|
|||||||||||
|
أدوات الموضوع | تقييم الموضوع | انواع عرض الموضوع |
01-19-2008, 10:56 PM | رقم المشاركة : 1 |
العــــــــــــــــــــــــــــــــــراقــــــــــ ــــــــــــــــــــ
ويضيعونك عجيب وانتة مثل الريح *** وين بيا مكان اتضيع يلكونك مشوك بدرب ما مات جدمك بيه *** وحتى اتضيع كلش شدو اعيونك وغشو عينك وايدك مزنجلة ومجتوف *** تهد هدة اسد لو ناس ينخونك يل المغفي الجمر منقلة وبيك اتنام *** وهمة رماد موكة ما يجوونك اذا ظaك طلعته وظل وراك ايحوم *** ابد لتخاف منهم ما يظلمونك عاشرنة التعب والاه والحرمان *** كلها لخاطرك ولخاطر اعيونك صرنالك جسر للنجم عبرناك *** وصغنة من الحزن ضحكات لعيونك تعلكنة قطع سودة وعليها ارواح *** ما جنة قطع لا كحله لعيونك يردونك صبخ والملح ياكل بيك *** ويردونك تبور وما يزرعونك ويردونك تجف والماي يطلب ماي *** ويردونك تنام وما يندهونك ما يدرون عركك بالارض ميموت *** ترد تحيه وتعيش شما يكطعونك ذاك حسين حي وصير انتة مثل حسين *** بالشدة الخريطة اتصير ميمونك يااااا مدري شوصفك شرد اكولن بيك *** عراق والعمر ما يسوة من دونك ليلى انتة صرت والمثل ما ينقاس *** وشعبك من محبتك صار مجنونك |
|
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|