|
|||||||||||
المنتدى العام من كل بحرٍ قطرة ومن كل بستان زهرة |
|
أدوات الموضوع | انواع عرض الموضوع |
10-30-2008, 04:38 AM | رقم المشاركة : 1 |
كلمات اهل لول ومعناتها
كلمات اهل لول ومعناتها ونبتدي في القاموس 1- ( عفر )= معناها مثل معنى يمكن او الظاهر يعني مثلا 2 - ( خاشوقه )= ملعقه 3 - ( صمايل )= معناها تذكرت او على فكره.. 4 - ( لغلاغة )= هذي معناتها قطرة يعني اذا كاس ماء في قطرة يسمونها بهذا الاسم 5 - ( خوش شي )= تعني شي جميل 6 - (( ابيهات ))= وقت متأخر من الصبح قبل الظهر يعني حوالي الساعه 11 7 - ( لا تطعبز)= لا تسخر 8 - ( صنيف )= هي اسفل الكتف من الخلف المنطقه القريبه من العمود الفقري9 - (فشغده)= ضفضعه أو بالفصحى ضفدعه 10 - ( سجم / كرفاية / بلنق )= معناه سرير أو الفرشة 11 - (قوصرية) = هي الي يستخدموها الجهال في التوصيخ عبارة عن مربع او شكل بيضاوي مصنوع من البلاستيك يقضي الصغير فيه حاجته 12 - ((دندقي او دندق))= طالع أو طالعي 13 - ( قمعني )= هي مثل عفسني او شمخ راسي وعفس ملابسي بعربي عفس خلقته 14 - (أدب)= اول يقولونها وهي تعني حاليا الحمام 15 - (دريشه) = الى الحين يستخدمونها بس مو كثر اول وهي النافذه 16 - (بيبسور)= وهي حاليا البالوعه 17 - (دوشق )= يعني المنام 18 - ( كالوش )= الله يكرم القاريء الجوتي من قبل أجدادنا كانوا يسمونه كذا 19 - ( جندوب )= جبل او اي شي كبير او كنز مثلا اذا قال واحد يبغى فلوس نقول ليهم وين اجيب لك جيه جندوب 20 - ( لاله )= اهلنا واجدادنا لوليين كانوا يستخدموا فوانيس وشموع هذي لاله نوع من انواع الفوانيس بس صنع يدوي 21 - ( دندق )= طالع او طالعي 22 - (شحاطه)= وهي الحذاء حاليا وبالعاميه نعال البيت او اللي يلبسونه الاطفال.. 23 - (عسو)= واقصد الاول اللي مصنوع من النخله ويخموا او ينظفوا به المكان 24 - ( زيـلـج )= سطل الماي 25 - ( بلكت )= يمكن او في بنفس معنى عفر 26 - (كفير أو جفير )= واجد أو كثير 27 - ( مله او ملاله ) =هي حاجه مثل الحافظه حاليا يحطون فيها اي شي يبون يحفظونه ويعلقونه فوق ويتكون من ثلاث حاجات يرفعوهم 28 - ( مسخنه )= هي اللي كانوا يحطون فيها الماي على شان يبرد جره يعني لكن فيها عروه وحدة والشربه فيها ثلاث عروات 29 - ( أويا ) = هي التطريزة البيضاء اللي تحت في المريول ويسموها الحين شلش تجي على شكل زخرفه 30 - ( كاروكه ) = سرير صغير اول ينام عليه الطفل والاسم الثاني لها منز 31 - (الطوف) = وهي عباره عن السور اللي يحيط بالبيت واسمه حاليا الجدار 32 - (صمنديكَه)= كلمة تدل على الغباء او الهباله يعني شخص هتلي ماله داعي في الحياة حاله حال الخشبه 33- ( وايقي )= على ما أعتقد يعني طالعي 34 - ( سلسول )= يعني شي متتابع مثل اذا بغينا نقول سلسول ناس يعني ناس واجد ورى بعض 35 - ( ميمجه )= الصحن الصغير 36 - (شنجاله )= يعني شوكه اللي ياكلوا بها 37 - ( دختر )= يعني دكتور والطبيب 38 - (تسحج)= يعني تمشط شعرها وتسرحه 39 - (يضكر أو يضجر )= معناها يتذكر 40 - (تصدير )= معناها القصدير المستخدم في تغليف الاكل 41 - (زلاطه )= سلطه خضار مقطعه ما غيرها 42 - (السبيتر )= معناها المستشفى 43 - ( حجمه )= تعني ربطة حبال يعني بقولوا باأربطك بحجمه 44 - ( غدان )= مدة تصنع من الخوص يجلسوا عليها ويناموا عليها 45 - ( لووب )= يدور يعني جاهل يلعب ويروح ويجي نقول له خلاص لا تقعد تلووب 46 - ( شنك أو يتشنك )= يعني واحد متزكم وجالس يتشنكَ 47 - ( على غناطيري )= على عمري او اذا عور بفاده 48 - (تيكلي)= يعني غوري الي يسخنون به الماء حق شاي او حليب 49 - ( خنه )= عطر 50 - ( اقحم )= اقفل 51 - (امزبن)= يعني يخش مثلا هذا امزبن لي أكل يعني خاش لي اكل52 - ( زقريت )= يعني قصدير 53 - ( امصيفات )= توأم 54 - ( شريعه ) = يعني مفتوح على مصراعيه مثلا البيت شريعه يعني مفتوح أو مثلا نقول شرعي الباب يعني افتحيه.. 55 - (طنطل)= يعني طويل 56 - ( دست )= ومعناها الضرب المبرح او التشليخ زي ما نقول.. 57 - (مالي كار)= يعني ماليي شغل ومالي دخل في احد ومو مسؤوليتي 58 - ( جخه )= معناتها كشخه 59 - ( مسحات) = هي اله يستخدمها النخلاوي مثل المنجل لسحت الخوص 60 - (تريك)= فانوس او دافور تصير فيه حديده على فوق وفي نهايته قطعة خلق وتولع 61 - ( همياان )= يعني مو على بعضك او اليوم مثلا مو طبيعي أو معناها افادي ههههه قديمه دي بعد يعني نفسي في شي أو خاطري فيه.. 62 - (صنجة)= هدي زي السبه مالت عليك وعلى سنجتك 63 - ( عرشه )نوع من انواع الذهب 64 - ( ضُاو )= وهي كلمة معناها النار . وتسخدم أحياناً في دعاوي أهل لول على بعضهم البعض ولكن ليس بقصد المعنى و أنما بعنى المجاز . مثل ضاو اتهلب فيك ......... 65 - (دبة اقحوف )= يعني جوز الهند 66 - (صنجة)= معناها سبة 67 - (جازت )= عجبني مثلا هذا الموضوع جاز ليي يعني عجبني (غبنة) = معنتها لحضة صمت وحيرة لا ارادية تعجز فيها عن فعل اي شيء وبعربي ( كتمت) = وهي نفس الشيء (اعسم) = اي اتوقع انها الي يستخدم اليد اليسار في الاكل والكتابه ( انهيلي ) = دوشق او منام مصنوع من قطن يناموا عليه ( اعسم ) = يعني يستخدم اليد اليسار ( هيس ) = معنها شيطان او مرجوج ( جحلة ) = يعني الجرة اللي يحطوا فيها الماي ( قناد ) = يعني(الهيل) صح اللي يحطونه في القهوه والى الحين نسميه قناد ( شمطوط ) = يعني الشي الضعيف مره ونطلقه على الخيط الضعيف او الشي البالي والقديم نقول عنه شمطوط.. ( رضمه ) = يعني الشي الكبير آخر تعديل أملي في الحياه يوم 10-30-2008 في 04:43 AM.
|
|
|
10-30-2008, 05:31 AM | رقم المشاركة : 2 |
لاعدمناك |
|
|
10-30-2008, 11:27 AM | رقم المشاركة : 3 |
الله يعطيك العافيه |
|
|
10-30-2008, 10:10 PM | رقم المشاركة : 4 |
يمكن انتي مو من الاحساء ولا الكلمات ذي قديمه بقوه شكرا |
|
|
10-31-2008, 01:42 AM | رقم المشاركة : 5 |
يسلمووو خيتووو حركاتااااااااااات تحيااااتي |
|
|
10-31-2008, 11:24 AM | رقم المشاركة : 6 |
يعني تقريباا 4 كلماااات ويسلموووووو على الطرح الرائع ولا عدمنااا جديدك وتقبلي مروري |
|
|
10-31-2008, 03:54 PM | رقم المشاركة : 7 |
[/align] |
|
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|