|
|||||||||||
منتدى الشعر وهمس القوافي الشعر المتميز؛ الشعر الحسيني |
|
أدوات الموضوع | انواع عرض الموضوع |
01-12-2013, 04:20 PM | رقم المشاركة : 1 |
شاعر يخاطب دينه
شاعر يخاطب دينه يادين الهدايــــــــــــــه الوعه كل النــــــاس *** يشع نور الحسين بنور افكارك يديني اوياك احجي واطلب الغفران *** دماك اتـــــسيل ليش وكثرو اضرارك من يوم الطفوف وقبله جم امصاب *** تره مومــــــــاي دم وتجـــــري انهارك لوما حسين اقسملك يديني تموت *** وتتلاشه الفضـــــــــيله وتنتــــــهي اّثارك حسين اللي رفض ما صافح العفنين ***وجان اول رفـــــــض بوجوه اشرارك سبط المصطفه القدم اعز قربان *** ثبت بالدمــــــــه يــــــاديني اســـــــوارك من شافك يديني اتحاصرك الانذال *** انتفض صوته برجوله ينادي انصارك وصية المصطفه بيــــــــــده وتهل ادموع *** وتشع من الوصيه تلالي انوارك يكله لو شفت دينك ينادي الغوث *** هب اعلـــــــــــــــه العده يحسين بأيثارك ويكله لوشفت منكر علا المعروف *** خل يحصد حصــــــــد بالروس بتارك قرائنك يديني اتجسد اويه حسين *** والايات كلهه بشخصـــــــــــــه تتبارك بــــــــــس سبعين جمّع مثلو الايمان *** كشــــــــــفو كل خفي وعلوه المقدارك وضدهم جم طليق وجم نذل ملعون *** ألاف اجمـــــــــــــــــعت ياديني كفارك ميدانك يديني اتحــــــــول القسمين *** الاول مثلك والثــــــــــــــــــــاني فجارك الاول بالفصاحه والعلم مشهور *** والثاني برذيله وجـــــــــــــــــــــور تتشارك ولوما حسين ثار وصاح هيهات *** جا كلهه بمـــــــــــــــــذله عاشت احرارك يديني اشلون نحسبهه الاميه اسلام *** وهمو الفجرو بركــــــــــــــان اخطارك يردون السور وايات كلهه اطــــيح *** وتظـــــــــل نوح وحزن يــسلام اقدارك ويردون الشرع تاريخه كله ايضيع *** وتســــــــــــــايرهم جبر وتبدل اطوارك يادين العداله الاســــــــــسه المختار *** شو طـــــــاحو ذبح اولاد مختـــــــارك يادين القيم عالشــــــــــيعه وجو نار *** لان نادو حســـــــــين وعرفو اسرارك وجي لنك كريم وتزرع الطــــــيبات *** عن وعي وعقيده الشـــــــيعه تختارك ويردوك النواصب تنسه كل ما صار *** وتظل طول الوكت مكصوصه اكتارك يردون الجـــــــــدم منك تزل يسلام *** ولبو الحسنين غصبا تعلن انكــــــارك يدين المصمطــــــــفه جم دوب تنزف دم *** وسجاجين الغدر تستنكي اخيارك من يانوع صـــــــبرك كلي يمته اتثور *** مو كسرو ضلوعك واحركو دارك يادين النبي يردونه ننـــــــسه حسين *** ونعوف المرتضه الضرغام كرارك ماننسه الحماك بساعة الشدات *** وانته اللي وهبتــــــــــــــه باّيه فقارك وتظل تجري دمانه الخاطرك يحسين *** ويظل خالد ابد يحسين تذكارك حتى لو صبح حبك جمر من نار *** تصيح اشاه كلـــــهه ادمانه يم نارك يردونك يديني للابد متشــــــــوف** وعله كل اليصـــــير اتغمض انظارك كلي شتنتظ يبن الحسن متكوم *** موطاحو ذبـــــــــــــح يالمهدي زوارك اعذرني سيدي يبن الرسول ارجوك *** ترانه بشوك ننطر بزغة انهارك يمته سيدي تشعل فتيل الثار *** ويمته تنــــــــــــــــــسمع اصوات ثوارك مو كثره الورد مات وذبل قداح *** يمته تهل علينه وتهـــــــــطل امطارك |
|
|
01-12-2013, 08:33 PM | رقم المشاركة : 2 |
رد: شاعر يخاطب دينه
تحياتي وودي لكم |
|
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|