|
|
 |
 |
 |
|||||||||
|
|||||||||||
 |
 |
 |
|||||||||
| منتدى الشعر وهمس القوافي الشعر المتميز؛ الشعر الحسيني |
 |
|
|
أدوات الموضوع | انواع عرض الموضوع |
07-17-2009, 03:52 PM
|
رقم المشاركة : 1 |
قصائد أصدار المحكمة
اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ وسَهِّلْ مَخْرَجَهُمْ والعَنْ أعْدَاءَهُم السلام عليكم ورحمة الله وبركاته ثــــــــــار الله قالوا بخدمتك الجنانُ تليني ... وهواك من نار السعيري يقيني وأقولُ لو إلقى الحسين بمحشري ... فكفى بهي فوزاً يوم الديني فهل القصور وأن تعذرا وصفها ... عن نظرتن في وجهيهي تغنيني مالي بالآ الجناني أرودها ... وجنانُ حبكَ سيدي تكفيني .................................................. حسين حسين حسين ياحسين يثار الله وحامي المله .. هالحب كله يصيح حسين ... حبك سر أبين أضلوعي .. وعدوانك بيه متحيرين حبك ثوب الهيبه ولايق .. وأتفاخر بيه عالباقين يصوت الروح البروحي .. يهتف بين التكوين يحب أبقطرات المرضع .. چف يلولي بأسم حسين بهمس يناقي .. ويفزع طاغي .. ويناشد هالثورة منين هالحب كله يصيح حسين ... نحسب دربك خطوة بخطوة .. كل خطوة أتسولف أحساس خطوة بحسرة خطوة بلهفة .. خطوة بعز ورفعة راس تارة الخطوة بدم نرسمها .. وتحسدنا أعلى الموت الناس وإلي يموت يسلم حبه .. ونوافي لقطع الأنفاس يغمض عينه .. وكل سنينه .. يلمها بدمعة أعلى الخدين هالحب كله يصيح حسين ... يثار الله حبك يكبر .. وبلبيك يعلي الصوت صرخة وتعلى ليوم المحشر .. بيها أتحدينا الطاغوت مانتخاذل مانتنازل .. صرخة الحد لوح التابوت أنعيش بخدمة هاي الراية .. نتشوح بيها أمن أنموت هاي العبرة .. لآخر قطرة .. بعد الموت وبالتلقين هالحب كله يصيح حسين ... مرت بينا أيام بحبك .. عن قبرك تمنعنا أعداك والدنية بغيرك مو دنية .. وماموجدين أبلياك ومن يصير الموت بخطوة .. ننسى الموت وماننساك واليوصلك شم أترابك .. واليوقع فاز بملقاك يفتح صدرة .. ويضحك نحرة .. آخر چلمة عالشفتين هالحب كله يصيح حسين ... يثورة الما بعدك ثورة .. يل مكتوب بدم ونحور من نجري الدمعة أعلى مصابك .. أنحس فوق الخد يجري النور ينعمة ونزلها الباري .. يبرق عزنا المنشور لا مو بس عاشور أنذكرك .. ليش أنته يلمك عاشور بيك أكبرنا .. وبحبك صرنا .. كل العالم معروفين هالحب كله يصيح حسين ... سجلنا بدربك مشايه .. نسچب دمعة أويا إلي يبچون خدام أنظل تحت الراية .. كل مارفت عاليمشون من توقف تحسب زوارك .. بلك تعدنا من اليفون عشاق حسين أشماغابوا .. بدربك حتما يتلقون أويا المشايه .. ونفس الغايه .. وبنفس الحب متمسكين هالحب كله يصيح حسين ... كلمات الشاعر الحاج أحمد العبادي اسأل وين اسأل وين .. وأنا بحيرة عن حسين .. مو عن غيرة جاوب لاتحيرني .. مو عالاربعة أخبرني عن حسين .. مو عن غيرة ... لاتشرح أكثر يالحادي .. شوف أبحالي أشسوى البين أسئل عن حسين أوليدي .. جاوب وتهل دمع العين عبدالله وجعفر يالحادي .. كلهم فدوة لوجه احسين من سمعت عباس أنهارت .. قامت تصفق بالـچفين فدوة تروح كل ويلادي .. لأجل حسين روح الهادي حست بالهضم روحي .. وأسمع صرخة أجروحي عن حسين .. مو عن غيرة ... قال إلها حسين أعلى الغبرة .. عاري أو ظل بلا تغسيل وخيول أعداك رضت صدرة .. وعالايتام أتدوس الخيل ولاخيمة الظلت عد زينب .. ولا حامي الظل بس عليل ردت مكسورة ومهضومة .. بس دموع الحرقة أتسيل كون أوياك قطعوا نحري .. من فرقاك يجدع صبري ماأريد العمر يبني .. جوابي للأيناشدني عن حسين .. مو عن غيرة ... أنا وصبري لليل غيابك .. ودموعي وحسرة فرقاك وأتئمل ترجع يوليدي .. ماتسوى الدنية أبلياك وصويت أشبولي يضحولك .. دمهم يرخص لأجل دماك كافل زينب نور عيوني .. أعرف ماقصر وياك يعباس رفعت راسي .. ينبراس لأهلي وناسي نعمة الناصر وحامي .. يوليدي القلب دامي عن حسين .. مو عن غيرة ... بعد الراحو من عيوني .. ماظل غير الون والنوح والمثلي يعيش أويه جروحة .. ويطول ليل المجروح أنا أم القطعوا چفينة .. وانا أم حسين المذبوح أي ودموعي ونار أحزاني .. أنحب لمن روحي تروح يسعر دوم نار أمصابه .. كل محروم من أحبابه بعدك مانمت ليلي .. دمع العين يحچيلي عن حسين .. مو عن غيرة ... كلمات الشاعر عبدالخالق المحنة ليش يادهري ليش يدهري .. شلك أعليه مو خلص صبري .. أرحم شويه بس أنادي بدمعتي .. وياهو ليسمع شكوتي أرحم شويه ... أتعلمت همي .. من صبر أمي .. وأنحنى ضلعي أذكر الزهرة .. وأسچب العبرة .. ولا نشف دمعي أحسب أمن الباب .. چم جرح وأمصاب .. وأندب وأنعي ونتي بصدري .. شوف يدهري .. وأرحم الوضعي أمن الضلع تبدي .. وللغاضرية ولازلم عندي .. بغربه مسبية وأنظر الروؤس أخوتي .. وياهو ليسمع شكوتي أرحم شوية ... هاك أخذ بلواي .. وعد يدهري أوياي .. بلكن أتعدها وأحسب أجروحي .. الهدمت أصروحي .. وحرت بضمدها صوب البسمار .. بضعة المختار .. وتنزف بعدها وطبرة الكرار .. من بعدها أشصار .. خلى أشيسدها وبالحسن بعدة .. شفت الرزية أمن أنمرد چبدة .. أبسم المنية والله قطع چبدتي .. وياهو ليسمع شكوتي أرحم شوية ... مستمر نوحي .. وساكن بروحي .. وأنظر لحالي أمن الضلع لليوم .. والقلب مهضوم .. ومنشده بالي منه أدير العين .. لنحر أخوية أحسين .. وچم نحر غالي أنا چم نحر مقطوع .. يادهر مرفوع .. ابرمحة يبرالي من بعد خدري .. أشدولبت بيه أوقف بيسري .. عد بني ميه أميسرة وعد شامتي .. وياهو ليسمع شكوتي أرحم شوية ... أبكربلة أويا الرأس .. جيت يعباس .. وذابلة أجفوني وين أبو النوامس .. شعتذر للناس .. من ينشدوني بالغاضرية .. أبحرم مبتلية .. أبغربة عفتوني ورأحت مسبيه .. وشسده عليه .. وشاهدة أمتوني وين خدري وين .. والقمر وينه وين أخويه حسين .. أبحسرة ردينه شلون أرد لديرتي .. وياهو اليسمع شكوتي أرحم شوية ... كلمات الشاعر الحاج أحمد العبادي ونه وحسره ونه وحسره ونوح أيتام .. زينب ردت من الشام من يمسح دمعتها .. أنشد وين أخوتها زينب ردت من الشام ... أجت من اليسر والهم أجى أويها مو عباس حزن الطف تلقاها أخت عباس شوف شلون ممشاها تقع وتقوم زينب وين ولياها يصعب حالش يأخت حسين .. وين الكافل خدرگ وين أفهم من حسرتها .. أنشد وين أخوتها زينب ردت من الشام ... هلا بصوت اليعاتب والحزن يحدي وأغيوم المصايب عالدرب تهدي أجيت الكربلا وجمرة عتب عندي رأيت أويا الحبايب ينحفر لحدي ضيم الشفته يشيب الرأس .. وأنده وينك يعباس من أسمع صيحتها .. أنشد وين أخوتها زينب ردت من الشام ... هوت فوق القبر طير أنكسر جنحه يموقف ياخويه أخلفاك أنشرحه رأسك عالرمح والشامت أبفرحه يعيد الشامته البلقلب جرحه قاصد يسئل زينب هاي .. وين الكافل والحماي من جمرة نظرتها .. أنشد وين أخوتها زينب ردت من الشام ... تعنت للشريعة ونادت وحنت زينب يالچفيل أمن اليسر ردت أسئل يبن أبوها هناك شتمنت تجيها برأيتك يل بإسمك تنخت من ضربوني كون أتشوف .. لچان وسفة أبلاية أچفوف يأيد الضربتها .. أنشد وين أخوتها زينب ردت من الشام ... كلمات الشاعر عبدالخالق المحنة راس الرمح كل منحر الشايله .. چم لوعة وشچم جرح أشتعرض لهل عايله .. جاوب يراس الرمح يراس أصد يراس .. لبن أمي لو عباس جاوب يراس الرمح ... ويلي أمن أصد ويا الدرب .. ونار القلب تتلاهب أبحسراتي يتحدى صبري كل صعب .. تطلع غصب ماتندف آهاتي أنظر وچم راس .. يلوح لعيوني وأندب العباس .. كافل أضعوني وعالخد تصب دمعاتي بين أخوتي أمدلـله .. مهيوبه عفت الوطن لأني سبيه أبفله .. ويلاه يغدر الزمن وأسمع شتم أرجاس .. لبن أمي لو عباس جاوب يراس الرمح ... رد يرمح وأذكر أمس ضي الشمس .. وحسين أخويه أقبالي لو قلتك عودك مايحن من ألتمس .. وأشرح هضم دلالي دم نحر عباس .. من خضب راسه لابد النوماس .. حرك أحساسه وأدري بنحر كفالي براس الأخو الحامله .. بغيرة وجبل من وفى وظعن البدر كافله .. حي وأبد ماغفى يلوق لمن النوماس .. لبن أمي لو عباس جاوب يراس الرمح ... غر يرمح بالمظلمة .. أبهالمحكمة .. ندري الذنب مو ذنبك دم السفك أشرف دمى .. أرض وسمى .. وبهالنحور أمخضبى أحفظ الشاله .. وأشهد أعلى الصار وسولف أهواله .. للنبي المختار وأنقل مصايب دربك أروي القصص كاملة .. وأعرضها يوم الحشر سولف لعقد الولة .. وجدامة شنهو العذر وشتعتذر هالناس .. لبن أمي لو عباس جاوب يراس الرمح ... جاوب يروح النايبة .. وشتجاوبة .. الينظر خضاب أبراسك من يانحر طبعه الابة .. ومن خضبة .. وأعرف ذنب حراسك تدري نحر حسين .. ينفس شمة وتدري بالكونين .. منزلت أمة ومنهن أخذ مقياسك نحرة النبي القبلة .. شتريد أعدد شرف راسه الذكر رتلة .. وأشفافة تقرى الكهف دوم الشرف ينقاس .. لبن أمي لو عباس جاوب يراس الرمح ... صد يرمح جمر الغضى .. من تعرضى .. ابدرب اليسر جدامي وأنشدني عن ليل المضى .. شلون أنقضى .. وأنشدني عن أيتامي أبلازلم ضلت .. تحرس الصيوان وبالخيم نهبت .. يالرمح نيران بس الحرم بخيامي أشرواني طف كربله .. ماظل لادمع لاصبر ويا موقف أتحمله .. وشوف الرزيا أشكثر أمن أنظر طفل ينداس .. لبن أمي لو عباس جاوب يراس الرمح ... شحچي وشسولف يارمح .. عن ياجرح .. عن ياهضم بيش أبديه صعدت شموسك يارمح .. ويا الصبح .. كلهن قطع من چبدي من تصد عيني .. الروؤس ولياني والله تاذيني .. لوعة أحزاني غير الدمع أنا ماعندي بس دمعتي الهاملة .. تلهب جمر عالوجن حسراتي متواصلة .. بيها القلب منتحن وشيحمل الأحساس .. لبن أمي لو عباس جاوب يراس الرمح ... كلمات الشاعر الحاج أحمد العبادي زهراء قصدت إلى قبر البتولة بشجوها .. تشكو جراح الطفي والنكباتي زهراءُ ياأماه يصرخُ دمعها .. نشكو إليكِ الحزنا والحسراتي ................. زهراءُ ياأماه .. نشكو إليكِ الآه بالدمعي والأحزان .. عدنا إلى الأوطان نشكو إليكِ الآه ... أجيت أمن السبي ودمعي .. ييمه أمن الهضم يجري وأريد أحچلگ الشفته .. يروح المصطفى وأدري أوسيگ وتواسيني .. بمصاب إلي حنى ظهري شفت بالغاضرية حسين .. وحيد بوليت الصوبين .. ييمه ولا بقاله معين ضامن على الرمضاء .. قتلوهُ يزهراء وراسهُ المقطوع .. فوق القنا مرفوع والمشتكى لله ... على عود الصبر بالليل .. توچيت بقلب مجروح ييمه بلا فكر لا راي .. ألف هم اليحز بالروح طلعت الساحة الميدان .. أدور عالأخو المذبوح لقيته أموسد الغبرة .. عزيزگ هشمو صدرة .. بعد ماقطعوا النحرة الخدُ منهُ تريب .. والجسمُ منهُ سليب ويلاهُ يزهراء .. تركهُ دونَ رداء .. ويلاهُ ياويلاه ... شسولف عن قمر هاشم .. شيم عباس معروفة أخوي الكافل أظعوني .. يرأيت أعيونتگ اتشوفة على شاطي النهر مذبوح .. ييمة أمقطعة أچفوفة بساعة طيحت العباس .. دارت عالغريب الناس .. ولا ظل بالخيم حراس حاطت بناء الظلام .. خيلاً وحرقوا خيام بين الظماء والنار .. ناديتُ يكرار .. غوثاهُ واغوثاه ... أنا الهمي كبر روحي .. وعد عمري بكثر حزني نزل دمعي بمصاب أمي .. هدم جرح الضلع ركني تعب مني ألم دهري .. تنام النايبة بجفني بديت أمن الضلع والباب .. وأخذ من نكبة المحراب .. مصاب يحطني بأيد مصاب كم جارت الأيام .. بالحزاني والآلام الدمعُ في الأحداق .. والحزنُ في الأعماق .. من هولي ماعشناه ... كلمات الشاعر الحاج أحمد العبادي سهم العين يسهم العين أحچي أوياي .. أنت أصعب لو سهم الماي وضح أكثر .. يسهم الشر أنت أصعب لو سهم الماي ... يسهم الصوبت عين الچفيل أنته هاي المحكمة وجاوبني عالشفته قبل العين لازم صبت چف أخته قبل عين الچفيل حسين صوبته حاچيني ووضح للناس .. عن آخر نظرة لعباس صد لحسينه .. لو لسكينه أنت أصعب لو سهم الماي ... علامك يسهم وأتعجب بأمرك يسهم المصايب ينفرد ذكرك علامك ماخفت والثانية أتنظرك ولاخفت الچفوف الچانت أتئمرك ماتعرف يسهم العين .. قاصد تتحدى الچفين ياچف أيصد .. وأنظل ننشد أنت أصعب لو سهم الماي ... يسهم الصبت من طاحت أزنودة متعنى الچفيل وتعرف بزودة تعرف چم طفل يتئمل أضعودة منك حسرته لو من سهم جودة أنت أصعب لو سهم الجود .. بيمن ينظر للعامود هاي الحالة .. صوت أطفالة أنت أصعب لو سهم الماي ... أسئلك يسهم من طاح عالغبرة على وجهه وقع لوله على ظهرة أن چان أعلى الوجه من غيرك ينحرة وجرح أم البنين ودمعة الزهرة يوليدي الصوت من أثنين .. صوت أمك وصوت أم حسين أنظر دمعي .. ويسئل ضلعي أنت أصعب لو سهم الماي ... جاوب يسهم وأجروحنا أتسمعك سكوتك لاتظن بالمحكمة ينفعك من شافك أخيك وحاول يطلعك مثل سهم المثلث لو أشد وضعك من شافك بالعين أشقال .. ويشاهد وضع الچفال وقعت ذخري .. كسرت ظهري أنت أصعب لو سهم الماي ... أخيراً يسهم مجبور ترويها هاي أم القصص والعين تدميها زينب من أجت والآه تحديها تصد عليك وأنت بعين واليها ريتك ماصبت الرواي .. وأتمنى أتصوب عيناي صبت الغيرة .. وأنا بحيرة أنت أصعب لو سهم الماي ... كلمات الشاعر عبدالخالق المحنة |
|
|
|
|
|
01-29-2010, 11:02 PM
|
رقم المشاركة : 4 |
|
رد: قصائد أصدار المحكمة
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
العرض العادي
