اعزاز اعزاز ياما راحوا النه! الشاعر حسين الساعدي

[سلام البصري]

اعزاز اعزاز ياما راحوا النه
وعليهم عمري كَله راح اَونه
اَشوفن للشماته راحه والنه
بس القَهر والونه الخفيه

حسين الساعدي

بجيت البارحه


بجيت البارحه وتذَكرتكم--لمن ناظرت عيني الصوركم
اَتخايلكم تعودون
وَظمكم جَوه العيون
بس شيعودكم والقَبر ضَمكم
بجيت البارحه وتذَكرتكم


----


كطَعنه الظنه متردون لينه--إبساع ابساع ضعتوا من ادينه
لو نتبادل ارواح !
أبد كل غالي ما راح
نفدي ارواحنه المنذوره الكم
بجيت البارحه وتذَكرتكم


----



أنهَ المحتاج جيتكم عليه-- حتى بالحلم شو ماكو جَيه!
اَمر ابين الكَبور
واناشد واني مقهور
مَعانيكُم بقت لو جفت عنكم!
بجيت البارحه وتذَكرتكم



----



الدنيا ابدونكم وحشة إوكَئيبه--حتى الشمس من تطلع غريبه
أحس تبجي عليكم
جانت تضوي بيكم
دنيا وظلمت من فاركتكم
بجيت البارحه وتذَكرتكم--لمن ناظرت عيني الصوركم




الشاعر حسين الساعدي

منقووول

[كاوه الاركوازي]

جزاك الله خير

[السيد مرتضى البطاط]

جميل
ربي يحفظكم

[مكفولة العباس]

رررررررررررررائع
كلمات جميلة
بارك الله فيك

[روح العقيله]

عاشت الايادي

[خادمة رقية]

احسنتم بارك الله فيكم