|
|
09-14-2014, 11:35 AM
|
رقم المشاركة : 1 |
اخر اخباري ..
السلآم عليكم وَ الرحمة كيف الحآل جميعآ ..! توحشتكم كثيير وَ فقدتكم  ابي اعرف اخر اخباركم b: انا مازلت من سنة وشهر ونص ف امريكا وانا انتظر البعثة من الحكومة  وَ موقفة دراسة فترة بسبب نفسيتي السيئة وَ الحين برجع ل المعهد من جديد ! الله يعينني ع البرزنتيشن ( اكثر شي أكرررههه بحياتي و معقدني )  وللحين م صرت " مام" الله يجيب هالحيدر ولا زهيور اللي بيعلون قلبي .gif "Smiles (149)") وَ شسممه ! دعواتكم لي من صماميم قليباتكم لي وَ لزوجي ب التوفيق وَ الفرج ! |
|
|
|
|
|
09-14-2014, 11:58 AM
|
رقم المشاركة : 2 |
|
رد: اخر اخباري ..
السلام عليكم ورحمة الله وبركاته اللهم صلِ على محمد وآل محمد وعجل فرجهم الشريف أممم ^_^ أنا بعد مخطط على (حيدر) بس أم علي؛ تقول تبي راحه سنتين *_* الحمدلله؛ علاوي ولدي السنة راح الروضة؛ وصار عمره 3 سنوات.. وعباس ولدي عمره 9 شهور؛ وما شاء الله عليه منور البيت.. وانا شخصياً أفكر في هالدنيا اللي ما لها صاحب؛ أتأمل؛ أخطط؛ أسكت؛ أصمت؛ ومدوختني هالدنيا؛ كم عدد المجرمين في العالم؟ كم عدد المنافقين في العالم؟ كم عدد أصدقائي؟ وبالصراحه هالأيام صرت أحب البحر؛ لأن يجب لي راحه نفسية.. تفضلوا صور ساحل المالجية في البحرين.. والله يرزقك حيدر يا أختي كوثر؛ ويسهل أمورك الجامعية. تصدقين أحس أني في هالدنيا كأني أعيش حلم؛ أقول شلون كبرت وصار عندي عيال؛ وأمس وأول أمس كنت (بزر) منتف ^_^ يا الله الدنيا جميلة؛ بتعبها وبراحتها؛؛ والله لا يجيب الشقى والمذلة والأحزان على قلوبكم. خلكم بالقرب من بعض؛ وأتمنى بنات المنتدى أن تتواصلون مع بعض بالهاتف؛ ويكون عندكم قروب واتس آب؛ حتى تتعرفون على بعضكم أكثر أكثر. والدنيا كلش قصيرة؛؛ ويا ريت تتواصلون مع البنات الغايبين من المنتدى؛؛ وتخبروهن أن أحنا بخير وعايشين في الدنيا؛ والمنتدى شغال والحمدلله. وما راح يبند إلا إذا صار (محمد مهدي) ؛؛ أبو حيدر تحت التراب. وخدا حافظ جونم. |
|
|
|
|
09-14-2014, 12:51 PM
|
رقم المشاركة : 3 |
|
رد: اخر اخباري ..
ماشاء الله الف ماشاء الله ، الايام بسررعة تطير ، كبرو عياالك الله يحفظهم ، اول م قريت فكرتك تمزح ب عمرهم ههههههههههههههههه تونا صغار ! توك انت يابوعلي كنت خاطب وَ انا توني بالمرحلة الثانوية ' ليش نكبر ليييييش ! استغفر الله هالايام منقهرة كل ارجع للاشياء القديمة واتحسف ع الايام اللي راحت ، كنت اصحى من النوم بكشتي للكمبيوتر وهواش و طق مع اخواني ع الكمبيوتر قبل لاافتح عيوني حتى !  والحين علي " طلع من بيتنا" راح يدرس بالدمام و مصطفى ب ثالث ثانوي لحاله ف البيت وانا ب ديار اوباما وَ تفرقنا انا واهلي ! كنت بلاااوي بس اجلس ع الكمبيوتر تجيني طاقة هذرة و سوالف و هواش وكككل شي والحين احتار مدري شسوي ! حدي الحين اقرا عن الماسونية ولا اطالع الصور و خلاص ! توقعت لمن اجي وبلتقي بالبنات المغتربات بنصير عائلة وحدة و قلوبنا ع بعض، ولكن العكس عداوات و نفاق و حش ومشاكل و خراب بيوت ! وَ ع كثر صديقاتي و زحمتهم ! من جيت ماشفت الا غبارهم ، بس لحاجتهم يتلصقون وهالشي صدمني وَ م توقعت بيجي يوم و بعيشه ! والحين صار صديقي الصدوق هو " زوجي" الله يخليه صج والله هو الوحيد اللي يتحملني > امزح شحليلي متحسف م لحق ع المنتدى وَ عرفني > جان تخللت عند امي ولا عرس علي من جنوني والله ياخوي نفس التفكير كأني بحلم بهالحياة ، ساعات اشوف الحياة تجنن وَ وردية و ساعات اشوفها عذاااب واتمنى اني كنت من جيل الطيبين مو بذا الجيل ! وساعات فجأة اصيح عند زوجي مابي اجيب عيال لان الحياة تخوف ومافي امان و جيل عن جيل يختلف" ومالي خلق افقد عيالي ولا يصير فيهم شي يمكن استجن ! احاول اعيش عمري بس لازم نزار القباني اللي بداخلي يخوفني بهالدنيا و حسبي الله عليه شيب تفكيري وخلاني اعجز فكريا> مدري شدخله ، فيني كلام كثييير من زمان م كتبت و عبرت ، انا ماعرف اعبر عن اللي بداخلي فيس تو فيس ' بس بالكتابة ، كلامي ملخبط و داخل فبعضه ادري والله لان المشاعر حدها ظااربة فرح ع حزن ع وله كل شي يااهلي كل شي والله يطول ب عمرك و يطول بعمر اخواني و خواتي اللي هون ياارب . ، والله اني اتمنى اوصل لكل اعضاء المنتدى و اتطمن عليهم و نرجع لبعض للحين اسمااء كثيرة فبالي اتذكرهم واتذكر ايامنا الجميلة كان المنتدى جزء كبير من حياتي و اتمنى ارجع بنفس القوة اللي كنت عليها و اثار الخرف و العجز م تبين فيني ، وودي لو اجتمع فيهم ب قروب بس ماعرف شلون بتواصل معهم ، وهم من زمان م دخلو المنتدى واقولكم نفر نفر وحشتووووووووني وَ وحشني كل شي معاااااكم عشته ، Come back please |
|
|
|
|
|
09-14-2014, 01:14 PM
|
رقم المشاركة : 4 |
|
|
رد: اخر اخباري ..
السلام عليكم ورحمة الله وبركاته اللهم صلِ على محمد وآل محمد وعجل فرجهم الشريف ههههههههههه تصدقين أحس أن حياتي فلم هندي مخربط ^_^ مثلك؛؛ أتذكر لحظات في المنتدى ناس وايد ما تدري عنها!! من فيكم سمع عن (نبراس الحياه)!! كانت صديقة أختي (عبق ذكرى) من أربع سنوات؛ ومن أربع سنوات ما سمعت عنها خبر!! تصدقين أنها ليلة الناصفة من ثلاث شهور جت بيتنا تسأل عن أختي وما لقتها؛ لأن أختي كانت تدرس في الكويت. وكنت أقول في بالي؛ لو كان بينهم تواصل بالهاتف أو بالواتس آب؛ كان عرفت أخبارها قبل ما توصل البيت وما تلقاها.. فمن جذي أنصحكم أن تلمون نفسكم يا بنات المنتدى في (قروب واتس آب)؛ عشان تعرفون أخبار بعض؛ وتتعاونون مع بعض؛ وتساعدون بعضكم على الدنيا وهمومها. ويا ريت وحده فيكم تفتح القروب اليوم؛ ولموا اللي تقدرون عليه؛ ترا الدنيا حلمه؛ وبسرعه تفوت عليكم. وأنا مثلك عندي كلام وايد؛ بس مو عارف أكتب شيء. لأن هالدنيا مدوختني *_* ساعات أحب أفضفض وساعات أحس ان السكوت والصمت أحسن. لأن حرامات أبكي على الماضي؛ والماضي بيه أسرار كثيرة وأحلام كثيرة.. بس أعتب على الدنيا؛ لأننا بعد 100 سنة؛ ما راح نكون فيها؛ شلون شفنا فيها كل هالأمور. والعلم عند الله عز وجل. ومع السلامة. |
|
|
|
|
09-14-2014, 01:23 PM
|
رقم المشاركة : 5 |
|
رد: اخر اخباري ..
وشسمه كلاماتك تعور القلب ي اخوي صحيح كيف بعد 100 سنة م بنكون ف هالحياة احنا اللي نعتبر انفسنا مخلدين فيها ! م فكرت فيها للأسف "نبراس الحياة" مار علي اسمها لكن مدري اذا نفسها ولا اتخيل وانا مستعدة افتح قروب بس بكون فيه لحالي لان م عندي رقم احد لكن ان شاء الله من اليوم ب اتواصل وابحث عن الصبايا ربيعاتي >3 الى القاء ، مع السلآمة ..~ |
|
|
|
|
|
09-14-2014, 01:33 PM
|
رقم المشاركة : 6 |
|
|
رد: اخر اخباري ..
السلام عليكم ورحمة الله وبركاته اللهم صلِ على محمد وآل محمد وعجل فرجهم الشريف لا البنات موجودات؛؛ عندك حرت بين السهم والجود - العقيلة - فدوة لعيونك يا عمي - وأختي فاطمة - وأنتي (الكوثر) - والعروة الوثقى - وعشوق وأختها أكرفية للأبد - وفروحه - الأمبراطورة ملاك - السوسن؛ وغيرهن كثير؛؛ والمفقودات (آخر العنقود - صراط علي - كلنا فداك يا محمد). وأنتي فتحي القروب اليوم؛ وهالقروب إن شاء الله يجمعكم على خير. وبيخليكم على طول مع بعض في السراء والضراء؛ وبيربطكم بالمنتدى أكثر وأكثر. وأقترح أن تفتحيه بأسم (بنات منتدى العباس).. وإن شاء الله خيراً.. ^_^ |
|
|
|
|
09-14-2014, 07:59 PM
|
رقم المشاركة : 9 |
|
رد: اخر اخباري ..
ههههههههه قسم بالله قمت اضحك من قلبي أقرأ كلامكم واضحك شهالحالة باخلص اموري واللي في أيدي وبرد ^^ |
|
|
|
|
|
09-15-2014, 12:48 AM
|
رقم المشاركة : 10 |
|
رد: اخر اخباري ..
بسم الله الرحمن الرحيم اللهم صلِ على محمد وآل محمد وعجل فرجهم الشريف السلام عليكم ورحمة الله وبركاته حياش الله عزيزتي اختي الكوثر، أشتقنا لش ولجميع الغائبين عن المنتدى المبارك .. والله يكون في عونكم ويفرج عنكم وعنا إن شاء الله. الحياة صعبة وتكسر الظهر وأني بالصراحة أحس كبرت من الطفولة في الحياة والحمد لله على كل حال، خلي الماضي يروح. ما أفكر أتكلم لو أتكلم يمكن أبجي وأنهد كالسيل، خلي اللي في القلب يظل بالقلب صرت أخاف حتى من الضحكة لأن أدري بعدها دموع، وللحين أواجه الحياة بصعوبة في الحاضر كل شي مسكر في الوجه، وإن شاء الله ربي يمدني بالقوة والمؤمن مبتلى ويبقى الأمل بالله سبحانه لابد أن تفرج مهما ضاقت.. المهم ماعلينا ^_^ ربي يحفظكم يا أخواني وأخواتي الطيبين واسمع عنكم كل خير إن شاء الله. بخصوص أرقام البنات أتواصل مع بعضهم وعندي قروب واتس آب بنات منتدى العباس (ع) وفيه كم أخت من الأخوات المنتدى قدرت أصيدهم ومن ضمنهم كلنا فداك يا محمد. أختي الكوثر: ضفتش معانا وإذا عطوش البنات أرقامهم خبريني أضيفهم بالقروب. أخوي أبو حيدر: ربي يحفظك ويحفظ عيالك ويكبرون ويرفعوا راسك إن شاء الله. وفعلاً البحر جميل أحبه واجد يريح النفس ويبعث على الهدوء والسكينة. ومحتاجة دعواتكم لي بقوة بتسهيل الأمور والفرج إن شاء الله. في أمان الله وحفظه. |
|
|
|
|
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
العرض العادي
