07-27-2009, 05:54 PM | رقم المشاركة : 1 | |
نداء الى العصفوره الحره.....الرجاء التفسير ...
اللهم صلي على محمد وآل محمد اقتباس:
حلمة اربع احلام واحس ان ليهم علاقه ببعض وكلهم ليهم علاقه بأم البنين عليها السلام الحلم الاول كان يوم الخميس في الليل ليلة الجمعه تاريخ 16-7-2009 حلمت اني قاعد في بيت مثل مال اول وكان الجو حليو ما فيه شمس كانت في مره قاعد قدامي على صوب شوي وهي ولابسه دفه سوده وهي مغطيه كلها بأسود ما شفت منها شيء واني كنت قاعده قبالها بس صوبها شوي وكان اخوي واقف وراي عطتني اني شيء مستطيلي ولونه بني وعطه اخوي كأس فاضي وكانه كان فيه حطبه لونها بني مربعيه على الارض وبعدين رحت اني ويه اخوي نتمشى في الجامعه وفي الحلمه نفسها رحت اقول الى امي اني حلمت بأم البنين وعطت اخوي كأس . الحلم الثاني كان يوم الاربعاء في الليل ليلة الخميس 22-7-2009 حلمت ان اني عني كارتونين حلاوه واحد بسكوت والثاني كاكو واني اوزرع ويوم عطيت ابوي قال لي هذا مال ويش قلت ليه هذا مقري عليه على ام البنين والي عطتهم في الحلم كانو اخوي الي اكبر مني واخوي الي اصغر مني وعندما مديت الكارتون حق اخوي الي اصغر مني ما رضاء ياخذ وبعدين قالت اليه امي اخذ وقبل لا تقول ليه اخذ اني باعده و مديته حق اخوي الي اكبر مني وقالت وبعدين مديته رد الى اخوي الي اصغر مني واخذ اثنين وابوي قال ان اني مضايقه ان هو اخذ الثنين الان اني كنت اقول يالله له ايدي عورتني واني ماده الكارتون الحلم الثالث كان يوم الخميس ليلة الجمعه 23-7-2009 حلمت اني رايحه الدكان اشتري حلاوه وبعدين رحت الماتم وكانو الي هناك كلهم يصيحون ويضربون علىى راسهم فقمت اني بعد اضرب على راسي مثلهم وبعدين جفت مره خالي وستحيت منها قلت ماني ضاربه على راسي بس ما جفت روحي الا اضرب على راسي لا اراديا وياهم والحلم الرابع الي هو اليوم الصبح تاريخ 27-7-2009 كنت ادرس ونمت على الاوراق وحلمت اني عند البحر وياي بنيه اسمها معصومه واني اعرفها عندها ضحيه(الي يفلتونها في العيد في البحر) ما اذكر كلامها بس الي اذكره انها باسم ام البنين تقصد الضحيه في نفس اليوم في الليل حلم اني ويه امي في سوبرماركت ونشتري اغراض وسمعت صوت مره يقول الي ان المقصود بالي بالي قالت الي البنيه عن الضحيه يعني خطبه او بنخطبين مو ذاكره بالظبط قالت خطبه او بتنخطبين وكائنه قلت الى امي وان اني ما اقدر اقول ليها ويش انقال لي (الحلم مو واضح لي عدل الان ما اذكره عدل ) اتمنى احصل تفسير نسألكم الدعاء آخر تعديل نـور الزهراء يوم 07-28-2009 في 08:38 PM.
|
||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|