حَنْ كلبك علينه وجاينه اليوم؟ لو شمات جاي اِتمن علينه..

[مكفولة العباس]

السلام عليكم ورحمة الله وبركاته

حَنْ كلبك علينه وجاينه اليوم؟ لو شمات جاي اِتمن علينه..

لو دنياك حيل اوجرت وياك
لو جاي انته تتشفه اببجينه..؟

مَيهمنه السبب لا هذا لاذاك
الي يهمنه فقط..! لا لاتجينه..

شفنه الموت من نومنه الجروح
او نِفسنه انكطع حد ما نسينه..

غِبت ايام لو تدري بهالايام
نطرناك بدمع حد ماعمينه..

جنه نموت لو مر بينه طاريك
عفتنه بلا سبب كولي شجنينه.؟

ذنب كَلوبنه لان وافت وياك
اذا هذا ذنب تونه درينه !!..

لا ترجع ابد.. لترد .. نسيناك
او ميريدك كَلبنه موبيدينه..

هواي تأخرت مات الهوه وراح
دفنه اشواكنه ومنهه انتهينه..

وهذا اخر قرار.. ولامينعاد
قسمنه.. وباطل الينكث يمينه