امنية العباس عليه السلام

[الشاعر ابو لقاء البهادلي]

كون آنه موجود ** واسمع تندبين
انهض يعباس ** اسبيهه صوبين
******
اشگد هضم وهموم شفتي اشگد مآسي
والزمن عـــــــــــــــــشتيه چان بجوره قاسي
عذبـــــــــــــــوچ بكل حقد اهــــــــــــل الكراسي
آنه لجـــــــــــــــلچ اخدم احباب اويه ناسي
بعيني الحبايب ** ويه الاطايب
عباسكم صار ** يفتدي الطيين
*********
نوحي يكثر من اذكرچ وي عذابي
لجلچ بدم افتـــــــــدي وزهرة شبابي
زين تدرين بقضـــــــــيتي وبمصابي
عالزمن ميفــــــــيد لومي ولا عتابي
صعبه الرزيه ** بذيچه المسيه
يايُمه والثار ** اصبح عناوين
*******
آنه من يــوم الطفـــوله اذكر مصابچ
اذكر بونـــه وشـــــــــــجن لوعة عذابچ
ارجف بيوم ألقي نظره آنه اعله بابچ
لو تسأليني بوكتــــــــهه اصبح جوابچ
تتغير احوال ** انگلب زلزال
واللي يعادوچ ** تنسجم نصين
*********
الدنيه والله بطيــــحتچ يازهره ظلمه
اوگف اهواي اعله بابچ دوم اشمه
آنه ويه حسين نصرخ آ ييُمــــــــــــــه
روحي مني تذوب لو يشكيلي همــــه
مكسوره ودعوچ ** بالليل شيعوچ
والگبر مضموم ** متشوفه كل عين
********
آنه لو موجـــــــود وبذيـــــــــچه الرزيـــــه
واســــــمع الزهره تنـــــــــادي اهل الحميه
والله اسحگهم سحگ ذولــــــه آل اميه
بسيفي اگص ايده السطر وجه الزجيه
اگلبهه دولاب ** واگطع بالرگاب
اسحگ بالاقدام ** كل المجرمين
********
لو چنت مولاتي وبذيچه الظلامـــــــــــه
واسمع اتندبين عباس وحســــــــــامه
ابرز والبس درع سر الامامـــــــــــــــه
ايصير ذاكه اليو چن يوم القيامـــه
يسجلوهه تذكار ** عالجره والصار
وترد الاحگوگ ** ويه المضامين
******
ابرز الهم بالغضب وبگلبي شهگه
لو تلاگينه اســـــــــــوي الموت ملگه
والـــحرگ باب الزجيه بنــــاري احرگه
والكسر ضلعچ قسم بالسيف اعلگه
لو زعل عباس ** يسحگ هالارجاس
معروف بالزود ** ربوه ميامين
*******

[روح العقيله]

عاشت ايدك الله يوفقك اخويه