قصيدة كعده**استشهاد النبي

[الشاعر ابو لقاء البهادلي]

قصيده منبريه**كعده**

　
باحزان باحزان*** الليله العتره باحزان
الهادي ودع الليله*** الزهره ادموم تبجيله
الليله العتره باحزان
*******************
بعده ما ودع نبينه*** جهز الجيش الاسامه
عنده غايه بامره هذا*** بامره مرسومه العلامه
بيهه مفتاح القضيه ***ويحوي اسرار الامامه
الهادي صدر هالامر**من الجيش لو واحد يفر**هاذي معناهه كفر
ويخسر بيوم القيامه
الاقوال الاقوال *****منعو كل الاقــــــــــــــوال
همهم بس كراسيهم *****ماواحد حزن بيهم
الليله العتره باحزان
************************
الباري انقذنه بنبينه *** وانتهه وكت الجهالـــــــــه
بصبره واخلاقه العظيمه*** حطمت ركن الظلالــه
بعلمه وبسيفه الوصيه*** اتثبتن اركان الرسالــــه
تلي تهموه ايهجر**اهل النفاق اويه الكفر**مالوم ودع هالعمر
وصه بالقران واله
تهموه تهموه *****ناس ايهجر تهموه
الهادي هالحجي ايسمعه *****وبيه اتأذت البضعه
الليله العتره باحزان
*********************
من كبل مودع اهله *** وصه حيدر هالوصيه
ياعلي تصبر يكله *** لو يكسرون الزجيــــــــه
تحمل وتكتم شجونك*** من تمر بيهه المنيــه
والعتره يسبوهه سبي**جنهم ولا جدهم نبي**والصبر يبقه مطلبي
شماتشوفون من اذيه
العيون العيون****** ظلت تدمي العيون
الزهره تنوح وتنادي**** وسفه ايودع الهادي
الليله العتره بحزان
*********************
ادري من بعدي يحيدر*** حالتك حالـــه رهيبـــه
انه هالليله اودعـــك *** وتصبر انته بهالمصيبه
وبعدك اولادي يخويه *** وعترتي تصبح غريبـــه
هالقصه كلش مؤلمه** اولهه واخرهه دمه ** تبتدي من فاطمه
والمضه محد يجيبه
مجروح مجروح***** عليهم كلبي مجروح
بالغربه يظلون *****كلهم جتل يرحون
الليله العتره باحزان
*****************************
انته تدفني يحيدر*** وتستلم امر الامامـــــــــه
ذمه هالدين بركبتك*** وبعدك اولادي النشامـه
وتدري ياحيدر بأميه*** هالغدر عدهم علامـــــه
تشوف الام ومحن**يحاربوك اهل الفتن** بالصبر يابه الحسن
يلكه هالدين السلامـه
هالدين هالدين***** بذمتك ياعلي الدين
انتو الذي تحموه *****بدماكم تصونــــوه
الليله العتره باحزان

************************************************** ***

[خادمة رقية]

احسنتم اخي الابيات جميلة جدا في ميزان اعمالك

تحياتي وودي لكم