|
|||||||||||
منتدى الشعر وهمس القوافي الشعر المتميز؛ الشعر الحسيني |
|
أدوات الموضوع | انواع عرض الموضوع |
08-08-2008, 08:35 PM | رقم المشاركة : 1 |
وفـــــــه العباس
اللهم صل على محمد وآل محمد وعجل فرجهم السلام عليكم ورحمة الله وبركاته هذه قصيده من الشعر الشعبي وزن ( التجليبه ) في سيدي ومولاي قمر بني هاشم عليه السلام أرجو أن تنال أستحسانكم وفــــــــــــــــــه العبـــــــــــــــاس ــــــــــــــــــــــــــــــــــــــــــــــــــ ــــــــــــــــــــــــــ وفه العباس لحسين السبط زايد == على كل الوفه للناس لو يجمع وعد أنطه لعد أم البنين أمه == أخوه أحسين ميعوفه ولا يهجع أذا شافه عليه أهموم بي حاطت == يظل يمه يداوي أجروح ما يهلع وعد أنطه لعد حيدر أبو فاضل == يباري أخته العقيله للوعد منبع أبو فاضل أبو الطيبات وبجوده == سكه العطشه عيال أحسين ما يجزع أبو فاضل رفع راية نصر تعله == على ضعن العقيله من مشه يتبع ولا عاف الضعن ساعه يهديهه == أذا مر الالم بيهه الوفه يشرع أبو فاضل جمع كل أخوته أو كلهم == أذا صار الزحف أحنه الذي نطلع صعد صوته يحشمهم يبث بيهم == عزم منه بده يعله بدر يسطع عقيلتهم وصلهه الصوت هداهه == عزم عباس فرحهه الرعب يدفع أجه العباس يم أخته أو مسح منهه == دموع العين من نزلت غصب تلسع كلب عباس ما يكدر يصد ليهه == دمع أخته الجره بيه الالم يزرع يكلهه الكوم أفنيهه وخليهه == تتيه كل درب للمعركه تخضع يزينب ما يظل عندج ولا ظامي == مادام النفس بيه يظل يرجع وعد جان أو مشه أينفذه أخو زينب == لعد نهر الحزن يمشي غده أسرع غده يسكي الحرم مرات ما يتعب == يشوف أطفال ألهه أمن العطش مدمع ومن أبن النبي وحده بكه أينادي == سمع صوته يكله ياشهم أفزع لهاي العايله أسكي الظمه البيهه == أخذ جوده أو مشه للمشرعه يزرع رعب عدهم يدمرهم ولا بيهم == بكه واحد يواجه هالبطل يصرع ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ مع تحيات شاعر أهل البيت / جابر النجفي |
|
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|