|
|
 |
 |
 |
|||||||||
|
|||||||||||
 |
 |
 |
|||||||||
| منتدى الحياة الزوجية [القسم للمتزوجين فقط] طريقة التعامل بين الزوجين؛ نصائح للحياة الزوجية |
|
|
أدوات الموضوع | انواع عرض الموضوع |
08-07-2009, 07:15 AM
|
رقم المشاركة : 1 |
رسالة بحراني حق خطيبته .. تجنن وحلوة في نفس الوقت
رسالة بحراني وانا وحدة منهم ايي علينا وعلى لهجتنا تجنن . . اليك يا حبيبتي أخيراً يا خلف جبدي ،،، ما بغينا نلتقي ونشوف بعض ،،،، تصدقين عاد ، أنا كل هالوقت،،، أعد الفواني والايام ،،، نوبه أقول خلاص مافيه أمل نقعد إيا بعض ،،، ونوبه أصبر روحي ،،، لكن كلما بققت عوايني في النجوم ،،، أقعد أبحلق في نجمة سهيل ،،، وأتخيلش مكانها ،،، وأقول في نفسي ،،، حامض على بوزي أوصل إليها وانا عطالي ،،، حتى فيه مره من المرات طافت كم غيمه على سطحنا ،،، وقلت في قلبي جان زين لو توديني عد بيتكم ،،، آه مصعب الانتظار ،،، يملّل ويبط القلب ،،، جبدي معلولة يابعدها ،،، وما يداوي علتها غيرش ياخلف أبويي ،،، والحين الحمد لله يوم اشتغلت ،،، وخلاص قربت تخلص الشقه اللي في الملحق مال بيتنا أبا أسويها أحلى شقه في الديرة ،،، باحط لش فيها كرفايه تجنن ،،، وباحط لينا في مجلس النسوان دواشق ومساند من النوع الليّن،،، وباشتري اليش قز أبو خمس شولات ،،، حق تقدرين تقلين آلو وتسوين سمبوسه في وقت واحد ،،، وباشتري مسجل أبو شريطين ،،، حق إذا جبت شريط من عد واحد من الصبيان وعجبش ،،، أسجله ليش ،،، ونسيت أقولش ،،، ان الصبغ باسوي فيه تشكيلات غير شكل ،،، يعني تقدري تقولي مفلات شبكة العنكبوت ،،، وفيه مستطيلات بعد ،،، حق اذا جو لش خواتش ... ينقهرون من رجالهم ليش ماسووا ليهم مفلنا ،،، والا عاد الستاير اللي باركبهم ،،، كشخه لحد دينهم ،،، تعرفين شكل خيشة العيش جيفه ،،، مفلها بس مطرزه بورد أصفر وأخضر،،، مفلات فوب الحفله الا باجيبه لش ،،، وترى عادي قولي اذا تبغين أسوي فيها أي حركات زيادة ،،،، يمكن أنسى شي لو شي ،،،، ،،،، أيه ويش بعد ،،،، المهم ما أبا أطول عليش في رسالتي،،، بس لاتنسين غناتي تعطيني شوي من مهرش ،،، حق نخلص شقتنا بسرعه ،،، والا مافيه عرس الا بعد خمس سنين على هالحاله وعلى راسي اهل البحرين اهلي وبلدي الثاني واعتز اني جزء منهم حتى لو ماكنت منهم يكفي وجودي في منتداهم الطاهر الذي هو منتدى السيد الطاهر والامام الجليل قمر بني هاشم ابو الفضل العباس روحي فدهم اجمعين تحياتي لكم اختكم وخادمتكم في الله واهل البيت ع متيمة ابو الحسنين ع للامانة منقول من ايميلي |
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
العرض الشجري