((إفتح قلبك)) هل لديك مشكلة...؟!! أدخل هنا والحل موجود بإذن الله...

[صرخة عطاشا]

قواك الله اخوي ابو حيدر
انا عندي مشكلة انسانه مقربه مني بقول لكم السالفه وتعطوني رايكم فيها
المشكله ومافيها ان هالانسانه حبت شخص من كل اعماق قلبها ورفضت اللي يتقدمون لها عشانه وعشان تظل جنبه لانها تقول ماتقدر تعيش بدونه صحيح ان هي سوت المعاصي وغيره وغيره بس نرجع لموضوعنا
هالشخص هذا يسبها ويهينها واحيانا يضربها وهي دائما تقول له ان هالشي مايعجبها فيه يرد عليها انها ماتفهم وماعندها عقل
في يوم من الايام دكتور كلمها في موضوع الزواج رفضت هي عشان ان هي شيعيه وماتبيع دينها لشخص سني وحتى لو استشيع على قولته عشانها ردت عليه اذا بتصير شيعي عشان نفسك مو عشاني غير اللي قالت له ان في قلبها انسان ثاني منها عرف ان هي على علاقة بشخص
هالدكتور لما يشوفها يسلم عليها ويتطمن على احوالها وهي ترد عليه ونسيت الموضوع اللي طرح عليها وقال لها في يوم من الايام اذا عندش اي مشكله او استفسار عندش رقمي وانا بكون اخ وناصح الش انشاء الله
البنت من سنين اللي فاتت استشارت دكتور نفسي بطلب من صاحباتها منها تحصل عالاقل المواساة اذا مش الحلول وافادها هالشي كثير في دراستها
بس هالمرة راحت تقول للدكتور عن مشاكلها في البيت واللا مع حبيبها لانه عارف بهالموضوع وغيره لا وكان ينصحها ومره يقول لها اتركيه بس هي ماسمعت كلامه واحيانا تستشيره بامور طبيه والا امراض بدون علم حبيبها لانها خايفه انه يزعل منها
واخر مرة رسلت للدكتور رساله تحتوي على انها تبغى معنى اسم
مارد عليعا اتصلت له اكثر من مرة مغلق ومرة شافته انتظار وطنشت وقالت له اذا فضيت رد على رسالتي
طلعت في يوم من الايام مع حبيبها قالت تبي تروح الحمام عطت شنطها حبيبها عشان يمسكها لها ورن جوالها الا فتحه وشاف رساله بالانجليزي من الدكتور معناها وسخ جداوقلة ادب منه
تعجب الحبيب لماعرف معناها وهي انصدمت عالرغم انها رسلت له رساله محترمه تبي تعرف عن مصطلح لا اكثر
هالحبيب وعدها انه بيتقدم لها بعد شهر ولما شاف الرساله هون عن الخطوبة
البنت ركعت له وبكت وحلفت له انو مافي شي بينها وبين الدكتور الا بس استشارات وانها تشتكي اللي يصير معاها اذا حيبها مايتجاوب معاها في شي بنوب
انا الان ابغى اعرف من الغلطان البنت والا الحبيب عشان يتركها ويقول لها انتي من شخص وشخص ولعابه وتتسلين عالرغم ان البنت نيتها حسنة جدا مع الدكتور حتى لو هو قل ادبه معاها الا هي تصده في هالشي
وهي بسرعه تنسى وماتحمل في قلبها شي ابدا
السالفه كلها غلط ومعصيه بتقول عارفه بس في هالموضوع انتو تحطو اللوم عالبنت وعاللي سوته ان مصيبه
صحيح غلطت ومااخذت رأي حبيبها وسوت هالشي من وراه بس مولدرجه انه يقول لها انها لعابه
وههو الان معاها لانها طلبت وترجته انه مايتركها لانها ماتقدر تعيش بونه
وعطني رايك لو سمحت وراي الموجودين ايضا
واسفين اذا تطولنا عليكم
سلام

[صرخة عطاشا]

قوالك الله ابو حيدر
انا السالفه اللي عندي هي انسانه مقربه مني تحب شخص وهو يحبها مثل مايقول ووعدها بالزواج بعد شهر رمضان والمشكله هي ان هالشخص يسبها ويضربها ويهينها من قبل سنين صارت لها ضغوطات نفسيه فاستشارت دكتورنفسي ونفع معاها في هالمشكلة لجات الى دكتور كان بده يخطبها بس هي رفضت وقالت له انا شيعيه ومستحيل اخذ سني وفوق كل هذا في قلبي انسان ثاني
كانت تستشيره في امور طبيه غير المشاكل اللي تصير معاها سواء في البيت او مع حبيبها اللي يسبها ويقول عنها انها ماتفهم وغيره وكان ينصحها ويحذرها من اشياء عالرغم انه هالدكتور يحبها بس هي تتلاشى هالموضوع من الاساس
في يوم من الايام رسلت للدكتور رساله عن معنى اسم قراته وتبعى تعرف معناه
مارد عليها راحت اتصلت له مغلق ومرة شافته انتظارو رسلت رساله تقول فيها اذا فضيت رد على رسالتي
طلعت مع حبيبها وقالت بتروح الحمام ومسك شنطتها ورن جوالها وفتحه وشاف رساله بالانجليزي معناها وسخ جدا
تعصب وصرخ وقال لها كلام شنيع وهي تبكي وتقسم انه مافي بينها وبين الدكتور شي واعترفت له بكل شي بس هو مو مصدق لان الرساله ماتدل عالشي
الغى موضوع الزواج بس قال لها عادي بكلمش لانش كسرتي خاطري بس اللي سويتيه مصيبه ومستحيل انساه انتي لعابه وتتسلين
قالت له ادري اني غلطانه في اني شكيت الى غيرك وبدون علمك بس لو اشكيلك مااخذ منك لاحق لا باطل لانه ماتهتم في هالشي
بدي رايك من الغلطان هنا البنت والا الحبيب
هو صحيح كله غلط ومعصيه بس بدي رايكم في الموضوع

[خادمة قمر بني هاشم]

جزاك الله خيرا

[خادمة قمر بني هاشم]

جزاك الله خيرا

[سر القلوب]

السلام عليكم ورحمة الله وبركاته

أدخل في صلب الموضوع

أنت ياعضو أكيد أنك تواجه مشاكل في حياتك اليوميه وهذا شي طبيعي

مشاكل في البيت
مشاكل في المدرسه
مشاكل في عملك
مشاكل عاطفيه
في المجتمع بشكل عام

ومن خلال هذا الموضوع كل عضو يطرح قضيته (مشكلته ) ويفضفض لنا عنها وأنا وبمساعده الأعضاء سنبحث في أيجاد الحلول لهذه المشكلة ومنها نحل مشاكلنا مع بعض ونفتح قلوبنا لبعض

أي أنسان عنده مشكله لايخبيها اذا خبأها فـ مع الأيام راح تكبر وتكبر وتكبر فعندها لا ينفع الندم والصمت

فالصمت ليس حكمه آآنها

أرجو أنكم تفهمتم ماهي أهداف هذا الموضوع

والله يبعدنا عن المشاكل جمييعآآ

ودي لكم : سر القلوب

بتعرفي انو هالفكرة بي بالي وكنت رح اطرحها اليومين
وحتى استشرت احدى الاعضاء بس قلت خليني نسقه
ولكن احيكي على تلك الفكرة الرائعة وان شاءالله
يكون موضوع مميز واتمنى من احدى المشرفين ان يثتب
هذا الموضوع الجميل لانه بحاجة الى هكذا موضوع
وانا معكي اختي وان شاءالله يكون موضوع مميز
لكن الا يهمل من قبل الاشراف
وشكرا والى الامام ...... ههه كانك قاعدة بعقلي وتدرين
شنو افكر اختي مودتي واحترامي
واعتذرع ن الاطالة
بالتوفيق

[سر القلوب]

هع هع

ثااانكس للمروور

أتمنى تفاااعل

[زهرة الاقحوان]

مشكورة على الموضوع اختي سر القلوب ..
بس ضروري نوجّع لك راسك بمشاكلنا؟؟؟

[سر القلوب]

عااادي حبيبتي تعبكــ راااحه

وثااااااانكس حياااتي لمروووركــ الرائع

[$فروحـهـ$]

السلام عليكم

الموضوع مكرر .. في منه مثبت " افتح قلبك "

حق ابو حيدر

لكن بما ان خاطركم فيه

فاني راح ادمججه مع موضوع ابو حيدر

و ربي يوفقج ان شاء الله