***ومحبة اهلك تره اتموت الاجلها وجيرانك اعز من اختك اتصير***واغلى من نظر عينك خجلها يرجع ظهره محني وجدمه تعبان***وتتاكاه امي ويضحك الها وكبل ما توصله وتسلم اعليه***الله ايساعدج هو يكلها رقيق وكلبه دافي وطبعه محبوب***ابونه ايغرك العالم حنانه مايرتاح كلبه وعينه متنام ***اذامنام كل واحدمكانه واذا لحظهانتاخر خارج البيت*** يقلق والدي ويطلع ورانه وتلومه الوالده وتريده يرتاح***ويكلها ابركبتي ذوله امانه تجي لحظات يصبح قاسي الاطباع *** وندري القسوه من حرصه علينه دنيانه بحر واحنه ابوسط روج*** سفينه وهوربان السفينه يعاقبنه اعله غلطه ويقسي مرات***ولا جنه ابو الروح الحنينه وبعد لحظات لومنه الزعل راح ***يجي ندمان ويبوس بدينه الله موصي بيه باقدس اكتاب*** بالقران وامي اوياه جعلها يارضا الله ورضا الوالدين***وميزات الابوعونه الحملها تقي ويخاف ربه بيوم الاحساب***ويحمده على اللكمه الاكلها احتضن امه وابوه اسنين وسنين***وجفوفه شمع ضواها كلها نظل نعلك العشره الوالدي اشموع***مثل مالهله كل عمره شعلها |
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
العرض الشجري