|
|
 |
 |
 |
|||||||||
|
|||||||||||
 |
 |
 |
|||||||||
| خيمة أبو الفضل العباس (ع) [إستراحة الأعضاء] خاص بأعضاء المنتدى وأخبارهم؛ إستراحه الأعضاء للتعاون والتعارف فيما بينهم |
|
|
أدوات الموضوع | انواع عرض الموضوع |
10-03-2014, 11:03 AM
|
رقم المشاركة : 1 |
تسجيل لذكريات قديمة .. 4 سنوات مضت, كنّا هنا!
السلام عليكم ورحمة الله وبركاته .. أتمنى أن يكون الجميع بخييير ... إذا تبون الصراحة أنا الحين أكتب هالكلمات وأنا مو عارف شبي أقول بالضبط .. الموقف أصعب من أن الواحد يلملم كلماته ويصفها ويرتبها ويكتبها ! الموقف أقدر أشبهه باللي غاب عن أهله سنين طويلة وفجأة رجع ...!! [تشتت] ... أتوقع هذي أقرب كلمة ممكن توصف الوضع ... قبل 4 سنوات كان العالم مختلف حيييل عن الحين, الحياة كانت بسيطة وحلوة وهادئة ... لا! أنا ما أتكلم عن 30 سنة ورا .. ومو قاعد أتذكر أيام لول مثل ما يتذكروها عيايزنا وأبهاتنا ... ايه! أنا اتكلم عن 4 سنوات ورا بس! لأن في هالأربع سنوات الأمور تغيرت وايد ... طاحت دول, وقامت دول, الناس عرفت الفيس بوك وتويتر, صار النت مو زي قبل تدشه عشان تفرفر في المنتديات, تشوف شالجديد, تتفاعل, يعجبك شي تروح تشارك به في المنتدى اللي دايمًا تتردد عليه ... في هالأربع سنوات انهجرت المنتديات تقريبًا وصارت الناس في تيلفوناتها ومع المواقع الإجتماعية, صار ما همها إلا تنتقد وتبدي انزعاجها وصراعات وأشياء ما كنا نعرفها قبل .. اوكي, يمكن مبالغة أني أصور ذاك الوقت (قبل أربع سنوات) بأنه جنة وردية, ويمكن كل هالسوالف كانت موجودة, لكنها كانت أقل... أقل بوايد ...! أقل لدرجة تعتبر جنة مقابل هالوقت ذا ... هذي كانت الأوضاع عمومًا بين قبل والحين ... لكن إذا يينا بنتكلم عن منتديات أبو الفضل العباس ... منتديات أبو الفضل العباس كان منتدى جمع مجموعة كبيرة مثل وكان بالنسبة لها - مثل ما قلت فوق- المنتدى اللي تتردد عليه أكثر شي وتتفاعل فيه أكثر شي ... هالمنتدى بالذات جمع أعضاء في دائرة أوسع وأعمق بوايد من مسألة حط مواضيع وردود وبس .. خلانا أخوان وأصدقاء, تفاعلينا ويا بعض بكل ود ومحبة ... كان المنتدى جزء من أيامنا ذيك الحزة ومسيطر على جزء من أوقاتنا ... كنا نحرص نتبادل التهاني والتبريكات في الأعياد والمناسبات وغيرها ونتذكر بعض مثل ما كل واحد يتذكر أخوانه وأهله ويحرص على أنه يوافيهم بالواجب ... لكن ... صدق من قال "دوام الحال من المحال" ... لأن الأمور مستحيل تبقى على ماهي عليه, وإذا احنا نتكلم عن حال راح ومضى من 4 سنوات, بعد, ماندري شلون بتصير الدنيا بعد 4 سنوات .. لذلك في هالموقف ذا, ومع هالسيل الكبير من الأمور الجميلة اللي تتوارد والذكريات الحلوة اللي عشناها ... ما نقدر إلا نبتسم ... ونتمنى كل خير حق كل النفوس الطيبة اللي كانت هني ... وفي النهاية, يمكن تشوف كل هالكلام اللي فوق خربطة وحشي ماله معنى ... وهذا يمكن كله صحيح وتفسره الكلمة اللي وصفيت بها الحال في أول الكلام [تشتت] .. لكن بعد متأكد أن كل من عاش ذيك الفترة وعرفها, بيوصله كلامي, وبيعرف معنى كل كلمة قلتها ... وقبل أختم حديثي, كل فترة وفترة أدش المنتدى بشكل عابر جدًا, وفي كل مرة تخيب توقعاتي بأن المنتدى تسكّر لأن الأساب كنت أقول أنها موجودة, لكن مع ذلك المنتدى موجود وبعده فيه قدر جميل من التفاعل والحركة, والشكر طبعًا للأعضاء الناشطين حاليا وبالأخص الأخ الأستاذ العزيز أبو حيدر, هو اللي اهتم في هالمنتدى وكأنه بيته .. أتمنى أن يكون الجميع بخير ... وتحية لكل عضو في هذا [المنتدى الجميل] أو بمعنى أدق [البيت الجميل]  . . . . . |
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
العرض الشجري