|
|
03-05-2009, 09:24 AM
|
رقم المشاركة : 1 |
!!!!!!!!
 سلام مني لكم تحيه هذي القصه كتبتها من زمان بس كنت متردده كثير اني اعرضها اولا بس قلت اجرب واشوف لأني تقريبا اول مرة اعرض قصة واقعيه دائما اعرض قصص فكاهية راح اكتب لكم بدايتها واذا عجبتكم كملتها واذا مالقيت اي تشجيع راح تبقى عالورق وعذروني كتبتها في مدونتي وماشفت تفاعل قلت خل اسمع نصيحه اخوي فارس الابداع واحطها في منتدى القصص عشان يقراها اكبر عدد من الاعضاء . راح اكتبها باللغه العامه اسهل هي عباره عن احداث ممكن تصير لي او لك او لها احداث صارت لاحد من الناس وانا جمعتها في قصه وحده واحترت في تسميتها ( سأبقي التسميه للنهايه ) راح اتكلم اليوم عن عائلة بومحمد وهم عائلة من الطبقه المخمليه يعيشون بالشرقيه عيشه مترفه بسبب وظيفة ابو محمد المرموقة في احد الشركات الكبيره هي عائله صغيره وكل افرادها ماشاء الله ناجحين بدراستهم وبتفوق تتكون من : بومحمد وهو رجل اربعيني جامعي مثقف عصامي بنى نفسه بنفسه اب طيب وحنون وانسان ملتزم اخلاقيا ويحب عياله بشكل جنوني تملكي تجتمع فيه تناقضات غريبه احيانا . ام محمد هي ربة منزل حنون وزوجة محبة جامعيه امتهنت التدريس فتره من الوقت بعدين فضلت انها تجلس بالبيت تربي عيالها الابن الكبير محمد السنه رابع كليه البترول ولد حبوب وطيب متربي احسن تربيه هاديء للغايه شهد دلوعة العيله وحبيبة ابوها حييييييييل البنت الوحيده المدلله في هذا البيت لكن هالدلال ماخربها وخلاها تصير مغروره بالعكس هي متواضعه جدا وكل من يشوفها لازم يحبها وهي السنة آخر سنة لها بمعهد الاداره فهد وسعد هذولي آخر العنقود التوأم في ثاني ثانوي مشاغبين جدا لكنهم طيبين وحبوبين ان شاء الله راح نتكلم عن كل شخصية في وقت ثاني بتفصيل اكثر ام محمد: يلا ياعيال الغدا جاهز . العيال جاو ركض اربعتهم وسووا هجوم على السفره بو محمد: شوي شوي لاتطيحون كل هذا جوع ياعيالي ههههههه شهد: لايبا ياحبيبي كل هذا جوع لك ننتظر متى يجي وقت الغدا عشان نجلس معاك ونسولف الله يسلمك بومحمد: اممممم يعني اعتبر هذا مدح؟؟ ولا شرايكم ياعيال موافقينها على كلامها؟؟ سعد: ابسلوتلي بابا 100% بعد هذي شهودة مانقدر نخالفها بالراي . بومحمد: الله لايحرمني من هالجمعه الحلوة ياعيالي تفضلوا سموا . بسم الله الرحمن الرحيم بومحمد: كيف كان يومكم ياعيالي ان شاء الله كان يوم طيب ؟ ام محمد: انت اول قول لنا يانظر عيني . شهد: احم احم ام محمد: تليقفت عاد شريكتي الكل ضحك بومحمد: انا بخير يامال العافيه دامك بخير . والله اليوم اشتغلنا شغل عدل الحمدلله على كل حال وانتي ياام حمود شسويتي اليوم ؟ ام محمد :عقب ماطلعتوا طلعت الحديقه اتمشى كان بروح الكورنيش لكني هونت قلت اسوي رياضتي بالبيت بعدين تصفحت لي كتاب من المكتبه تالي رحت جهزت الغدا وصليت الظهر وبعدين جيتوا بالسلامه لي ياحبايبي . شهد: هههههههه انا اليوم يبا كان بروح فيها بو محمد: سلامات شنو صار؟؟ شهد: نزلت من السياره الا هالهندي الرجه كان يمشي بسرعه وانا اقول له وقف وقف وهو يقول ايس فيه ماما ّ؟؟ سكرت على عباتي وقام يجرني زين ماطحت على وجهي ام محمد: يما بنتي سلامتك ماتشوفين شر بومحمد: انتبهي مرة ثانية طلعي عباتك كلها وانا لي كلام ثاني مع اسحاق . بومحمد: شفيك ساكت يامحمد؟؟ ماقلت لنا شسويت اليوم؟؟ محمد: ها يبا لا ولا شي ماسويت شي رحت الجامعه في زحمة السير ودرست ورجعت لكم بالسلامة . فهد وسعد: يبا احنا اليوم مفتوح يعني لعبنا لعب لين قلنا بس يعني لو نقول لك شسوينا ماراح نسكت لبكره هههههههه استانسنا حيل اليوم ليت الليالي كل ابوها مفتوحي هههههههههه الحمدلله رب العالمين عليكم بالعافيه ياعيالي ام محمد: شرايك يابو محمد نروح بكره الشاليه نغير جو ونجمع الاهل معانا . بو محمد: فكره حلوه حيل اتصلي فيهم ولاتخلين احد يعتذر العيال بصوت واحد : ونااااااااااسه تحياتي |
|
|
|
|
|
03-05-2009, 02:43 PM
|
رقم المشاركة : 2 |
|
|
|
|
|
|
|
03-07-2009, 01:52 AM
|
رقم المشاركة : 4 |
|
الله شكلها حلووه يلا نزلي الجزء الي بعده ونعطيك راينا مشكوره يالغلا ع الطرح الحلوو الله يعطيك الف عافيه تحياتـــي |
|
|
|
|
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
العرض العادي
