حلم قص الشعر

[فاطمه عبدالله]

السلام عليكم

حلمت اني كنت ببيتنا (وكان شكله غير عن بيتنا بالحقيقه) وكان ابوي جنبي وقال يبي يسرح ويستشور شعري

(ومره غريبه لأن ابوي بالحقيقه له هيبه ولا مره تكلم معنا بموضوع شعر وكذا)

وجد راح استشور شعري ورتبه

وبعدها صارت عندنا عزيمه وجا كثير من اهلي وقالوا لي حساب العشاء عليك

وجات حرمة من معارف أمي قالت تبي تقص أطراف شعري

وقلت لها مابي اللي قصته لي اخر مره عجبتني قصتها ومابي أقصه

قالت لي بس أطرافه عشان يطول بسرعة

قلت لها طيب ، لكن حسيتها قصت جزء طويل من الاطراف وتضايقت كثير منها وطلعت

وقالوا لي اهلي ماتغير كثير ليش متضايقه ومو عاجبك

قلت لهم مو عاجبني والحرمه نفسها مو مرتاحه لها وغير كذا أبوي توه استشور شعري والحين من قصاصات الشعر لازم ارجع اغسل شعري وراح يخرب الاستشوار وانا ماتهنيت فيه

ورحت قلت لأمي المفروض ماتعطينها فلوس ماحد قال لها تجي تقص شعري

وأمي كانت طول الوقت ساكته

وبعدها وصل العشاء وتعشينا وكان حسابه 75 ريال وكنت ابي ادفع لكن خواتي دفعوا قبلي وقالت لي بنت خالتي خلاص باقي عليك 20 ريال ودفعتها لها

كانت حالتي النفسيه جيده وعاديه

الحلم كان الثلاثاء 24/6/1433 بعد الفجر

عمري 25 سنه وعزباء وموظفه

يعطيكم العافيه

[الاوسي الانصاري]

اختي اذا صدقت االرؤيا فهذه الرؤيا واقع مستقبلك او واقع حياتك ابوك رباك تربية خالصة وقد تعب عليك وا اوصلك الى مقام مرتاحة فيه وصاحبة عز وكرامة سوف تاتي عليكم شخص قد يكون امرأة وسوف يغير حياتك الى عكس ما قام به والدك واهلك سوف يرون حالك يتغير الى ما لا يسرهم لاكنهم سوف يسكتوب لان ما بيدهم شي اطلب منك عدم سرد التفسير الى اهلك واذا اردت اكثر توضيح واساعدك في بعض الامور التي عسى وان تستطيعي ان لا يقع هذا التغيير ايميلي موجود في التوقيع

[فاطمه عبدالله]

ياليت تقولي كيف اكون شاكره لك

[الاوسي الانصاري]

اختي نحن خدامكم ونحتاج فقط دعائكم واي شي تحتاجوه انا خادم

[فاطمه عبدالله]

بالتوفيق لك امين وادعي لك بكل خير

واكيد لك الاجر من ربك


وبصراحه ابوي ماقصر علي بتربيه وتعليم مثل ماذكرت بتفسيرك ومابي احد يخرب اللي بناه


ومن كذا خفت كثير

[الاوسي الانصاري]

انا اعرف كيف تعول اموركم لاكن عليك الحذر

[فاطمه عبدالله]

الحذر من أي ناحيه
اذا كان فيه وحده ناويه تضرني كيف اردها ؟؟؟ وشلون أعرف نيتها ؟؟
أحذر من أقارب ولا أصدقاء !!!

[الاوسي الانصاري]

هذا ما سيكشفه الزمن فعليكم الحذر والله العالم بخفايا الامور

[فاطمه عبدالله]

انا كنت متفائله بمستقبلي لكن خوفتني الحين
ومدري وش الطريقه اللي احذر فيها تعويذات صدقه ولا اترك شغلي ولا كيف؟؟
ومدري شلون احذر من شي مجهول

[الاوسي الانصاري]

لا اختي الحذر ليس معناه ان نترك اعمالنا ونترك حياتنا الطبيعة
الحذر مطلوب في جميع الاوقات
افهمي كلامي الرؤيا تحذرك يعني اذا حذرتي جيدا سوف يكون مستقبلك باهر وحلو وجميل ومرتاحة فهذه الشي لم يقع بعد يعني احري من النساء الاواتي يذكرنك او اذا احد النساء احضرت لكي مثلا خطيب او اي شي احذري منها ولا تستعجلي عليك التاني في اتخذا القر ار وهكذا مثل هذه الامور