الامام الحسين

[خادمة رقية]

بيش أكتب شعر وبيا قصيدة أرثيك

وانــــت القلم يسجد لو وصل لاسمك

مثلك يا وطن يكصد اله المعصوم

يم جده النبي ما طاح اجه يمـــــــك

تبجي على اليذبحك يعني انت حسين

وكرسي العرش يهتز لو نزف دمك

يا كاع التلمك وانته السبعه البيك

وكــل مصعوم كـــــوكب كلي شيلمك

ورغم ما بالحزن صاير علم للكون

وتلكه بكل أرض قاموس من رسمك

ما بيها فخر خانوك بأسم الدين

وبأسم الحسين حطوه بالعنب سمك

وين العل ورق رسمولك الاحلام

ووين الحـــــــكم حيدر كالــوا نرجعه

ووين الكال اطلعك من ظلام لليل

بس وقع بديك نصــــيرلك شمعـــــه

ليش اذكر مواقف وانت زين




انه أبن الجنوب الما يهاب الموت

وانه ابن الشمال المــــــــــا غدر ربعه

انه ابن النجف حاميها ابو السبطين

والواجب كل قيادي بنهجه يتبـــــــــعه

انه ابن الوسط يعني ابن بغداد

العلمها الحزن ما تمســـــــــح الدمعه

اذا انه اقتنع باليذبح الاطفال

موش ابن الوطن بس صاحب البدعه

باجر كلنه نوكف يم اله الكون

كلــــــي شلون تكـــــدر باجر تقنـــعه

آه شكر آهك تجوي حتى النار

يـــــا أه النبي من نكــــــثوا البعيـــه

لا تبجي بعد على راح كبل اليوم

خاف دمــــوع ماكو البــاجر تودعــه

يا يعقوب وكتك هم عماك البين

يوسف راح لـــــكن خله خــط رجعه

مهلاً لا تأيس يوسفك موجود

ومن صلب النبي ومن فاطمه البعضه

المهدي المنتظر يأخذ جميع الثار

من قابيل يبدي الاخر الطــــلعــــــــه

[حمامة الروضه]

بيش أكتب شعر وبيا قصيدة أرثيك

وانــــت القلم يسجد لو وصل لاسمك

مثلك يا وطن يكصد اله المعصوم

يم جده النبي ما طاح اجه يمـــــــك

تبجي على اليذبحك يعني انت حسين





أحسنتي ياالمواليه ...


وأجركِ على مولاتنا رقيه ..


سلمت يمناكِ وجعله الله في ميزان حسناتكِ

وهنيئاااا لمن يكتب بيتاا في آآل المختار ..


دمتي بحفظ الرحمن ..

تقبلي مروري

[خادمة رقية]

شكرا على المرور الكريم تحياتي لكم

[عبدعباس]

شكثر تحملنه اجروح من هذا الوكت مايداويه الاصاحب الرآية.
يارك الله بالصوت الحسيني الصادح جعلكم الله سبحانه من طالبي ثارات الامام الحسين عليه السلام

[خادمة رقية]

شكرا على الرد الكريم تحياتي لكم