|
|||||||||||
منتدى الشعر وهمس القوافي الشعر المتميز؛ الشعر الحسيني |
|
أدوات الموضوع | انواع عرض الموضوع |
03-24-2014, 08:45 AM | رقم المشاركة : 1 |
الى شهداء العقيدة والوطن
بزغ فجر الشهاده بثورتك يحسين * طلع صوت الشموخ منور بفجره طلع لجل العقيده وغايته الاصلاح * ماراد الكراسي ولا طلب شُهره ماقر للدعي ماصافح الفجار * رفض كل المذله وفجر الثوره دگ ثاية نضال حسين للتاريخ * خط درب الشهاده وثبته بنحره رسم بيده الخريطه ودون الدستور * شيد مدرسة احرار من فكره شرع للفداء اشرف نهج موجود * اخذ اطهر وسام وعلگه بصدره منّه تعلموالاحرار درب الزود * اصبح موقفه لهل الشرف عبره تاريخ الوطن جدامك ومفتوح * تصفح زين بالصفحات من تقره شوف اچم شهيد القدمو قربان * ضحو بالنفوس الطاهره الحره من ارض الطفوف النور گام يلوح * بدت تظهر شمسنه ولاحت الكمره صارت كربله الهم عبر ودروس * من حسين اخذو موقفه وصبره شافو هالوطن يتغطه بالاحزان * وبگلوب البشره حرگه والف جمره وأسنين التمر كلهن سنين اعجاف * طاغوت البعث جار وطغه بشره اصبح هالشعب لگمه بحلگ ظلام * چن واگف وطنه عد شفا حفره ارتفع صوت الغياره وهبت الافواج * ضد حكم الطغاة وهددت وكره رغم ظلم البعث كله ورغم الاهوال * رفعو صوتهم للمــــــادره ويدره اهتز ركن الظلم من ارتفع هالصوت * خطوات البعث خلوهه متعثره ماقبلو شعبهم ينحن للجور * لان دمهم حسيني وطاهره البذره ماهمهم مشانق لا غرف تعذيب * وسراديب الذبح واحقاد هالزمره ماخافو سجون ولا رعبهم موت * ظل هذا الوطــــن موقفهم يذكره رفعوهه الرؤوس وعلو الرايات * لان عدهم عِلم رايتــــنه منتصره ذلوهه السجون وذلو السجان * ودروع البعــــــــــث فافون متوذره جادو بالنفوس وضحو الارواح * ضحوهه الدمــــه گطره بأثر گطره كريم اللي يجود بدمه لجل الدين * كريم اللي يضحي الهالوطن عمره تظل كل النفوس وكل دمه مهدور * تظل لابن الحسن بالشوگ منتظره ويظل هذا الشعب يتنطر الموعود * يظل بكل صـــــــبر يتنطر البُشره |
|
|
03-24-2014, 09:15 AM | رقم المشاركة : 2 |
رد: الى شهداء العقيدة والوطن
عاشت الايادي يامبدع ورائع بخط القوافي تحياتي |
|
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|