|
|
 |
 |
 |
|||||||||
|
|||||||||||
 |
 |
 |
|||||||||
| منتدى عذب الكلام والخواطر الأحاسيس والخواطر الأدبية |
|
|
أدوات الموضوع | انواع عرض الموضوع |
06-30-2011, 09:06 AM
|
رقم المشاركة : 1 |
ايكولون باجر شمس! الشاعر حسين الساعدي
ايكَولون باجر شمس تطلع على الديره ويمر قطار العرس ياخذ نواطيره ونتعلم البسمات ونودع الدمعات ويروح ضيم الأمس هوَ وتصاويره ايكَولون باجر شمس تطلع على الديره ----- وين الله ننسه القهر ياواحة الامال من بعد ذاك الصبر تتعدل الاحوال! ياليل جيب الصدى من يصدح الموال وَصلَه ومضة أمل للعايش ابحيره ايكَولون باجر شمس تطلع على الديره ----- ماله مضيف الكرم شو دمعته ابعينه ابلا كَهوة بس الدمع تارس فناجينه! يازمن وك يازمن للماضي رد بينه الريحة اَهلنه وطن طار ابجنح طيره ايكَولون باجر شمس تطلع على الديره ----- واقع وَكِتنه وَكِح عالمنه مو عالم المظلوم من انذبح صَفكَوا للظالم والفوز للما نجح! والدمعة للفاهم! والضحكة طلعت جذب وانغشت الليره ايكَولون باجر شمس تطلع على الديره ----- ايكَولون باجر شمس تطلع على الديره ويمر قطار العرس ياخذ نواطيره بقلم حسين الساعدي |
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
العرض الشجري