نعاء في شان وصيه الامام الحسين

[وردة حنين]

نعاء في شأن وصية الإمام الحسين :
احسين ايوصي ابقلب دامي
خيه دسمعي لا كلامي
وبلغي الى الشيعه سلامي
وقولي اخويه انذبح ظامي
خلهم يزينب يندبوني
وذا شربوا الماء يذكروني
أنا ابغير سبه ذابحيني
وذبحوا على صدري جنيني
خلهم يزينب ينصبوا اعزاي
ذا شربو الماء يذكروا اظماي
قولي أخوية ماشرب ماي
خل يذكروا حاله يتاماي
وشباني اللي انذبحت وياي
وسهم لمثلث وزع احشاي
خلهم ينصبوا لي عزية
ويبكوا علي صبح ومسيه
ترى ابكاهم ايدواي إليه
قولي لهم يا هاشمية
اخي ماشرب قطرة اميه
سلمي على شيعتي كلها
دخلي المواتم ينصبوا الها
وقولي اخويه في رملها
اجنازته ماحد حملها
يختلف عن لموات كلها
كل شيعتي سلمي عليهم
عن اللي جرى بي خبريهم
وخلي المواتم ينصبوهم
قولي هلي ما غسلوهم
ابدال الغسل داسوا عليهم
قولي ودمعاتج سفوحه
خويه ابعطش فارقت روحه
خل يبكوا بقلوب جريحه
قولي لهم لامتى الروحه
الى كربلا اتزوروا ضريحه
سلمي على الشيعه يم طاهر
قولي لهم والدمع ناثر
خليصي انذبح في يوم العاشر
امصابه ايفطر للمراير
نصبوا عزايا اعليه باجر
سلمي يخيه على الشيعه
وقولي الهم حالي شنيعه
ترى موتتي أكبر فجيعه
سلمي على الشيعه يزينب
قولي لهم والدمع يسكب
اخويه بقى عاري امترب
وبسهم في قلبه امصوب
حتى قطرة اميه ماشرب
تحياتي وردة حنين

[شاعرة المرتضى]

السلام عليك ياابا عبدالله
مشكورة أختي