مسجآت رومآنسية

[خادم القاسم]

# لا تحرم المشتاق شوفت عيونك ترى الغلا ماهوب على كيف راعيه
# غديت مثل العود مشراه غالي و غلاه لجله يحرقونه على النار
# لا الشوق دمي ولا شعري مناديلي سيد القصايد على هونك بخادمها
# لاخاب ظنك بالرفيق الموالي مالك مساريه على باقي الناس
# بقول لك كلمتين و بختصار شديد إن كان لزين ديرة فأنت العافية
# عزي لمنهو بهوى خله تعذب يطرد ورى شمس مالها للشروق طاري
# تعلمت أزيف ضحكتي والقلوب أسرار على أنى بخير بعين من يجهل أحزاني
# تلعب بقلبي لعب الطفل بالطير يضحك وطيره ميت في يدينه
# اشتاقلك مع طلعة الصبح واسهل شوق اليتيم الي نسوه القرابه
# تفداك عين ما ترد النظر فيك و يفداك قلب ما يشوف العطش ماك
# مهما بعدتي احس انك لي لحالي احساس شاعر يا ويلك لو تحسينه
# أن كان غرك في حياتك جمالك أنا يغرني قلب جرحته ولا طاح
# حاول مرة حبيبي واطلب عيوني يمكن يضيع العقل لحظتها واسويها
# أن كان غيري كاتب غلاك بسطور أنا نقشته بذهب ما تشيله كفوفك
# يا درب يا طولك لشوف الأحباب يا درب تكفى تختصر لي المسافة
# طبع الليالي بالسعادة قصيرة الله يذكر من فقدناه بالخير
# قل لامك سامح الله خطاها جابتك فتنة للقلوب الرهيفة
# قالوا تعيد قلت مالي بالأعياد بعد الغضي عن كل الأعياد عايف
# ليتني ما شفت في عينك دموع منظر الدمعة على خدك هلاك
# تكفين كفي دمعتك وارحميني قلبي من أسبابك يكفيه مافيه
# دخيلك تخلي ضايق الصدر بهمومه تراني على حد البكا لا تبكيني
# يا صاحبي لا صاروا أصحابك جفا هز جذعي وأتساقط لك وفا
# يامن غدا شوفه كما حبة الكوع لمسه قريب وحبته مستحيلة
# جابوك بالطاري و أنا كنت ناسيك سكت لحظه احتراما لطرياك
# أدل بيتك دون وصف وعنوان و شلون أضيع سكتي وسط قلبي
# يمطر لغيري من حنانك سحابك و يموت قلبي ظامي بين أياديك
# رجيت عطفك بس طال الرجا بك لين انقطع باليأس كل الرجا فيك
# يا مقفي عني مثل ساير الناس شف خافتي ماهزته ذكرياتك؟
# من خيالي طيفك الكاذب سرى لا مشاعر في عيوني لا حنين
# مثل مابين الثريا والثرى بيننا تفصل ملايين السنين
# يغيب يحسب كل غيبه قصيرة و كم غيبة كالموت و أقسى من الموت
# إن كان قدري في عيونك قصيدة عديني أجمل ما قريتي من أبيات
# يا زارع الوردة على الصخر غلطان مثل الذي ينقش على الماء قصيدة
# إلا العيون ابخل بها ما قدر أعطيك وش فايدة دنياي من دون شوفك؟
# أوصيت منهو يحفر القبر و يذريني يكتب على النصب مات وله بكم حاجه
# أنا اللي شفت في و صلك عذابي و ذقت الذل من ذاك العذاب
# عزي لمن جاله ورى النذل حاجه ياعنك ماحده زمانه على خير
# يا صاحبي ما هي قضية كرامه حنا خسرنا بسبتك ناس غالين
# احبك ايه نعم واهيم بسحر نظراتك ولجل حبك أقول تهون و تقبل تحياتي
# شريتك بعمري وفا ليه بعتي عمر الهوى ما في الهوى شاري باع
# جعل العيون الي تبي اليوم فرقاك تفقد مع الأيام نعمة بصرها
# دمعه تسيل و شمعه تنطفي و العمر بدونك يختفي و من دونك قلبي ينتهي
# إن هواك في قلبي يضيء العمر إشراقا سيبقى حبنا أبدا برغم البعد عملاقا
# كل هم يزول وكل ضيقه تنتهي لا تحمل قلبك جروح ترى أيام الحزن ما تنتهي
# أنا يا غالي ما أقسى ولا أنسى أنا سفينه كل ما ترحل ردها الشوق للمرسى
# يا بادي النسيان من غيرك أتعبنا كنا أعز اثنين وتالي العمر ضعنا
# جلست البارح أتأمل وأبكي زمان أول تغير حال هالدنيا أعز الناس ما يسأل
# دام الوفا بقلوبنا حي ما مات أحبابنا لو طول البعد غالين
# أنا لي قلب ما يقسى ولي عقل ما ينسى ولي صاحب بدونه ما أسوى
# لا تسأل دموعي عن أوجاع الأيام اسأل عيوني من تمنى تشوفه
# همسة غلا جتني على غير ميعاد يا حلو همسات الغلا بين الأحباب
# وينك حبيبي الحب خلد سيرتك داخل الروح تبقى حبيبي لو بقالي عذابك
# مقصر في سؤالك وأنت غالي ولو ماني أحبك ما أبالي
# لسانك لا تذكر به عورة امرىء فكلك عورات وللناس أعين
# إن العيون التي في طرفها حور قتلننا ثم لم يحيين قتلانا
# يعطيك من طرف اللسان حلاوة ويروغ منك كما يروغ الثعلب
# نقل فؤادك حيث شئت من الهوى ما الحب إلا للحبيب الأول
# ومن العداوة ما ينالك نفعه ومن الصداقة ما يضر ويؤلم
# لبيت تخفق الأرواح فيه أحب إلي من قصر منيف
# لا تقطعن ذنب الأفعى وترسلها إن كنت شهما فأتبع رأسها الذنبا
# صلى وصام لأمر كان يأمله حتى قضاه فما صلى ولا صاما
# لا تنه عن خلق وتأتي مثله عار عليك إذا فعلت عظيم
# قم للمعلم وفه التبجيلا كاد المعلم أن يكون رسولا
# العلم يرفع بيتا لا عماد له والجهل يهدم بيت العز والشرف
# الأم مدرسة إذا أعددتها أعددت شعبا طيب الأعراق
# إذا الشعب يوما أراد الحياة فلا بد أن يستجيب القدر
# وإذا أتتك مذمتي من ناقص فهي الشهادة لي بأني كامل
# رب أخ لم تلده أمي ينفي الأذى عني ويجلو همي
# ذو العقل يشقى بالنعيم بعقله وأخو الجهالة في الشقاوة ينعم
# أدري بس أنت ما تدري و أبيك تدري انك أغلى من عيوني الثنتين
# إذا انتهت أيامنا فتذكري أن الذي يهواك في الدنيا أنا
# باهي الخد خدك يشتكي رمش عينك يدمي الخد لا سلهمت رمش العيون
# في عيوني حبستك لين كل سرى خفت عين تشوفك و أنت عندي وحيد
# السنه فيها فصول أربع تمر والعمر مثل السنه و أنت الربيع
# لو تشبهين الناس ما فيه مثلك ملامحك تحمل تقاسيم روحي
# اك أنا أهديتك اللي ما نساك قلب حبك وعن غيرك سلى
# تكفى عشاني لا يجي بخاطرك شي ترى عذابي منك لا ضقت كلك
# يا جرحي اللي شربت الحب من دمه كنت اجهل الحب لولا جرحك
# تبي تحس بقيمه اللي تحبه خله يغيب أيام وتحس بالموت
# يا انسان أسف يا شبيه الإنسان فاتك قطار الصدق والصدق فاتك
# اشتقت لعيونك وصوتك ونجواك واشتقت لظروفك ولو هي عنيده
# ليت الشوارع تجمع اثنين صدفه لا صار شباك المواعيد مجفي
# يا فرحه أيامي ترى البعد كايد وشلون ابسلي و أنت عني بعيدي
# شريتك بعمري وفا... ليه بعتي عمر الهوى ما في الهوى شاري باع
# العطا و الوفا والجرح وأسلوبه صدق غالين لكن جرحك أغلاها
# هذي حياتي لاخلت منك تنعاف مثل الليالي لاخلت من قمرها
# لو ينشري قلبك ترى الكاش مدفوع ... نشري القلوب اللي ذبحنا غلاها
# بعض البشر يفرض عليك الغلا فرض ... والبعض مثلك وين ما كان غالي
# إن كان قصدك من تمنعك تشويق .... شوقي لك أكبر من تصور خيالك
# كلن يقول أن الوفاء صعب نلقاه ..... و أنا أقول أن الوفاء فيك مخلوق
# تمطر لغيري من حنانك سحايب ....... و يموت قلبي ضامين بين أيدينك
# وجود الحب يكفينا و هذي كل أمانينا..أنا وياك فينا طبع إذا حبينا حبينا
# سبحان من زينك وفصلك تفصيل ... جمعت الحلا كله وزين الطبايع
# سؤالي عنك يكفيني ومن غيرك يواسيني من غيرك شغل بالي ومن غيرك ملا عيني
# يا عيوني خاطبي دمعة عيونه جاوبيها خففي ثورة ظنونه
# ما أنساك لو ينسى الكحل سود الأهداب و شلون تنسى العين صافي نظرها
# حاولت أحبك زود عن كل هالناس واثري نسيت الناس من زود حبك .
# أحبك والهوى نعمه وحبك نعمة الرحمن ولو كان الهوى غلطه فحبك كل غلطاتي
# حبك مثل موج البحرمده وفاوجزره جفاوقربه دفاوبعده إلى متى ؟؟
# إن الحب هو الحياة و أنت حياة قلبي,أحبك بكل المعاني يا دواء ما أعاني
# شعور قلبي لك اهديته .. ونبض الفرح فيك حسيته .. ولعيونك الشعر خطيته
# وينك حبيبي وذاتي وينك يا نجمة حياتي وينك يا أجمل أعيادي
# أذوب فيك وأنت مهملني وألعب على نفسي و أقول ...! ألحين يكلمني
# أجمل تعابير قلبي نضمها شعر فيك ... وأغلى أمانيه أنك تقبلها منه
# روحي تتكلم فيكمن لهفتي تناديك تصرخ وتقول وينك وحشتني موت ابيك
# لا تحسبني لو المدى طال بنساك ....؟؟ لو كان دروبك شوك لاجلك مشيت....
# من يكتب الماضي على كف يمناه يلقى شماله تشتكي من يمينه
# أرحم اللي مايخاف الا عتابك ما انحنى رأسه لغيرك وانحنالك
# ياذيب أنا بوصيك لا تاكل الذيب كم ليله عشاك من عقب المجاعه
# ترا حلاة العمر مع من تحبه ..... شخص توده دون كل المخاليق
# كيف عنك اتوب والقلب حضرتك تملكه بتوب عن كل الذنوب وذنب حبك حشى ماتركه
# حبك عذاب الروح ويونس الروح..مستولين حبك على كل كلي
# لي في عذاب الحب رحمة ومصلوح..عذابك أرحم من نعيمن مولي
# اغلا الجروح اللي بها منك مجروح..الله ياحبي لجرح التغلي
# حسبت قلبي قوي ومايهزه غيابك .. وطلع مثل الورق يرجف من بعادك
# مدري مراسيل الهوى بين قلبين ... تجمع قلوب اللي ذبحنا غلاهم
# جعل العيون الي تبي اليوم فرقاك تفقد مع النعمة بصرها
# ان كان قدري في عيونك قصيدة عديني أجمل ماقريتي من ابيات
# تمطر لغيري من حنانك سحايب .... ويموت قلبي ضامين بين ايدينك
# أموت حسرة وقهر لو انت تنساني ..وأرضى أعيش بسجن بس أنت سجاني
# حاول مرة حبيبي واطلب عيوني يمكن يضيع العقل لحظتها واسويها
# تلعب بقلبي لعب الطفل بالطير يضحك وطيره ميت في يدينه
# عزي لمنهو بهوى خله تعذب يطرد ورى شمس مالها للشروق طاري
# تدري وش أصعب محبه بهالكون لاصرت تغلي واحد مادرى عنك
# أموت برقة احساسك وهمس الحب بانفاسك ولوتطلب مني قلبي انا كلي فدا راسك
# أنا من حبني بقلبه أحبه بكل مافيني اسميه نظر عيني وعلى كيفه يسميني
# غفت عيني على ذكرك وقمت بهاجسي مفجوع تخيلت الزمن يقسى ويصبح وصلكم مقطوع
# في غيابك أنا والليل وجرح الحب نغتابك.. نتكلم عن عيونك ونتهاوش على حبك
# فتش في قلوب البشر وأسأل أيام العمر وان لقيت من يحبك أكثر مني لك العذر
# احرص على اللي دايم الدوم شاريك وأحذر من اللي لاقسىالوقت باعك
# أقعد وشب النار وأذكر وليفي وبحجة الدخان أبكي على كيفي
# ليتني ماشفت في عينك دموع منظر الدمعة على خدك هلاك
# اشتقت لعيونك وصوتك ونجواك واشتقت لظروفك ولو هي عنيدة
# شعور قلبي لك اهديته ..ونبض الفرح فيك حسيته ..ولعيونك الشعر خطيته
# يابادي النسيان من غيرك اتعبنا كنا أعز اثنين وتالي العمر ضعنا
# بعض البشر يفرض عليك الغلا فرض والبعض وين ما كان غالي
# ياكبر شرهتنا على راعي الطيب لا غابت رسايله وماعرفنا السبايب
# يامطول الغيبة وحشتيني موت محروم انا الشوفة لاتحرمني الصوت
# حبيبي حياتي يا حياتي بها افداك دونك حياتي وش حياتي بدونك
# خل الرفيق اللي غدر بي يسليك واذكر ترى من خان لجلك يخونك
# لو خان ودك من تعزه الروح معذور لا صديت عن باقي الناس
# بعض الجروح تعالج شوي وتطيب وبعض الجروح علاجها نزعة الروح
# اللي يبيني يمه الروح تنساق واللي سلاني عنه القلب سالي
# مدور غلاتك ترى الغلا موجود المودة حقيقه والشواهد قلوب
# جيتك بقلب مفتوح صحيح مليان جروح ولكن ميزته وافي ويحبك يا روح الروح
# روحي له يارساله وانزلي من تحت شاله واهمسي في أذنه أني احبه لحاله
# لاهزك الطاري من الشوق راسلني لاتحجب إحساسك عن إحساس غاليك
# يعلم الله شوق نفسي لك بحر ويشهد الله صورتك في خيالي عيت تغيب
# إن قلت أحبك مابها أي تجديد بس الجديد إن الغلا بخافقي زاد
# وش يسلي النفس في بعدك حبيبي كل دقيقة تمر في قلبي لهايب
# أنت الصديق اللي صفا لي وداده وأنت العزيز اللي له القلب يرتاح
# ما كنت أفكر في فراقك دقيقة لولا أن عقلي من سبات الهوى فاق
# لا تفتكر أني على البعد ناسيك ولا تفتكر قل اتصالي قطاعه
# أول قصيدها قلتها يوم شفتك وآخر قصيده قلتها يوم فرقاك
# يا ذيب أنا بوصيك لا تآكل الذيب كم ليلة عشاك من عقب المجاعه
# بكيتني وأنا أحسبك تكره بكاي أثرك تلذذ في دموعي وأنا ابكي
# ودي أشوف من صار بعدي حبيبك وتشوف حالي بعدما حنا افترقنا
# اقعد واشب النار واذكر وليفي وبحجة الدخان ابكي على كيفي
# يذوب قلبي في نواظر عيونك واشتاق لك شوق الغريب لدياره
# الليل من دونك ترى شين ومخيف وشلون اقضي تالي الليل دونك
# الموت ما هو طعنت السيف والرمح الموت عينك يوم ترخي هدبها
# رفيق لا خسرته خسرت العمر كله ورفيق لاخسرته سلمت من الخساره
# من أول يا ذيب تفرس بياديك واليوم جا ذيب عن الفرس عداك
# ابشر بعزك لو تبي الجدي وسهيل أنا خويك لا أدبر الوقت وافي
# ودي أتوسد ذراعك وأضمك حيل لاحضاني وأحسك في عروقي عشق يملك كل وجداني
# من نويت أنساك وأعلنها فراق قلبي أول من خذلني وأعتذر لك
# الحر لامنه تبرقع ترى ضاع وألا أنت لا تبرقعت ضعنا
# ضحكت أنا والضحك عني بعيد ضحكت منك يوم تطلبني أنساك
# راحت ويا كثر الذي قبلها راح يالله عسا بفراقها يا علي خير
# بس قبل المفارق ودي أسأل سؤال دام ما تفهمين الحب وش تفهمين
# قسمت روحي بعد فرقاك روحين وحده معك والثانيه بانتظارك
# أرحم اللي ما يخاف إلا عتابك ما انحني رأسه لغيرك وانحنالك
# أضحك مردك بيوم تواجه الدمعه إما على جيتي ولا علي فراقي
# أحب فيك الوقت لا غابوا الناس وأحب الناس لاصرت موجود
# هذاك لامنه نظرني بعينه أضيع الحاجة وهي في يديني
# لو أحسب أيامي معك بالدقيقه يا صاحبي تزعل علي الثواني
# عشقي لك أكبر من غلا إنسان لإنسان إحساس ما كل البشر يفهمونه
# من قال ياعمري عليك النفس زعلانه اجرح وعذبني مدام الجرح يرضيني
# الغلا لك بقلبي والضمير مخزون بداخل أعماق جوفي عشق بالدم ذاب
# جعل واهج غرامك مثل وجدي وناري مير ما ظن في دنيا المحبه عداله
# من كثر ما أغليه صرت أفرح بزلاته لو قلتوا أخطى عليك أقول وش يعني
# لا تطري فراق فال الله ولا فالك هذا أنت مبطي معذبني و أهليبك
# والله لو تدري عن الشوق يمناك ما صافحت غيري من الناس مخلوق
# همسة غلا جتني على غير ميعاد يا حلو همسات الغلا بين أهلها
# والله لو جتني من الرفقه طوابير أنت الوحيد اللي له القلب يرتاح
# مجنون شافك واصبح اليوم عاقل وعاقل ترى في غيبتك صار مجنون
# لو لقيت أحد مثلي يحبك ويغليك اصرخ وقول اشهد أن الأصابع تساوت
# تعال فاحت دلة الشوق بالهيل ما غير أنا وهموم قلبي معازيم
# انت البخور اللي تطيب به الدار وغيرك حطب والكل بالفرق داري
# من يكتب الماضي على كف يمناه يلقى شماله تشتكي من يمينه
# من حبكم قمت البس الثوب مقلوب وانشد عن الغتره وهي فوق راسي
# احرص على اللي دايم الدوم شاريك و أحذر من اللي لاقسى الوقت باعك
# قال أنا كني غريب ضيع دروب المدينه قلت أنا كني مدينه تنتظر رجعت غريب
# أنساك لحضه و أذكرك باقي العام حتى وأنا ناسيك نسيت وذكرتك
# الخير بوجهك متى ما رحت راح الخير ما علموك وش كثر ضايقني فراقك
# كيف اناديك عمري و العمر فاني أنت غير الناس و لك غلى ثاني
# تبكي عيوني على فرقا مثلكم غالين نعنبو جد الغلا كيف بعد العز بكاني
# علموك القساوه و أنت طبعك حنون كيف تجرح دموعي و أنت وسط العيون
# بنك المحبة لك على طول مديون لو زاد صرفك ما يخلص رصيدك
# لو أمدح الدنيا على طول الأيام ملحق جزاها يوم جادت بشرواك
# قالوا حبيبك يسمع الشعر قلت أيه يقراه بعيوني قبل تسمعونه
# القلب يجبرني عليك أنت بالذات ولا العرب واجد وغيرك مزايين
# من يقول انك تكون من البشر البشر من طين وأنت أصلك ملاك
# تعبك راحه واحبك مهما تتعبني شفت الغلا كيف سوا من التعب راحه
# أقبلت مثل اللي يبشر بمولود واقفيت مثل اللي يعزي بغالي
# ناسن لها بالقلب حشمه وتقدير وناسن تجي وتروح محدن فقدها
# منهو حبيبك غايتي بس اهنيه على حسن حظه عشانك حبيبه
# يا كثر ما نذكر من الناس غالين تحت الثرى ما عاد فيهم رجوعي
# حبيبي عسى الله ما يبدل غلاك راضي في غرامك طول عمري أبيك
# يا ساحرني و بطول غيابك قاهرني قتلني الشوق لو كان لك قلب راسلني

[وديعة الحوراء]

*
๑‏‏
تسلم ع ـآلطرح ـآلذوقٍ..
مسج’ـٍـٍـٍآت ولآ أروعٍ’
أدآمكَ ربيِ لمنـتدآن’ــِآ ـآلغ ـآليٍٍ ِ ..


ً๑

[مرهفة احساس]

الشكر لك وتسلم أياديك عالطرح ...تحياتي القلبيه ...

[الغصون]

يسلمو ع المسجات


يعطيك العافية

[حنون]

[frame="8 80"]
يسلمو ع المسجات


يعطيك العافية
[/frame]

يسلموو على المسجات

[أبو رباب]

اللهم صل على محمد و آل محمد وعجل فرجهم واحفظنابهم
جهد مبــــــــــارك سلمت يمينك ..
بارك الله فيك

[بنت الحسين رقيه]

يسلموووووووووووووووووووو

[بحر وفاء العباس]

يعطيك الف عافية اخونا " خادم القاسم "
مسجات راقية..
تسلم الايادي ..
صفحة مزدهرة بالجديد ..
موفق و اترقب عبير صفحتك المقبلة..
تحياتي

[عشووق]