|
|
01-13-2013, 11:23 AM
|
رقم المشاركة : 1 |
ام البنين
ام البنين بالغيره نسب ام البنين يفوح *** واشراف العـــرب كلهم يعــــــــــــــرفونه اصل نخوه وشهامه وبالبخت موصوف*** والاصل الكريم النـــاس يردونه اختاره المرتضه جي ينضح الطيبات *** ويعلم بأختياره وشنهي مضمونه اختار الكربله من أم البنين افحول ***سند لحسين لو قل الينــــــــــصرونه راد ســيوف منهه تصول بالميدان *** والميدان يرجف لو يطـــــــــــبونه اختار ام البنــــــــين الغايه والاسباب *** لان منهه الكفيل اليسري بضعونه وقبل طبت الكريـــــــــــمه المنزل الكرار*** رادت هالاسم الاطهار ينسونه كالتله طلب عندي يبـــــــــــــو الحسنين*** اريد اسمي كبل طبتي تغيرونه لان هذا الاسم بس للبتول يلوك *** وانوار الاســــــــــــم والامه مخزونه حيدر رد عليهه وراد منهه اسباب *** وكللهه الاســـــــــم ناسي اليحبونه كالت بالاسم تتجدد الاحزان *** واسمهه اســــــــــرار وسط حروفه مكنونه اخاف اعله الحسن لو يسمع بطرواه *** واحزن لو اشــــوف الدمعه بعيونه ويتذكر ضلعـهه وسطرة الظلام *** ويعيدونه الجــــــــــــــرح كلما يذكرونه واخاف اعله الحسين تذوب منه الروح *** من يسمع بأسمه هنا يذكرونه ويتذكر اخوه الطاح خلف الباب *** بين الباب والحـــــــــــايط يعصرونه واخاف اعله العقيله من الهضم والنوح *** لو سمعت اسم امهه ينطقونه عله اعيالك اخافن ياعلي الكرار *** اسم الوالده صعبــــــــــــه يسمعونه واني بهالاسم محتاره يابو حسين *** كلما يلفظ كلبـــــــــــــي يهضمونه مصاب الزهره ياحيدر يهد الحيل *** وبأ سمي امصابهه والله يعــــيدونه لقب ام البنين اختاره حامي الجار *** وخلفتله البنين اللي يطــــــــيعونه وشافت جم مصاب وضاكت الاهات *** ابتدت بمصاب دم حيدر يهدرونه بالمحراب وي طرة الفجر غدروه *** وجن راس الاصيله اوياه يطبرونه وكبل ميودع الكرار دنيه الجور *** كلهه ابني الحـــــــسن بعدي يغدرونه يطيح المجتبه يم البنين بيوم *** بيد ابن الطليق سموم يســــــــــــــكونه وصاهه علي لو صار ذاكه اليوم *** سيف الثار كلــــــــــــهه لا يشهرونه واريدن من اخوته تحمل اللي صار*** وبس عبـــــاس اريدنهم يصبرونه لان عباس لو يغضب يهز الكاع *** ولو مره غضب فنـــــــــهم يمنعونه اريدن زودهم لو حان يوم الطف ***يصيرون الدرع لحســـــــــين يحمونه واوفو بالعهد اولادهه الطيبين *** وضحو للحســــــــــــــــــين بما يملكونه والعباس سطر ملحمة ابطال *** وجيوش الــــــــــــــــــعده كلهم يهابونه جن مو سيف بيده جنه ملك الموت *** تلوذ بعيد عنـــــــــه من يشوفونه وتستاهل الحره نصوغ هالاشعار *** تســــــــــتاهل شعر من دم يكتبونه لان جانت وفيه العترة المختار ** واليـــــــــــــــوفي العترته الكل يعظمونه ومثل عباس صارت للحوايج باب *** وأسمهه اصـــــبح ذخر للي يندبونه |
|
|
|
|
|
01-14-2013, 10:01 AM
|
رقم المشاركة : 2 |
|
رد: ام البنين
في ميزان اعمالك ان شاء الله اتمنا لك الموفيقة تحياتي وودي لكم |
|
|
|
|
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
العرض العادي
