خبزة مغموسة بالزيت...........

[فلسطين للابد]

السلام عليكم

شفت بالمنام انه دكتور عنا بالجامعة وبدرسني (اسمه عروة وولدت زوجته من يومين) جايب معه صينية فيها صحن حمص كبير وخبز وبعزم فيي وبصاحباتي نيجي نوكل معه..رحنا نوكل فلقيته كمان عازم دكتوري الثاني (اللي انا بتمناه زوج الي.."مؤيد"..لكن ما صرحتله بمشاعري) لما شفته انا رحت عالتواليت وعالمراية ازبط حالي ولبست الشال بطريقة غير اللي بلبسها كل مرة ودهنت على وجهي واقي شمس عشان يفتح ويبيض..ما خلصت هالاشي ورجعت عندهم اوكل معهم الا هم مخلصين اكل ..بس بالحمص مخلصش..شفت جزء منه مكبوب من الصحن على الصينية..وكان د.مؤيد هو اللي حامل الصينية وماشي بيها وبدو يطلع عالطابق الثاني..فجيت وقلتلهم خلصتوووووو؟؟ قام د.مؤيد حمل خبزة وغمسلي اياها بالحمص لكن من الزيت اللي عالحمص مرضيش الحمص يثبت على الخبزة..فغمسلي اياها بالزيت لحاله واعطاني اياها اوكلها..وهو راح..وانا رحت عصرت الخبزة من كثر الزيت اللي فيها كان كثير وعصرت منها كثير بس ما اكلتها..
رجع مؤيد وسألني اكلتيها؟قلتله لا ما اكلتها.........لكن لا اتذكر ان كنت اكلت منها لقمة واحدة ام لا

انتهى الحلم

وبارك الله فيكم ورضي عنكم

[الرجل السومري]

الحلم هوتدل على انه رزق لكم او منحه ماديه لاتنالون منها والله اعلم

[فلسطين للابد]

بارك الله فيك اخي وجزاك خير الجزاء