موقف اصحاب الحسين

[الشاعر ابو لقاء البهادلي]

احنهاصحابك يابواليمه***** بدمانه موقعين
طلكنه الدنيه ومابيهه****** من اجلك يحسين
لو نتكطع *****فلا نخضع *****من اجلك يحسين
********************
حبك سكن وسط الدمه***** وبالكلب عندك صوره
نسحك عله خشوم العده***** والروح الك منــذوره
رايات باسمك رفرفن***** وباسمك تظل منصوره
كل واحد وياك ارتبط***** واليـحب يوفي انذوره
نضحيلك كل كطره بدمنه***** وما نخشه الطعنات
كلنه بصوت الهمه انادي***** من الذل هيهـــــــــــات
لاما نركع***** فلا نخضع***** من اجلك يحسين
********************
منهاج للحق والعدل***** وانته الشرف والغيره
دستور انته للفضل***** مومن سهـــــــل تغيره
القران خالقنه انزله***** وانته اصبحت تفسيره
ترخص الك روح ودمه****ولنشوف عندك حيره
نفس الهمه ونفس الكلمه***** كل احنه بفد صوت
منهاب من جيوش الفاسق***** ميخوفنه المـــوت
لو نتصدع***** فلا نخضع***** من اجلك يحسين
**************
بالدنيه ما عدنه طمع *****ما نرغب بدنيانه
تعاهدنه وياك بعهد*****واتوقع من دمانــــــه
عنك ابـــــد ما نبتعد*****بالروح انته ويانــه
انته الذي بيوم الوعد***** بالحشــــر تتلكانـه
عفنه التفكير بهـالدنيه***** بحسين التفكيــــــــــر
بها لموقف شفناهه الجنه***** وميهمنه شميصير
شمانتلوع*****فلا نخضع ***** من اجلك يحسين
**********************
عفنه الاهل عفنه الولد***** حبك ابد منعوفـــه
منهاب من ابن الدعي***** ما نخشه من اسيوفه
بغيرتنه وبنهج الوصي***** بيهه نذل صفوفــه
شفناهه دار الاخره***** بعلم البصيره نشوفـــه
نصرخ ضد الباطل صرخه *****ونذل العدوان
ونصبح عبره الكل العالم***** تتحده الطغيان
لامرك نسمع**** فلانخضع**** من اجلك يحسين
************
ندري الاجل يومه اقترب***** شفنه بعلم ساعاته
والباري بمحبتك فتح ***** يا سيدي جنـــــــــــاته
باجر نطب الموزمه***** بصولة علي وكراتـــــه
وبالسيف نكتبلك شعر***** غيره اوفه ومضاتــــه
تشهد يم الزهره ادمانه***** وتشهد للاطــــــــــهار
خيرة الاصحاب احنه اصبحنه **** بالحب والايثار
شما تجمع *****فلا نخضع***** من اجلك يحسين

****************

[خادمة رقية]

احسنتم اخي الابيات جميلة جدا في ميزان اعمالك

تحياتي وودي لكم